အတွဲ(၁) အမှတ်စဉ်(   )          ခရစ်တော်မွေးနေ့ပွဲတော်ကြီး(သန်းခေါင်ယံအချိန်)                      ၂၄-၁၂-၂၀၁၁

      “ ကျွန်ုပ်တို့အား သားတော်ကို ပေးတော်မူ၏၊-”

ပထမကျမ်း

 ပရောဖက်အီဇာအိယအနာဂတ္တိကျမ်း ၉း( ၂ - ၄) နှင့်(၆-၇) အထိ

အမိုက်မှောင်ထဲ၌ သွားလာနေထိုင်သော  လူမျိုးသည် ဧရာမအလင်းကြီး ကိုမြင်ရ၏၊ -သေမင်း လွှမ်းမိုးသောနိုင်ငံ ၌ နေထိုင်ကြသော သူတို့အား အလင်းရောင်ခြည်ပေါ် ထွန်းလေပြီ၊- ကိုယ်တော်သည် ၀မ်းမြောက်ခြင်းကို များပြားစေတော်မူ၍ သူတို့၏ပျော်ရွှင်ခြင်းကို ကြီးမားစေတော်မူသည် ၊ကောက်ပဲသီးနှံ ရိတ်သိမ်းချိန်၌ပျော်ရွှင်ကြသော သူများ ကဲ့သို့ လည်းကောင်း၊  ဖမ်းဆီးရမိသော ပစ္စည်းများကို ခွဲဝေယူကြရာ၌ ၀မ်းမြောက်သကဲ့သို့ ထိုသူတို့သည် ကိုယ်တော်၏ မျက်မှောက်တော်၌ ရွှင်လန်း ၀မ်းမြောက်ကြပါစေ၊ မာဒီယာန် လက်ထက်၌ ပြုတော်မူသကဲ့သို့ သူတို့ ထမ်းရသော ထမ်းပိုးကိုလည်းကောင်း၊-ပုခုံး ပေါ် ကန့်လန့်တင်သော တုတ်ကို လည်းကောင်း၊ ဖိနှိပ်ညှင်းဆဲသော သူ၏ အာဏာစက်ကိုလည်းကောင်း၊ ချိုးနှိမ်တော်မူ၏၊ -အ ကြောင်းမူကား သူငယ်တော်သည် ကျွန်ုပ်တို့အဖို့ ဖွားမြင်လေပြီ၊ -ကျွန်ုပ်တို့အဖို့ သားတော်ကိုပေးတော်မူ၏၊-သူ၏ လက်ရုံး တော်၌ အုပ်စိုးခြင်း အာဏာတည်၏၊ ၊သူ၏ နာမတော်ကား အံ့သြဖွယ်သော ပုဂ္ဂိုလ်တိုင်ပင်ဘက်၊ တန်ခိုးကြီးသော ဘုရား လော ကုတ္တရာ၏ အဖ ငြိမ်းချမ်းခြင်းကိုပေးသော ဘုရင်ဟူ သတည်း၊-သူ၏နိုင်ငံတော်သည် ကျယ်ပြန့်၍ အဆုံးမရှိ ငြိမ်းချမ်းသာယာ လိမ့်မည်၊- ဒါဝိတ်၏နိုင်ငံတော်နှင့် ရာဇပလ္လင်ပေါ်မှာ ထိုင်၍ တရားမျှတစွာ စီရင်ခြင်းဖြင့် ထိုနိုင်ငံတော် ကို နောင်ကာလ အစဉ်  အဆက် တည်စေလိမ့်မည်၊- ကောင်းကင် ဗိုလ်ခြေရှင်ဘုရား သင့်အပေါ်ထားရှိသော ခံယူချက်ပြင်းပြမှုဖြင့် ဤအရာ အားလုံးဆောင်ရွက်လိမ့်မည်။

                                                ဤသည်ကား ဘုရားသခင်၏နှုတ်ကပါဋ္ဌ်တော်ပေတည်း။

ဆာလံသီချင်းဧကျူးခြင်း၊-

ဆာလံ - ၉၅

သံပြိုင်။          ဤယနေ့ခရစ္ဆတူးသခင်တည်းဟူသော ကယ်တင်ရှင်သည် ကျွန်ုပ်တို့အဖို့ ဖွားမြင်လေပြီ၊-

၁။         ။ဘုရားသခင်အား သီချင်းသစ်ကို သီဆိုကြလော့၊ -မြေကြီးသား အပေါင်းတို့ ဘုရားသခင်အား ကျူးဧကြလော့၊ ဘုရားသခင်အား သီချင်းဆို၍ ကိုယ်တော်၏ နာမတော်ကို ချီးမွမ်းထောမနာပြုကြလော့၊ -(သံပြိုင်)

၂။         ။ဘုရားသခင် ကယ်ဆယ်တော်မူသည့် အကြောင်းကို တစ်နေ့ထက် တစ်နေ့ ပြောကြားကြလော့၊ -ကိုယ်တော်၏ ဘုန်း ဂုဏ်တော်နှင့် အံ့ဖွယ်ရာများကို ဟောပြောကြလော့၊-(သံပြိုင်)

၃။         ။ မိုးကောင်းကင်သည် ၀မ်းမြောက်ခြင်းရှိပါစေ၊ -မြေကြီးသည်လည်း ရွှင်လန်းပါစေ၊-ပင်လယ်နှင့် ပင်လယ်၌ ရှိသမျှ အရာ အားလုံးတို့သည် မြည်ဟီးကြပါစေ၊-လွင်ပြင်၍ ရှိသော အရာတို့သည် ပျော်မြူးကြပါစေ၊-ထိုအခါ တော၌ ရှိသမျှသောအ ပင်တို့သည် ထာဝရဘုရားရှေ့တော်၌ ရွှင်လန်းစွာ သီချင်းဆိုကြလိမ့်မည်။--(သံပြိုင်)

၎။         ။ အကြောင်းမူကား ဘုရားသခင်သည်ကြွလာတော်မူလိမ့်မည်၊ ကိုယ်တော်သည် မြေတစ်ပြင်လုံးကို အုပ်စိုးတော်မူ ရန်ကြွလာတော် မူလိမ့်မည်၊-ဘုရားသခင်သည် ကမ္ဘာကိုဖြောင့်မတ်ခြင်းတရားနှင့် လည်းကောင်း၊ လူတို့ကို သစ္စာတော်နှင့် လည်းကောင်  အုပ်စိုးတော်မူလိမ့်မည်။ -(သံပြိုင်)

 

ဒုတိယကျမ်း၊-

               လူမျိုးအပေါင်းတို့အား ၊- ဘုရားသခင်၏ ကျေးဇူးတော်သည် ထင်ရှားလေပြီ၊-”

မွန်မြတ်သော တပည့်တော်ကြီးသံပေါလူး-တီးတူးထံ ရေးသောစာ။                              (၂ ၊ ၁၁ မှ ၁၄ အထိ)

            ဘုရားသခင်၏ ကျေးဇူးတော်သည် လူအပေါင်းတို့အား ကယ်တင်ခြင်းချမ်းသာခံရစေရန် ပေါ်ထွန်းလာတော်မူပြီ၊- ကျွန်ုပ်တို့သည် ဤလောက၍ ရှိစဉ်အခိုက် ကျွန်ုပ်တို့၏ ကယ်တင်ရှင်ယေဇူးခရစ္ဆတူးနှင့် ကြီးမြင့်မြတ်တော်မူသော ဘုရား သခင်၏ ဘုန်းဂုဏ်တော်နှင့်ကြွလာတော်မူခြင်းကိုလည်းကောင်း၊-ထာဝရချမ်းသာကို လည်းကောင်း ၊စောင့်မျှော်ကြလျက် မ ကောင်းကျင့် တရာများနှင့် လောကတပ်မက်ခြင်းများကို ငြင်းပယ်ကြ၍ ကာအိန္ဒြသိက္ခာရှိခြင်း၊ဖြောင့်မတ်ခြင်း၊ ဒုစရိုက် အပေါင်းတို့မှ ကယ်တင်ရန် လည်းကောင်း ၊ကောင်းသောအကျင့်တို့ဖြင့် တရားတော်နှင့်အညီ ကျင့်သော လူမျိုးစုအဖြစ်ရွေးရန် လည်းကောင်း၊ မိမိကိုယ်ကို ပူဇော်တော်မူသည်၊-

                                                ဤသည်ကား ဘုရားသခင်၏ နှုတ်ကပါဋ္ဌ်တော်ပေတည်း၊

 

အာလေလူယား(သံလူကား ၂း ၁၀-၁၁)

အာလေလူယား-အာလေလူယား-

အလွန်ဝမ်းမြောက်ရာ သတင်းကို သင်တို့အား ငါကြားပြော၏၊ -ယနေ့ ကယ်တင်ရှင်       ခရစ္ဆတူးသခင်သည် ကျွန်ုပ်တို့အတွက် ဖွားမြင်လေပြီ၊

အာလေလူယား-အာလေလူယား

 

ဧ၀ံဂေလိကျမ်း၊-

                        “ ဤယနေ့  ကယ်တင်တော်မူသော သခင်သည် သင်တို့အဖို့ ဖွားမြင်လေပြီ၊-”

သံမာတေဦးရေးထားသော သန့်ရှင်းသော ဧ၀ံဂေလိကျမ်း။( ၂၅း ၃၁  မှ  ၄၆  အထိ )

                        ထိုကာလ၌ မြေကြီးတပြင်လုံးကိုစာရင်းယူစေခြင်းငှာ ဆေဇာရ်သြဂုတ်စတူးသည် အမိန့်တော်ထုတ် သည်ရှိသော် ထိုပထမစာရင်း ယူခြင်းသည် ဆီးရီးယားပြည်ကို အုပ်စိုးတော်မူသော ဆီရီနူးအားဖြင့်ဖြစ်သတည်း၊ -လူခပ်သိမ်း တို့သည်လည်း စာရင်းဝင်ခြင်းငှာ အသီးသီး မိမိတို့ မြို့ရင်းသို့ ပြန်သွားကြ၏၊- ဇူဇယ်သည်လည်း ဒါဝိဒ်၏ အမျိုးအနွယ်ဖြစ်၍ ကိုယ်ဝန်ရှိသော မိမိနှင့် ထိမ်းမြားထားသော ခင်ပွန်း မာရီယားနှင့်အတူ စာရင်းယူခြင်းငှာ ဂါလီလေအားနယ် နာဇရက်မြို့မှ ယုဒပြည်၌ ဗိတ္တလေဟိမ်ဟုခေါ်သော ဒါဝိဒ်၏မြို့သို့ တက်လေ၏၊ -ထိုနေရာ၌ ရှိကြသော် ဖွားခြင်းငှာနေ့လစေ့သောကြောင့်  မိမိသားကို ဖွားမြင်၍ အ၀တ်နှင့် ပတ်ရစ်ပြီးမှ ဧည်သည် တည်းခိုရာနေရာ၌ သူတို့အဖို့ နေစရာမရှိသောကြောင့် သူ့ကို နွားစား ခွက်၌ သိပ်ထားလေ၏၊ -ထိုအရပ်၌ သိုးထိန်းတို့သည် ညအခါမအိပ်ဘဲ မိမိတို့ သိုးစုကို အလှည့်ကျစောင့်နေကြစဉ်တွင် ကြည့် လော့၊-သခင်ဘုရား၏ တမန်တော်တစ်ပါးသည် သူတို့ အနားမှာ ရပ်၍ ဘုရားသခင်၏ရောင်ခြည်တော်သည် သူတို့၏ပတ်ဝန်း ကျင်၌ ထွန်းတောက်သဖြင့် သူတို့သည် အလွန်ကြောက်ရွံ့ခြင်းသို့ ရောက်ကြ၏၊ -ကောင်းကင်တမန်တော်ကလည်း မကြောက်ရွံ့ ကြနှင့်၊ အကြောင်းမူကား အမျိုးသားအပေါင်းတို့အား အလွန် ၀မ်းမြောက်ခြင်းဖြစ်အံ့သော သတင်းကိုသင်တို့ အား  ငါသည် ကြားပြော၏။- အကြောင်းမူကား ခရစ္ဆတူးသခင်ဖြစ်တော်မူသော ကယ်တင်တော်မူသော အရှင်သည် ယနေ့ ဒါဝိဒ်၏မြို့၌ သင်တို့အဖို့ ဖွားမြင်လေပြီ၊-သင်တို့အဖို့ငှာ အမှတ်လက္ခဏာဟူ မူကား၊-သူငယ်သည် အ၀တ်နှင့်ပစ်ရစ်၍ နွားစား ခွက်၌ ထားလျက်ရှိသည်ကို သင်တို့ တွေ့ကြလိမ့်မည်ဟု သူတို့အား ဆို၏၊ -ထိုခဏခြင်းတွင် တမန်တော်နှင့်အတူ ဘုရား သခင်  ကိုချီးမွမ်းလျက်ကောင်းကင် ဗိုလ်ခြေအများရှိကြ၍ ဆိုကြသည်မှာ မြင့်မြတ်သော အရပ်များ၌ ဘုရားသခင်အား ဘုန်းကြီးစေ သတည်း ၊မြေကြီးပေါ်၌လည်း စိတ်ကောင်းနှလုံးကောင်း ရှိသူတို့အား ငြိမ်သက်ခြင်း ရှိစေသတည်း။

ဤသည်ကား ခရစ္ဆတူးသခင်၏ နှုတ်ကပါဋ္ဌ်တော်ပေတည်း၊

အိုခရစ္ဆတူးသခင်-ကိုယ်တော်အား ဘုန်းတော်ဂုဏ်တော်ရှိစေသတည်း။

ကမ္မဋ္ဌါန်းထောက်ရှုခြင်း၊

“မေ့နေကြသော ခရစ်စမတ် သင်္ကေတလေးတစ်ခု”

ယနေ့သည်ကား ခရစ်တော်ဘုရားရှင်မွေးဖွား သန့်စင်တော်မူသည့် အခါတော်နေ့ထူးနေ့မြတ်ကြီးပင်ဖြစ်သည်၊- ဤမျှမြင့်မြတ် သော ခရစ်စမတ်နေ့ကြီးတွင် ဆူပါမားကတ်ကြီးများ၊ စတိုးဆိုင်ကြီးများ၊ လမ်းကြိုလမ်းကြားများ၊ ဆိုင်များ၊ အိမ် များ၊အဆောက် အအုံ များ ၊ခမ်းမများအစရှိသည့်နေရာတိုင်းတွင် ခရစ်စမတ်၏ သင်္ကေတများဖြစ်သော ခရစ်စမတ်တေးသီချင်းများ မီးရောင်စုံများ၊ ဆန်တာ ကလော့စ် တည်းဟူသော ခရစ်စမတ် ဘိုးဘိုးအရုပ်များ၊ ခရစ်စမတ်သစ်ပင်များစသဖြင့် ခရစ်စမတ်  သင်္ကေတများကို နေရာအနှံ့တွင် တွေ့နိုင်ပါသည်၊ -ကြည်နူးဖွယ်ရာပင်တည်း၊

သို့သော် ခရစ်စမတ်၏ အရေးကြီးသော သင်္ကေတလေးတစ်ခု ကျန်နေပါသေးသည်၊ ယင်းသင်္ကေတလေးမှာ နေရာ  တိုင်းတွင် မတွေ့ရသလို၊ လူတိုင်းသူတိုင်း ကလည်း မေ့နေကြဟန် ရှိပါသည်၊ -တကယ်တန်း ဆိုရပါမူ အထက်ကဖေါ်ပြခဲ့သော ခရစ်စမတ်သစ်ပင်လေးများ မည်မျှပင်လှလှ၊ ဆန်တာကလော့တည်း ဟူသော ခရစ်စမတ်ဘိုးဘိုးကြီးက ဘယ်လောက်ပဲ လက်ဆောင် ကောင်းလေးတွေပေးပေး၊ ဒိုဒိုမုန့်လေးတွေ ဘယ်လောက်ချိုချို ခရစ်စမတ်ရဲ့ အဓိပ္ပါယ်ကို အပြည့်အ၀ ဖေါ်ဆောင်   နိုင်လိမ့်မည် မဟုတ်၊ ယခုဖေါ်ပြမည့် အရာလေးကသာ ခရစ်စမတ်ကို အဓိပ္ပါယ်ရှိရှိ၊ အနှစ်သာ ရပြည့်ပြည့် ဖေါ်ဆောင်နိုင်မှာ ဖြစ်ပါသည်၊ -ယင်းအရာ လေး မပါဝင်ပါက-ခရစ်စမတ်ရဲ့အရသာလေး ပေ့ါသွားမှာသေချာလှပါသည်၊

အများတကာက မေ့နေသော ထိုခရစ်စမတ်သင်္ကေတလေးကို မည်သည့်အလှပြင်ဆရာမှလည်း အလှပြင်သည့် နေရာ၌ အသုံးပြုရန် စိတ်မ၀င်စားသလို၊ မည်သည့်တေးရေးဆရာမှလည်း တေးသီချင်း ဖွဲ့နွဲ့စပ်ဆိုလေ့မရှိကြပါ၊ သို့တိုင် အောင် ယင်း သင်္ကေတလေးကတော့ အရေးပါနေဆဲပင်ဖြစ်ပါသည်၊-

အများကမေ့လျှော့နေသည့် ယင်းခရစ်စမတ်သင်္ကေတလေးမှာ ခရစ်တော်အိပ်စက်ခဲ့သော “နွားစားခွက်”လေး ပင် ဖြစ်ပါသည်၊ -မှန်ပါ၏၊ -ယင်းနွားစားခွက်လေးကို အားလုံးနီးပါးက မေ့နေကြပါသည်၊ -ယင်းနွားစားခွက်လေးသည်ကား ခရစ်စ မတ်အတွက် အရေးအပါဆုံး၊ ခရစ်စမတ် သင်္ကေတလေးတစ်ခုဟုဆိုလျှင် မိတ်ဆွေအနေဖြင့် ကန့်ကွက်မည်လား ၊ထောက်ခံ မည်လား၊-

သင်္ကေတအမှတ် လက္ခဏာလေးတိုင်း၏ နောက်ကွယ်တွင် နက်နဲလှစွာသော အဓိပ္ပါယ်လေးများက တွဲလွဲခိုလျက်ရှိ တတ်ကြပါသည်၊ -မီးပွိုင့်တိုင်းတွင်ရှိ အနီ၊ အ၀ါ၊ အစိမ်းမီးလေးများတွင် နောက်ကွယ်၌ ရပ်၊ ကြည့်၊ သွား ဟူသောအဓိပ္ပါယ်လေး  များကပြောစရာ မလိုလောက်အောင် လူတိုင်းသိသကဲ့သို့ ပင်ဖြစ်ပါသည်၊-

ထိုနည်းတူစွာပင် နွားစားခွက်လေးတွင်လည်း ဖုံးကွယ်နေသော လေးနက်လှပလှသည့် အဓိပ္ပါယ်လေးတစ်ခုရှိပါ သည်၊ -နွားစားခွက်လေးများသည် နှိမ့်ချခြင်း သင်္ကေတတစ်ခုတည်းသာ မဟုတ် ၊ပေးဆပ်ခြင်း၊ ဟူသော အဓိပ္ပါယ်လေးလဲ ရှိပါ သေးသည်၊ -ပေးဆပ်ခြင်းတိုင်း၌ ရယူခြင်း လုံးဝမရှိ၊-တစ်ပါးသူကို ပေးဆပ်နေခြင်း၌သာ မိမိစိတ်သည် ပျော်မြူးရွှင်လန်းလျက်  ရှိပါသည်၊-မိမိ၏ပေးဆပ်မှုကို တစ်ဖက်သားက အသိအမှတ်ပြုသည်ဖြစ်စေ- မပြုသည်ဖြစ်စေ၊ မည်သို့မျှ စိတ်၌ ညိုငြင်မှု အလျင်းမရှိ၊- အခံစားရ၊-၀မ်းနည်းမှု၊ နားကျည်းမှုမရှိ-၊ ပကတိ တည်ငြိမ်စွာ ရှိနေခြင်းဖြစ်သည်၊ ယင်းသည်ကား စစ်မှန်သော ပေးဆပ်မှုတစ်ခုပင်ဖြစ်သည်၊-

ခရစ်တော်ဘုရားရှင် ဤလောကသို့  ကြွလာသည်မှာလည်း ပေးဆပ်ဖို့ သက်သက်ပင်ဖြစ်သည် မဟုတ်ပါလော၊ -ထို့ ကြောင့်ပင် “ငါသည်လောကကို အစေခံမှုပြုရန်ဖြစ်သည် ၊လောက ကြီးက ငါ့အား အစေခံပေးရန် မဟုတ်၊”ဟု မိန့်ဆိုခဲ့ခြင်းဖြစ် သည်၊ -သို့မို့ကြောင့်ပင် မျက်စိမမြင်သူအား မျက်စိပြန်မြင်စေခြင်း၊ လမ်းမလျှောက်နိုင် သူများ ပြန်လည်လျှောက် လှမ်းနိုင် ခြင်း၊ ကုထနူနာများ ပျောက်ကင်း ချမ်းသာရခြင်း၊ စာလောက် မွတ်သိပ်သူများအား အစားအစာများကျွေးမွေးခြင်း၊ အစရှိသည့် လူသားကောင်းကျိုး များကို ဆောင်ရွက်တော်မူခဲ့သည်၊-

ထိုသို့သော ပျော်ရွှင်မှုများကို သယ်ဆောင်လာသော အချိန်သမယဖြစ်သော်ငြားလည်း လောကလူသားများမှာ အ ပြည့်အ၀မပျော်ရွှင်နိုင်ကြချေ၊-အကြောင်းမှာ မိမိပေးလိုက် သလောက်ပြန်လည် တုန့်ပြန်ခြင်း မခံရသည့်အခါ ဒေါသထွက်ခြင်း စိတ်မကောင်းခြင်းများနှင့် အမြဲပင်    ကြုံတွေ့နေကြရသော အကြောင့်ပင်ဖြစ်သည်၊ -လူဟူသည်ကား ပြန်လည် တုန့်ပြန်မှုကို များစွာမှ မျှော်လင့် ထားတတ်ကြသောကြောင့်ပင်တည်း၊

ချစ်စွာသော ဓမ္မမိတ်ဆွေအပေါင်းတို့၊- နွားစားခွက်လေးကို ပုံနမူနာယူ စံထားကြပါစို့၊- နွားစားခွက်လေး၏စိတ် ထား အတိုင်း ကျွန်တော်တို့ရဲ့နေ့စဉ်အသက်တာမှာ တစ်ဦးကို တစ်ဦးမေတ္တာထား-မေတ္တာပွားနိုင်ရအောင် ကျိုးစားကြပါစို့ ဟု တိုက်တွန်း လိုက်ရပါသည်၊-

ပျော်ရွှင်သောခရစ်စမတ်-ဧချမ်းသာယာသော ခရစ်စမတ်-ဘေးဘယာများ ကင်းဝေးသော ခရစ်စမတ်- ဖြစ်ပါစေလို့ နှုတ်ခွန်း ဆက်သလိုက်ပါသည်၊

                        ဘုန်းဘုန်းဂျော့ဦးခင်မောင်ထွေး။