အတွဲ(၁) အမှတ်စဉ်(၇)        နှစ်၏(၂၄)ကြိမ်မြောက်သာမန်တနင်္ဂနွေနေ့        ၂၀၁၁ ခုနှစ် စက်တင်ဘာလ ၁၁ ရက်

ပထမကျမ်း၊

“ သင့်ကိုပြစ်မှားသော သင်နှင့်နီးစပ်သောသူ၏ အပြစ်ကို အခွင့်လွှတ်လော့၊ သင်သည် တောင်းလျှောက်သောအခါ

သင်၏ အပြစ်တို့သည် အခွင့်ချမ်းသာရလိမ့်မည်။ ”

ပရောဖက် ဆီရပ်၏ သြ၀ါဒကျမ်း  ၂၇း ၃၃  မှ   ၂၈း ၉  အထိ။

          ဒေါသအမျက်ထွက်ခြင်းသည် စက်ဆုပ်ရွံရှာဖွယ်ဖြစ်ပေ၏၊- ထိုမကောင်းဒုစရိုက်သည် အပြစ်ရှိသူ၌ တွေ့ရ၏၊- လက်စားချေ လိုသောသူသည် သခင်ဘုရားထံမှ လက်စားချေခြင်းခံရလိမ့်မည်။- သူ၏အပြစ်တို့ကို ထိန်းသိမ်းထားလိမ့်မည်။- သင့်ကိုပြစ် မှားသော သင်နှင့်နီးစပ်သောသူ၏ အပြစ်ကို အခွင့်လွှတ်လော့၊- သင်သည် တောင်းလျှောက်သောအခါ သင်၏အပြစ် တို့သည် အခွင့်ချမ်းသာရလိမ့်မည်။- လူသည် လူ့အပေါ် အမျက်ဒေါသကို သိုထားတတ်၏၊- သို့သော် ဘုရားသခင်ထံတော်မှ အခွင့်လွှတ်ခြင်း ကိုတောင်း၏၊- မိမိ၏ဘ၀တူလူသား အချင်းချင်းအပေါ်  ကရုဏာမေတ္တာမထားတတ်၊- သို့သော် ဘုရားသခင် ထံမှ မိမိအပြစ်တို့ အတွက်  သနားခံတတ်၏၊- လူသည်အသွေးအသားမှ ဖြစ်သောကြောင့် အမျက်ဒေါသကို သိုထားတတ်၏၊- သို့သော် ဘုရားသခင် ထံတော်မှ အခွင့်ချမ်းသာကို တောင်း၏၊- မည်သူသည် သူ၏အပြစ်များအတွက် ဒဏ်ဆပ်ဖြေပေးမည်နည်း၊ သင်သည်  နောင်ဘ၀ အကြောင်းကို စဉ်းစား၍ ရန်သူအဖြစ်မှ ရပ်စဲလော့၊- သေခြင်းတရားနှင့်ပျက်စီးခြင်းအကြောင်းကို သတိရ၍ ကိုယ်တော်၏ ပညတ်တော်များ၌ မွေ့လျော်လော့၊- ပညတ်တော်များကို သတိရ၍ နီးစပ်သောသူအပေါ် အမျက်ဒေါ သမထွတ်လေနှင့်၊- ဘုရားသခင်၏ ပဋိဥာဉ် ကို သတိရ၍ နီးစပ်သောသူ၏ အသိတရားမဲ့ခြင်းကို အခွင့်လွှတ်လော့၊-

     “ဤသည်ကား ဘုရားသခင်၏နှုတ်ကပါဌ်တော်ပေတည်း၊-”

“ဘုရားသခင်အား ကျေးဇူးတင်ပါသည်။”

ဆာလံသီချင်းဧကျူးခြင်း

ဆာလံ- ၁၀၃း ၁-၂ ၊ ၃-၄ ၊ ၉-၁၀ ၊ ၁၁-၁၂ ၊

သံပြိုင်၊           သခင်ဘုရားသည် သနားကြင်နာခြင်း၊ ကျေးဇူးပြုတတ်ခြင်း၊ စိတ်ရှည်တော် မူခြင်းနှင့် မေတ္တာတော်အရှင် ဖြစ်တော်မူ၏။

၁။                ကျွန်ုပ်၏၀ိညာဉ် သခင်ဘုရားအား ကောင်းချီးသြဘာပေးလော့၊- ကျွန်ုပ်အတွင်းရှိသော စိတ်နှလုံးအပေါင်း တို့ ကိုယ်တော်၏ သန့်ရှင်းသောနာမတော်ကို ကောင်းချီးသြဘာပေးလော့၊- အို ကျွန်ုပ်၏၀ိညာဉ် သခင်ဘုရား အား ကောင်းချီး သြဘာပေးလော့၊ ကိုယ်တော်၏ ကျေးဇူးအပေါင်းတို့ကို မမေ့လျော့လေနှင့် ။  ။(သံပြိုင်)

၂။                ကိုယ်တော်သည် သင်၏မကောင်းဒုစရိုက်တို့ကို အခွင့်လွှတ်တော်မူ၏၊ ကိုယ်တော်သည် သင်၏ရောဂါဝေဒ နာအပေါင်းတို့ကို ကုသပေးတော်မူ၏၊- ကိုယ်တော်သည် သင်၏အသက်ကို ပျက်စီးခြင်းမှ ကယ်ဆယ်တော်မူ၏၊- ကိုယ် တော် သည် သင့်အား ကရုဏာမေတ္တာတော်ဖြင့် သရဖူဆောင်းပေး၏။  ။(သံပြိုင်)

၃။                ကိုယ်တော်သည်အစဉ်အမြဲအပြစ်တင်တော်မူမည်မဟုတ်၊ ထာဝရလည်း အမျက်ဒေါသထွတ်နေမည်မဟုတ် ကျွန်ုပ်တို့ အပြစ်များ အတိုင်း ကျွန်ုပ်တို့အား ပြုတော်မမူ၊- ကျွန်ုပ်တို့၏ မကောင်းဒုစရိုက်အတိုင်း ကျွန်ုပ်တို့အား အပြစ်ပေး တော်မမူ။ (သံပြိုင်)

၎။                အကြောင်းမူကား မြေကြီးမှကောင်းကင်သည် မြင့်မားသည်ထက် ဘုရားသခင်၏ ကရုဏာမေတ္တာတော် သည် မိမိကိုကြောက်ရွံ့သူတို့အပေါ်၌ မြင့်မားပေ၏၊- နေထွက်ရာအရပ်သည် နေ၀င်ရာအရပ်မှ ကွာဝေးလှသည့် နည်းတူ ကျွန်ုပ်တို့ မကောင်းဒုစရိုက်များကို ကျွန်ုပ်တို့မှ ဝေးကွာစေ၏။   ။ (သံပြိုင်)

          

ဒုတိယကျမ်း၊

“ ကျွန်ုပ်တို့သည် အသက်ရှင်သည်ဖြစ်စေ သေသည်ဖြစ်စေ ဘုရားသခင်နှင့်သာဆိုင်ကြသည် 

မွန်မြတ်သော တပည့်တော်ကြီးသံပေါလူး ရော်မားမြို့သားတို့ထံရေးသော ဆုံးမစာ (၁၄း ၇  မှ    အထိ်)

ညီအစ်ကိုတို့၊-

                   ကျွန်ုပ်တို့တွင် မည်သူမျှ မိမိကိုယ်အဖို့ အသက်ရှင်ကြသည်မဟုတ်၊မည်သူမျှလည်း မိမိကိုယ်အဖို့ သေကြသည် မဟုတ်၊- ကျွန်ုပ်တို့ အသက်ရှင်လျက်ရှိကြလျင် - ဘုရားသခင်အဖိုပသာ အသက်ရှင်ကြသည်၊ သေလျှင်လည်း ဘုရား သခင်အဖို့ သာသေကြသည်။-ထို့ကြောင့် အသက်ရှင်သည်ဖြစ်စေ၊ သေသည်ဖြစ်စေ၊ ကျွန်ုပ်တို့သည် ဘုရားသခင်နှင့်သာဆိုင် ကြသည်။- အဘယ်ကြောင့်ဆိုသော် ခရစ္ဆတူးသည် သေသူ ရှင်သူတို့၏ သခင်ဖြစ်တော်မူရန် အသက်တော်ကို အသေခံတော် မူ၍ ရှင်ပြန် ထမြောက်တော်မူသည်။-

“ဤသည်ကား ဘုရားသခင်၏ နှုတ်ကပါဌ်တော်ပေတည်း၊”

“ ဘုရားသခင်အား ကျေးဇူးတင်ပါသည်၊-”

အာလေလူးယား ( သံယောဟန်   ၁၃း ၃၄ )

အာလေလူးယား ၊အာလေလူးယား၊-

          ငါသည် သင်တို့ကို ချစ်သကဲ့သို့ သင်တို့သည်လည်း အချင်းချင်း တစ်ဦးကိုတစ်ဦး ချစ်ကြရန် သင်တို့အား ပညတ်တော် သစ်ကို ငါပေးသည်ဟု သခင်ဘုရားမိန့်တော်မူသည်။

အာလေလူးယား၊ အာလေလူးယား

ဧ၀ံဂေလိကျမ်း၊

“ ခုနှစ်ကြိမ်တိုင်အောင်မဟုတ်  အကြိမ်ခုနှစ်ဆယ်လီတိုင်အောင်ဟု  သင့်အား ငါဆို၏။  

သံမာတေဦးရေးထားသော သန့်ရှင်းသော ဧ၀ံဂေလိကျမ်း ( ၁၈း ၂၁ မှ  ၃၅   အထိ၊)

          ထိုကာလ၌ ပေတရူးသည် အထံတော်သို့ချဉ်းကပ်၍ အရှင်ဘုရား၊ ညီအစ်ကိုသည် တပည့်တော်ကို ပြစ်မှားလျှင် ဘယ်နှစ်ကြိမ် သူ၏ အပြစ်ကို အခွင့်လွှတ်ရပါအံ့နည်း၊ ခုနှစ်ကြိမ်တိုင်အောင်လောဟု မေးလျှောက်သော်၊ ယေဇူးမိန့်တော်မူ သည်ကား ခုနှစ်ကြိမ်တိုင်အောင်မဟုတ်၊ အကြိမ်ခုနှစ်ဆယ် ခုနှစ်လီတိုင်အောင်ဟု သင့်အားငါဆို၏၊ ထို့ကြောင့် ကောင်းကင် နိုင်ငံတော်သည် မိမိကျွန်တို့ကို စာရင်းယူခြင်းငှါ အလိုရှိသော မင်းဧကရာဇ်နှင့်တူ၏။ စာရင်းစ၍ ယူသောအခါ ဋာလင်တစ်သောင်း ကြွေးတင်သော လူတစ်ယောက်ကို ရှေ့တော်သို့ဆောင်ခဲ့ကြ၏။ ထိုသူမှာမူကား ကြွေးဆပ်ရန် မရှိသော ကြောင့် မိမိကိုယ်မှစ၍ သားမယားဥစ္စာရှိသမျှကို ရောင်းချ၍   ကြွေးကိုဆပ်ရမည်ဟု သူ၏သခင်က အမိန့်ရှိ၏။ ထိုကျွန် ကား ပျပ်ဝပ်လျက် ကျွန်တော့်ကို သည်းခံတော်မူပါ၊ရှိသမျှကို ကျွန်တော်ဆပ်ပါမည်ဟု တောင်းပန်လျှင်၊ ထိုကျွန်၏သခင်က သနား ခြင်း စိတ်ရှိ၍ သူ့ကို ကြွေးလွှတ်လိုက်၍ သွားစေ၏။- ထိုကျွန်မူကား ထွက်သွား၍ မိမိကြွေး ဒေဏာရီတစ်ရာတင်သော ကျွန် အ ဖေါ်သားတစ်ယောက်ကိုတွေ့လျှင်၊ ထိုသူ၏လည်းပင်းကို ကိုင်ညှစ်လျက် ဆပ်ရန်ရှိသည်ကို ဆပ်ပေးလော့ဟုဆိုလေ၏။-ထို ကျွန်အဖေါ်သားကလည်း ပျပ်ဝပ်လျက် ကျွန်တော့်ကိုသည်းခံပါ၊ ရှိသမျှကို ကျွန်တော်ဆပ်ပါမည်ဟု တောင်းပန်လေ၏။သူက မူကား နားမထောင်ဘဲ ထွက်သွား ၍ ကြွေးးကို မဆပ်မချင်း ထောင်ထဲ၌ ချထားလေ၏။- ကျွန်အဖေါ်သားတို့သည် ထိုအမှု အရာ ကိုမြင်ကြသော် အလွန်ဝမ်းနည်းခြင်းရှိကြ၍မိမိတို့သခင်ထံသို့ လာပြီးလျှင် ဖြစ်လေသမျှကို လျှောက်ကြားကြလေ၏၊-ထိုအခါ သခင်သည် ထိုသူ့ကို ခေါ်၍ “ ဟဲ့- ဆိုးယုတ်သောကျွန် သင်သည် ငါ့ကိုတောင်းပန်သောကြောင့် သင်၌ ဆပ်ရန်ရှိသမျှကို ငါလွှတ်လေပြီ၊-သို့ဖြစ်လျှင် ငါသည် သင့်ကိုသနားသကဲ့သို့ သင်သည်လည်း သင်၏ကျွန်အဖေါ်သားကို မသနားအပ်ပြီလော၊” ဟုမိန့်တော်မူလေ၏၊သခင်သည်လည်း အမျက်ဒေါသထွက်၍ ကြွေးရှိသမျှကို ဆပ်သည်တိုင်အောင် ထိုသူကို အာဏာသား တို့အား အပ်နှံလေ၏။ သင်တို့သည်လည်း အသီးသီးအတွင်းစိတ်နှင့် မိမိညီအစ်ကိုအား အပြစ်မလွှတ်လျှင် ကောင်းကင်ဘုံ၌ရှိ တော်မူသော ငါ၏ အဖသည် ထို့အတူ သင်တို့ကို စီရင်တော်မူလိမ့်မည်။

  “ဤသည်ကား ဘုရားသခင်၏ နှုတ်ကပါဌ်တော်ပေတည်း၊”

“ အိုခရစ္ဆတူးသခင် ကိုယ်တော်အားချီးမွမ်းထောပနာပြုကြပါသည်-”


ထောက်ရှုစဉ်းစားဆင်ခြင်ရန်၊

အခြေပြုကျမ်း =  သံမာတေဦး ၁၈း ၂၁ မှ ၃၅ အထိ၊

“ ကိုယ်ချင်းစာ စိတ်နဲ့  ခွင့်လွှတ်ပေးလိုက်ပါ

ချစ်စွာသော ဓမ္မမိတ်ဆွေအပေါင်းတို့၊- တစ်ခါတုန်းက ကျေးလက်တောရွာက အဖိုးအိုတစ်ဦးက သည်လိုဆုတောင်း ခဲ့ပါ တယ်၊ -ရွာထဲက လူတွေ ကျန်းမာချမ်းသာပြီး လိုအင် ဆန္ဒပြည့်ဝ ကြပါစေ၊ စိတ်သွားတိုင်း ကိုယ်ပါပြီး လုပ်တိုင်းအောင် ၍  ဆောင်တိုင်းမြောက် ပါစေ ၊ဒါပေမယ့် ရွာတောင်ပိုင်းက “ဖိုးအေး”တော့ မပါဖူးလို့ ဆုတောင်းခဲ့သတဲ့၊ - ဘာလို့လည်း ဆိုတော့ နေခင်းတုန်းက အဲ့သည့် ဖိုးအေဆိုသူက သူ့ကို စပြောင်နှောက်ခဲ့တာကိုး။

ချစ်စွာသော ဓမ္မမိတ်ဆွေ အပေါင်းတို့၊-လောကမှာ အခက်ဆုံး အလုပ်ဆိုဘာလဲ။ နီပေါနိုင်ငံက ခါကဗိုရာဇီ တောင်ထိပ် ကို အရောက်လှမ်းသွားခြင်း မဟုတ်သလို -နေစင်္ကြ၀ဋ္ဌာထဲကို ခရီးနှင်ခြင်းလည်း မဟုတ်ပါဖူး ၊လောကမှာ လူတို့ ဆောင်ရွက်ရန် အခက်ဆုံး အလုပ်ဆိုတာ “ခွင့်လွှတ်ခြင်း”ပဲဖြစ်ပါတယ်၊

အဲ့သည့် ခက်ခဲတဲ့ အလုပ်ကို လူတွေ မလုပ်နိုင်ကြတော့ ဖူးလား၊ -အဲ့သည်လိုလည်း မဟုတ်ပါဖူး၊ “ခွင့်လွှတ်ခြင်း”ဆိုတာ လွယ်ကူတဲ့အရာ မဟုတ်ဖူးဆိုတာ သိဖို့နဲ့ လူတိုင်း မလုပ်နိုင်ဖူးဆိုတာ သဘောပေါက်ဖို့ ပဲဖြစ်ပါတယ်၊ -ဒါဆိုရင် ခွင့်လွှတ်ခြင်းဆို တဲ့ ခက်ခဲတဲ့ ပါရမီတစ်ခုကို ကျင့်ဖို့ ဘယ်လို ပါရမီတွေ လိုအပ်ပါသလဲ၊ -သည်မေးခွန်းရဲ့ အဖြေကို သည်ကနေ့ကျမ်းစာထဲမှာ ခရစ်တော်က အဖြေပေးထားတာကို တွေ့နိုင်ပါတယ်၊-

ပေတရူးက “မိမိကို စော်ကားသူကို ဘယ်နှစ်ခါ ခွင့်လွှတ်ရမလဲ”လို့ မေးခဲ့ပါတယ်၊ ခရစ်တော်က အကြိမ် ခုနှစ်ဆယ်လီ ခုနစ်ဆယ် ခွင့်လွှတ်ရမယ်”လို့ ပြန်ဖြေခဲ့ပါတယ်၊ သို့သော် လူတစ်ဦးကို အကြိမ်ကြိမ်ခွင့်လွတ်ဖို့ ဆိုတာ၊ ကိုယ်ချင်းစာတရား ထားတတ်  ဖို့လိုအပ်တဲ့ အကြောင်း ဒီဥပမာကို မိန့်တော်မူခဲ့ပါတယ်၊

အခါတစ်ပါးက ဆင်းရဲသားတစ်ဦးဟာ သူဋ္ဌေးထံပေးစရာ အကြွေးတွေကို အချိန်မှီပြန်မဆပ်နိုင်လို့ သည်းခံပြီး ခွင့်လွှတ် ဖို့ တောင်းးပန်ခဲ့ပါတယ်၊ ဒါ့ကြောင့် သူဋ္ဌေးက အကြွေးတွေကိုလျှော်ပေးခဲ့ပါတယ်၊ -သည်ဆင်းရဲသားဟာ ၀မ်းသာပြီး အိမ်ပြန် ခဲ့ပါတယ်၊ သို့သော်လမ်းမှာ သူက ရစရာရှိတဲ့ သူငယ်ချင်းနဲ့တွေ့တော့ အဲ့သည့် သူငယ်ချင်းထံမှ မိမိကရ ရမယ့်အကြွေးကို မရမကေ တာင်းပါတယ်၊ အဲ့သည့်သူငယ်ချင်းကတောင်းပန်တာကိုတောင် လက်မခံခဲ့ပါဖူး၊ သည်အကြောင်းတွေကို ပထမသူ ဋ္ဌေးကြီး သိသွားတဲ့ အခါ သူ့ကို ထောင်ချထား လိုက်ပါတော့တယ်၊ -သင်ကတောင်းပန်တဲ့အခါ ငါက သင့်ကိုခွင့်လွှတ် သော်လည်း၊ သူက သင့်ကိုတောင်းပန်တဲ့ အခါ သင်က သူ့ကို အခွင့်မလွတ်နိုင်ပါလား၊ လို့ပြောလိုက် ပါတော့တယ်၊-

ချစ်စွာသော ဓမ္မမိတ်ဆွေအပေါင်းတို့၊- “ခွင့်လွှတ်ခြင်း”ဆိုတာ လွယ်ကူတဲ့ အလုပ်တော့ မဟုတ်ပါဖူး၊ ဒါပေသိ လူတွေ မလုပ်နိုင်တဲ့ အမှုတော့ မဟုတ်ပါဖူး၊ -ကိုယ်ချင်းစာတရားလေး ထားတတ်မယ်ဆိုရင် လွယ်ကူမှာဖြစ်ပါတယ် ၊အောက်ပါပုဂ္ဂိုလ်အ ချို့ကို ဥပမာပေးပါရစေ၊

ပုပ်ရဟန်းမင်းကြီး ဒုတိယမြောက်ယောဟန်ပေါလူးကို တစ်ကမ္ဘာလုံးကနိုင်ငံခေါင်းဆောင်တွေ ကြည်ညိုလေးစား ခဲ့ကြ ပါတယ်၊- ဘာ့ကြောင့်လည်း ဆိုတော့ မိမိကို သေကြောင်း ကြံစည်လုပ်ကြံခဲ့တဲ့ လူသတ်သမားကို အကျဉ်းထောင်ထဲ သွား ရောက်ကာ ခွင့်လွှတ် စကား ဆိုနိုင်ခဲ့တဲ့ အတွက်ဖြစ်ပါတယ်။

ခရစ်တော်ဘုရားရှင် ကိုယ်တိုင်လည်း အသက်စွန့်အံ့ ဆဲဆဲအချိန်မှာ မိမိကိုယ် လုပ်ကြံခဲ့သူတွေ၊ မတရား စွပ်စွဲခဲ့သူတွေု ညှင်းပန်းနှိပ်စက် ခဲ့သူတွေကို ခွင့်လွှတ် ခဲ့ပါတယ်၊ - “အိုအဖ သူတို့ဘာတွေလုပ်တယ်ဆိုတာ သူတို့ ကိုယ်တိုင်ကောင်းစွာ မသိကြသဖြင့် သူတို့ကို ခွင့်လွှတ်တော်မူပါ”လို့ ဆုတောင်းပေးတော်မူခဲ့ပါတယ်၊

သူတစ်ပါးကို ခွင့်လွှတ်တတ်တဲ့သူဟာ မိမိရဲ့အပြစ်တွေကိုလည်း အခွင့်လွှတ်ခံရမှာဖြစ်ပါတယ်၊ တစ်ခါတစ်ခါ ကျွန်တော်  တို့ဟာ ဘုရားသခင်ထံ မိမိအပြစ်များကို အခွင့်ချမ်းသာတောင်း တတ်ကြသော်လည်း၊ မိမိကအခွင့်ပေး ရမယ့် အလှည့် ရောက်တဲ့ အခါ အခွင့် မလွှတ်ချင်ကြတော့ပါဖူး၊ ဒါ့ကြောင့်လည်း သည်ကနေ့ ပထမကျမ်းစာဖြစ်တဲ့ “ဆီးရပ်”ရဲ့ ဆုံးမသြ၀ါဒစာ မှာ “ လူသည် မိမိ အပြစ်များအတွက် ဘုရားသခင်ထံ အခွင့်လွှတ်ဖို့ တောင်းပန် တတ်ကြသော်လည်း မိမိတို့၏ ဘ၀တူ လူသား အချင်းချင်းအပေါ် ကရုဏာမေတ္တာ မထားတတ်ကြပါဖူး”လို့ မိန့်ဆိုတား တာကို ကြားကြရမှာဖြစ်ပါတယ်။

အဲ့ဒါတွေအပြင် “သင်တို့အား သူတစ်ပါးတို့က ပြုမူစေလိုသည့်အတိုင်း သင်တို့သည်လည်း သူတစ်ပါးတို့ အားပြုမူ ကြ လော့၊” ( မာတေ ၇း ၁၂) ထို့အပြင် “သင်တို့တိုင်းတာသည့် ပမာဏအတိုင်း သင်တို့သည်လည်း တိုင်းတာခြင်း ခံရကြလိမ့်မည်။ (မာတေ ၇း၁-၂)

ချစ်စွာသော ဓမ္မမိတ်ဆွေအပေါင်းတို့၊ စိန်ဖရန်စစ္စ အစီစီက သည်လို ဆုတောင်းတော်မူခဲပါတယ်၊ “အချစ်တွေကို ခံယူသူဖြစ်ရခြင်းထက်၊ အချစ်တွေကို ပေးဝေသူ ဖြစ်ရပါလို၏၊ “နားလည်မှု”ကို ခံယူသူဖြစ်ရခြင်းထက် “နားလည်မှု ကိုပေးဝေသူ” ဖြစ်ရပါလို၏။ ”ခွင့်လွှတ်ခြင်း”ကို ခံရသူဖြစ်ရခြင်းထက် “ခွင့်လွှတ်ခြင်း”ကို ပေးဝေသူဖြစ်ရပါလို၏၊

ဒါ့ကြောင့် ကျွန်တော်တို့ရဲ့ ဘ၀မှာ ခွင့်လွှတ်ခြင်း ခံရသူဖြစ်ရခြင်းထက်၊ ခွင့်လွှတ်ခြင်းကို ပေးဝေသူဖြစ်အောင် ကြိုးစား ကြပါစို့၊ -သို့မှသာလျှင် မိမိတို့ရဲ့ ဘ၀မှာ မိမိတို့ရဲ့ အမှားတွေကို အမြန်ဆုံး နားလည်ခွင့်လွှတ်ခြင်း ခံရမှာဖြစ်ပါကြောင်း တင်ပြရင်း သတိပေး  လိုက်ရပါတယ်။

 ဘုရားရှင်တော်ပါးမှ ခွင့်လွှတ်သည်းခံခြင်းကျေးဇူးတော်များ ခံစားကြရပါစေ၊

                                                           ဘုန်းဘုန်းဂျော့ဦးခင်မောင်ထွေး