အတွဲ(၁) အမှတ်စဉ်(၃)             မယ်တော်ကောင်းကင်ဘုံသို့ပင့်ဆောင်ခံရခြင်းပွဲ                ၂၀၁၁ ခုနှစ် သြဂုတ်လ -၈ ရက်

ပထမကျမ်း

“နေကိုဝတ်ဆင်လျက် လကို မိမိ၏ခြေများဖြင့် နင်းထားသော မိန်းမတစ်ဦးသည် ပေါ်ထွန်းလေ၏။”


မွန်မြတ်သော တပည့်တော်ကြီး သံယောဟန်၏ဗျာဒိတ်တော်ကျမ်း(၊၁၁း ၁၉က နှင့် ၁၂း ၁ နှင့် ၃ မှ ၆ ၊ ၁၀က ခ။)

ကောင်းကင်ဘုံ၌ ဘုရားသခင်၏ ဗိမာန်တော်သည် ဖွင့်ထားလျက်ရှိ၍ ကိုယ်တော်၏ ဗိမာန်တော်၌ ပဋိညာဉ်  သေတ္တာတော် သည် မြင်ရ၏၊ ကောင်းကင်ဘုံ၌ နိမိတ် လက္ခဏာကြီး တစ်ခု ပေါ်လာသည်ကား နေကိုဝတ်ဆင်၍ သူ၏ ခြေထောက်များ အောက်၌ လသည် တည်ရှိလျက် ကြယ်တစ်ဆယ့်နှစ်လုံး သရဖူ ဆောင်းထားသော မိန်းမတစ်ဦး ဖြစ်၏။ ကောင်းကင်ဘုံ၌ အခြား လက္ခဏာ တစ်ခုကို မြင်ရသည်ကား ခေါင်းခုနှစ်လုံးရှိ၍ ချိုဆယ်ချောင်းနှင့် သူ၏ ခေါင်းပေါ်မှာ ဗေါင်းသရဖူ ခုနှစ်ခု ဆောင်းထားသော နဂါးနီကြီး ပင် ဖြစ်၏။ -သူ၏ အမြီးသည် ကောင်းကင်ဘုံ၌ ရှိသော ကြယ်များတို့၏ သုံးပုံတစ်ပုံကို ဆွဲငင်၍ မြေကြီးပေါ်သို့ ပစ်ချလေ၏။ -နဂါးကြီးသည် သားဖွားလုဆဲဆဲ ရှိသော မိန်းမ၏ ရှေ့၌ သားကိုဖွားခဲ့လျှင် စားမျိုရန် ရပ်၍ နေလေ၏၊ - မိန်းမသည် လူမျိုးတကာတို့ကို သံကြိ်မ်လုံးဖြင့် အုပ်စိုးလတ္တံ့သော သားယောက်ျားကို ဖွားမြင်လေ၏။ သို့သော် သူ၏ သားသည် ဘုရားသခင်နှင့် ကိုယ်တော်၏ ပလ္လင်တော်သို့ အလျင်အမြန် ချီပင့်ခြင်း ခံရလေ၏။- ထိုမိန်းမမူကား၊-ဘုရားသခင် ပြင်ဆင်ထားသော နေရာ တောကန္တာရထဲသို့ ထွက်ပြေးလေ၏၊-ထိုအခါ ကောင်းကင်ဘုံ၌ အသံကြီးတစ်ခု ကျွန်ုပ်ကြား ရသည်ကား “ကျွန်ုပ်တို့ ဘုရားသခင်၏ နိုင်ငံတော်၊ ခရစ္ဆတူးသခင်၏ အာဏာစက်တော်၊ဘုန်းတန်ခိုးတော် အာနုဘော်တော်နှင့် ကယ်တင်ခြင်း ချမ်းသာတို့သည် ဖြစ်ပေါ်လေပြီ ဟူသတည်း။”

ဤသည်ကား ဘုရားသခင်၏နှုတ်ကပါဌ်တော်ပေတည်း။
ဘုရားသခင်အား ကျေးဇူးတင်ပါသည်။


ဆာလံသီချင်း ဧကျူးခြင်း၊-

ဆာလံ - ၄၄ (၄၅)

သံပြိုင်။         ။အော်ဖီးရ်တိုင်းပြည်မှ ရွှေဖြင့် တန်ဆာဆင်ထားသော မိဖုရားကြီးသည် သင်၏ လက်ယာဘက်၌ ရပ်လျက်ရှိ၏။

၁။    သင်၏ ဂုဏ်မြင့်မြတ်သော သူတို့တွင် ဘုရင်၏ သမီးတော်များလည်း ပါဝင်ကြ၏၊-အော်ဖီးရ်တိုင်းပြည်မှ ရွှေဖြင့်တန်ဆာ ဆင်ထားသော မိဖုရားကြီးသည် သင်၏ လက်ယာဘက်၌ ရပ်လျက်ရှိ၏။ ( သံပြိုင် )

၂။    ချစ်သမီး နားထောင်လော့၊-သင်၏ နားကို စွန့်၍ ကြည့်လော့၊- သင်၏ လူမျိုးနှင့် သင်၏ မိဘအိမ်ကို မေ့လျော့လော့၊ ဘုရင်သည်လည်း သင်၏ လှပသော အဆင်းသဏ္ဍာန်ကို နှစ်သက် စွဲလမ်းလိမ့်မည်။ အကြောင်းမူကား သူသည်သင်၏ သခင် ဖြစ်၏၊- သူ့ကို ကျိုးနွံ နာခံလော့။ ( သံပြိုင် )

၃။    သူတို့သည် ရွှင်လန်း ၀မ်းမြောက်ခြင်းဖြင့် ခေါ်ဆောင်ခြင်း ခံကြရ၍ သူတို့သည်လည်း ဘုရင်၏ နန်းတော်သို့ ၀င်ကြလိမ့်မည်။ ( သံပြိုင် )


ဒုတိယကျမ်း၊

    “ သားဦးဖြစ်သော ခရစ္ဆတူးသည် ပထမ၊ ထို့နောက် ခရစ္ဆတူး၏ နောက်လိုက်တပည့်များ”

မွန်မြတ်သော တပည့်တော်ကြီးသံပေါလူး ကော်ရင်းသီမြို့သားတို့ထံ ရေးသော ဆုံးမစာ( ၁၅း ၂၀ - ၂၆  အထိ)

    ခရစ္ဆတူးသခင်သည် သေသူတို့ အစုမှ ရှင်ပြန် ထမြောက်တော်မူ၍ သေသူတို့တွင် အဦးသီးသော အသီးကဲ့သို့ ဖြစ် တော်မူသည်။- အကြောင်းမူကား လူတစ်ယောက် အားဖြင့် သေခြင်းတရားဖြစ်ပေါ်လာ သကဲ့သို့ လူတစ်ယောက် အားဖြင့် သေခြင်းမှ ရှင်ပြန် ထမြောက်ခြင်း လည်းဖြစ်ပေါ်လာရသည်၊- လူ အားလုံးတို့သည် အာဒန်ကြောင့်သေကြရသည့် နည်းတူ၊ -လူ အားလုံးတို့သည် ခရစ္ဆတူး သခင်အားဖြင့် အသက်ရှင်ခြင်း ချမ်းသာကို ရကြလိမ့်မည်၊-သို့ရာတွင် အားလုံး အစီအစဉ်အတိုင်း ဖြစ်ရလ်ိမ့်မည်။-သားဦးဖြစ်သော ခရစ္ဆတူးသည် ပထမ၊ ထို့နောက် ကိုယ်တော်တစ်ဖန် ကြွလာတော်မူသော အခါ၊-ကိုယ်တော်၏နောက်လိုက် တပည့်တို့သည် ရှင်ပြန် ထမြောက်ကြလိမ့်မည်။-ထို့နောက် ခရစ္ဆတူးသခင်သည် အချူပ်အချာ အာဏာတန်ခိုး ရှိသမျှတို့ကို ချိုးနှိမ် ဖျက်ဆီးတော်မူပြီး၊ - နိုင်ငံတော်ကို အဖ ခမည်းတော်ဘုရား အပ်နှင်းတော်မူသောအခါ အရာခပ်သိမ်း အဆုံးသို့ ရောက်လိမ့်မည်။ -အဘယ်ကြောင့် ဆိုသော် ဘုရားသခင်သည် ရန်သူအားလုံးတို့ကို ခရစ္ဆတူးသခင်၏ ခြေဝေါးတော် အောက်သို့ ရောက်စေသည့် တိုင်အောင် ခရစ္ဆတူး သခင်သည် အုပ်စိုးတော်မူလိမ့်မည်၊ -နောက်ဆုံး ဖျက်ဆီးပစ်ရမည့် ရန်သူ ကားသေခြင်းပင်ဖြစ်သည်၊-အကြောင်းမူကား ဘုရားသခင်သည် အရာ ခပ်သိမ်းတို့ကို ခရစ္ဆတူးသခင်၏ ခြေဖ၀ါးတော်အောက်သို့ ရောက်စေတော်မူသည်။-

ဤသည်ကား ဘုရားသခင်၏နှုတ်ကပါဌ်တော်ပေတည်း၊
ဘုရားသခင်အား ကျေးဇူးတင်ပါသည်။
ဧ၀ံဂေလိကျမ်း၊
“ တန်ခိုးကြီးတော်မူသော သူသည် ငါ၌ ကြီးမြတ်သောအရာကို ပြုတော်မူပြီ
နှိမ့်ချသော သူတို့ကို ချီးမြှောက်တော်မူပြီ၊”

သံလူကားရေးထားသော သန့်ရှင်းသော ဧ၀ံဂေလိကျမ်း ၊ - ၁း ၃၉ မှ ၅၆ အထိ

ထိုနေ့ ရက်တို့၌ မာရီယားထ၍ တောင်ကုန်း အရပ်၌ ရှိသော ယုဒမြို့သို့ အလျင်အမြန် သွားပြီးလျှင်၊ ဇာခရီအိမ်သို့ ၀င်၍ ဧလိဇဘက် ကို နှုတ်ဆက်လေ၏၊- မာရီယား၏ နှုတ်ဆက်ခြင်းကို ဧလိဇဘက်ကြားလျှင် ကြားခြင်း မိမိ ၀မ်းခေါင်း၌ သားငယ်သည် ခုန်မြူးလေ၏၊-ဧလိဇဘက်သည်လည်း သန့်ရှင်းသော ၀ိညာဉ်တော်နှင့်ပြည့်ဝ လျက်ရှိ၍၊ -ကြီးသော အသံနှင့် ဟစ်ကြော်၍   ဆိုသည်ကား သင်သည် မိန်းမတို့တွင် မြတ်သော မင်္ဂလာရှိသူဖြစ်၏၊- သင့် ၀မ်းခေါင်း၏ အသီးတော်သည်လည်း မြတ် သော မင်္ဂလာရှိ၏၊ - ကျွန်ုပ်သခင်၏ မယ်တော်သည် ကျွန်ုပ်ဆီသို့ ကြွလာသော ကျေးဇူးကို ကျွန်ုပ် အဘယ့်ကြောင့် ခံရပါသနည်း၊-အကြောင်းမူကား သင်၏နှုတ်ဆက်ခြင်း အသံသည် ကျွန်ုပ်၏ နား၌ရောက်ရုံနှင့် ကျွန်ုပ် ၀မ်းထဲ၌ သူငယ်သည် ၀မ်းမြောက် ခြင်းဖြင့် ခုန်လေပြီ၊- သင်သည်လည်း ယုံကြည်သောကြောင့် မင်္ဂလာရှိ၏၊- အကြောင်းမူကား သင့်အား ဘုရားသခင်မိန်တော် မူသော အကြောင်းအရာ တို့သည်  ပြည့်စုံ လိမ့်မည်။ -ထိုအခါ မာရီယား မြွတ်ဆိုသည်ကား၊- ငါ၏ ၀ိညာဉ်သည် သခင်ဘုရားကို ချီးမွမ်း၏၊-ငါ၏ စိတ်နှလုံးသည် င့ါကိုယ် တင်တော်မူသော အရှင်ဘုရား၌ ရွှင်လန်းခြင်းရှိ၏၊-အကြောင်းမူကား ကိုယ်တော်သည် မိမိ ကျွန်မ၏နှိမ့်ချသော အဖြစ်ကိုကြည့် မှတ်တော်မူပြီ၊ -ယခုမှစ၍ ခပ်သိမ်းသော လူအစဉ်အဆက်တို့သည် င့ါကို မင်္ဂလာရှိသော သူဟုခေါ်ဝေါ်လတ္တံ့၊ -အကြောင်းမူကား တန်ခိုးကြီးတော်မူသော သူသည် ငါ၌ ကြီးမြတ်သော အရာများကို ပြုတော်မူပြီ၊ ကိုယ် တော်၏ နာမတော်သည် သန့်ရှင်း၏၊-ကိုယ်တော်၏ ကရုဏာတော်သည် မိမိကိုကြောက်သော သူတို့ အပေါ်၌ သားစဉ်မြေး ဆက်သက်ရောက်၏၊ -လက်ရုံးတော်အားဖြင့် တန်ခိုးကိုပြတော်မူပြီ၊ စိတ်၌ မာနထောင်လွှားသော သူတို့ကို ကွဲလွင့် စေတော်မူပြီ၊-တန်ခိုးကြီးသော အရာတို့ကို အရာမှ ချတော်မူ၍ စိတ်နှိမ့် ချသော သူတို့ကို ချီးမြှောက်တော်မူပြီ၊ -ငတ်မွတ်သော သူတို့ကို ကောင်းသောအရာတို့ နှင့်ပြည့်ဝစေပြီး ရတတ်သော သူတို့ကို လက်ချည်း လွှတ်လိုက်တော်မူပြီ၊ မိမိ ကရုဏာတော်ကို အောက်မေ့တော်မူ၍ မိမိ ကျွန်အစ္စရေးကို ထောက်မတော်မူပြီ၊ -ငါတို့ ဘိုးဘေး အာဗြံမှစသော သူ၏ အမျိုးအနွယ်တို့အား အစဉ်အဆက်ဖို့ငှာ ဗျာဒိတ်တော် ထားတော်မူသည့်အတိုင်းတည်း၊ -မာရီယားသည်လည်း သူနှင့် အတူ သုံးလခန့်နေပြီးမှ မိမိ အိမ်သို့ ပြန်လေ၏။

ဤသည်ကား ဘုရားသခင်၏နှုတ်ကပါဌ်တော်ပေတည်း၊


 “လောကမှာနေရမယ့်ရက် ကုန်ဆုံးသောအခါ”

ချစ်လှစွာသော ဓမ္မမိတ်ဆွေ အပေါင်းတို့၊-

ဆင်းရဲသားတစ်ဦးရဲ့  ပုံပြင်လေးကို ဝေငှချင်ပါတယ်၊ -သူဟာ သိပ် ဆင်းရဲလွန်းလို့ ပင်လယ်ပြင်ကို သွားပြီး “ကျွန်တော်သေချင် ပါတယ်၊ -သေမင်းကြီးရယ် မြန်မြန်လာခေါ် လှဲ့ပါ တော့”လို တစာစာနဲ့ ညည်းညူသတဲ့၊ -ဒါနဲ့ သေမင်းဟာ သူ့ထံပေါ်လာပြီး သင်ဟာ အခုသေချင်သော်လည်း သင့်အလှည့် မရောက်သေးပါ၊ နောက်ဆယ်နှစ်နေမှ သင့်အလှည့်ဖြစ်ပါတယ်၊ -သင်ဟာ သည်ကနေ့က စပြီး ဘာလုပ်လုပ် အောင်မြင်ကာ ချမ်းသာကြွယ်ဝ သူဖြစ်လာ ပါလိမ့်မယ် ၊နောက် ဆယ်နှစ်နေရင်တော့ သည်နေရာကို သင် ဆက်ဆက် လာခဲ့ ရလိမ့်မယ်လို့၊” သေမင်းကမိန့် ဆိုပြီး ပျောက်ကွယ်သွားသတဲ့၊
    အဲ့သည့်နေ့ ကစပြီး သည်ဆင်းရဲသားဟာ နေ့ချင်း ညချင်း ချမ်းသာကြွယ်ဝ လာပါတော့တယ်၊ -ဒါပေမယ့် သူဟာ ချမ်းသာ ကြွယ်ဝမှု အပေါ်နေ့စဉ် ယစ်မူးနေတဲ့ အတွက် သူနဲ့ သေမင်းနဲ့ တွေ့ရမယ့် အချိန်ကိုမေ့နေပါတော့တယ်၊ တစ်လ လောက် အလိုမှ ပြန်သတိရ လာပါတော့တယ်၊ -သည်အခါမှာတော့ အဲ့သည့် ဆင်းရဲသားဟာ မသေချင် တော့ပါဖူး၊ ဘာလို့လဲ ဆိုတော့ သူဟာ ချမ်းသာနေပြီလေ၊ -ဒါ့ကြောင့် သေမင်းသူ့ကို လာမခေါ်နိုင် ရအောင် အကြံ တစ်ခုရပါတယ်၊ ကြီးမားတဲ့ သေတ္တာကြီး တည်ဆောက်ပြီး အဲ့သည့်သေတ္တာ ထဲမှာ တစ်လစာ ရိက္ခာတွေ အပြည့်ထဲ့၊ အဲ့သည့်သေတ္တာထဲကို သူက ၀င်အောင်းနေ လိုက်တယ် ၊နောက် အဲ့သည့်သေတ္တာကြီးကို ကြိုးခပ် တုတ်တုတ်နဲ့ ချည်စေတယ်၊ ကြိုးရဲ့  ကျန်အစ တစ်ဖက်ကို ပင်လယ်ကမ်းစပ်က သစ်ပင်ကြီး တစ်ပင်မှာ ချည်နှောင်စေပြီး သူခိုအောင်းနေတဲ့ အဲ့သည့်သေတ္တာကြီးကို ပင်လယ်ထဲ တွန်းချခိုင်း လိုက်ပါတယ်၊ -ဒါမှ အချိန်ကြလို့ သေမင်း သူ့ ကို လိုက်ရှာတဲ့အခါ မတွေ့ နိုင်အောင်လို့လေ၊
    သတ်မှတ်တဲ့ အချိန်ရောက်တဲ့အခါ သေမင်းက သူ့ကို လိုက်ရှာ ပါလေရော၊ -ကမ္ဘာအနှံ့ လိုက်ရှာတာပေါ့၊ ဒါပေသိ အဲ့သည့် ဆင်းရဲသား သူဌေးကို မတွေ့ရဖူး၊ -ဒါနဲ့ သေမင်းတမန်ဟာ စိတ်ညစ်ညစ်နဲ့ ပင်လယ်ဘက်ကို  ထွက်လာတဲ့ အခါ ရေထဲ ကသေတ္တာကြီးကို ချည်ထားတဲ့ ကုန်းပေါ် ကကြိုးနဲ့ ခလုတ်တိုက်ပြီး မှောက်ရက်လဲ ကျသွားပါတယ် ၊သေမင်း ဟာ ဒေါကန်ကန်နဲ့ အဲ့သည့် ကြိုးကြီးကို ဆွဲတင်လိုက်တဲ့ အခါ ပင်လယ်ထဲနစ်နေတဲ့ သေတ္တာကြီးဟာ ကုန်းပေါ် ကိုရောက် လာတာပေါ့၊-သေတ္တာကြီးကို ဖွင့်ကြည့်လိုက်တော့ သေမင်း လိုက်ရှာနေတဲ့ ဆင်းရဲသား သူဌေးလေးကို တွေ့လိုက်ရပါ တော့တယ်၊-ဒါ့ကြောင့်သေရမယ့်နေ့ ရောက်ရင် ဘယ်သူမှ ပြေးလို့ ပုန်းလို့ မလွတ်ပါဖူး ၊ငြင်းလို့ - ရက်ချိန်း တောင်းလို့လည်း မရပါဖူး၊
    ချစ်စွာသော ဓမ္မမိတ်ဆွေအပေါင်းတို့၊ သည်ကနေ့ ကျွန်တော်တို့တစ်တွေ အမိမယ်တော်ကောင်းကင်ဘုံသို့ ပင့် ဆောင်ခံရခြင်းပွဲ ကို ကျင်းပကြပါတယ်၊ -သည်ပွဲကိုရှေးပဝေသဏီကတည်း ကရှေးဦး ခရစ်စယန်များ ကျင်းပခဲ့တဲ့ပွဲ တစ်ပွဲဖြစ်ပါတယ်။ သည်ပွဲတော်နဲ့ ပတ်သက်ပြီး ပြောကြစတမ်း ဆိုရင် ဒုတိယကမ္ဘာစစ်အတွင်း အမေရိကန်နိုင်ငံက ဂျပန်နိုင်ငံရဲ့ မြို့တော် များဖြစ်ကြ တဲ့ “ဟီရိုးရှီးမား” နဲ့ “ နဂါးစကီး” မြို့တွေ အပေါ် အနုမြူဗုံးကြဲချတဲ့ အကြောင်းနဲ့ ဂျပန်တွေ လက်နက်ချကြောင်း စစ်ကြေငြာတဲ့ အကြောင်းတွေကို ထည့်မပြောရင် “ဆား”ပေါ့တဲ့ ဟင်းတစ်ခွက်လို အရသာမဲ့သွားမှာ စိုးရပါတယ်၊ -ဒါ့ကြောင့် သည်အကြောင်းကို နည်းနည်းဝေမျှ ပါရစေ၊
    ၁၉၄၅ ခုနှစ် သြဂုတ်လ  ၆ ရက်နေ့ နံနက် ၈း၁၅ နာရီမှာ အမေရိကန်ပိုင်ဘီ ၂၉ ဗုံးကြဲလေယာဉ်ကြီးဟာ ဂျပန်နိုင်ငံ ဟီရိုးရှီးမားမြို့ ကြီးကို ဗုံးကြဲလိုက်ပါတယ်၊ -အဲ့သည့် အနုမြူဗုံးကျတဲ့ နေရာနဲ့ တစ်မိုင်ခန့်အဝေးမှာ “မယ်တော် ကောင်းကင်ဘုံသို့ ပင့်ဆောင် ခံရခြင်း”ဘွဲ့ခံ ကက်သလစ် ဘုရားကျောင်းတစ်ကျောင်း ရှိပါတယ်၊ -အဲ့သည့် အနုမြူဗုံးကျတဲ့နေရာနဲ့  ၅ မိုင်အတွင်းမှာ ရှိတဲ့ သက်ရှိသက်မဲ့ နဲ့ အဆောက်အအုံပါ မကျန် ပျက်စီးကြေမွ သွားရပါတယ်။ ဒါပေမယ့် အခု တင်ပြခဲ့တဲ့  “အမိ မယ်တော်ကောင်းကင်ဘုံ သို့ ပင့်ဆောင်ခံရခြင်း”ဘွဲ့ခံ ဘုရားကျောင်းကတော့ လုံးဝ မပျက်စီးခဲ့ပါဖူး၊ -အဲ့သည့်ကျောင်းထဲမှာ စိပ်ပုတီး စိတ်နေတဲ့ ဂျေဇူးအစ် ဂိုဏ်းဝင် ကက်သလစ်ရဟန်း ၄ ပါးကလည်း အသက်ဘေး ကနေကင်း လွတ်ခဲ့ရပါတယ်။
    အဲ့သည်လို ဗုံးကြဲပြီး ၉ ရက်အကြာ သြဂုတ်လ ၁၅ ရက်နေ့ဟာ အမိမယ်တော် ကောင်းကင်ဘုံသို့ပင့်ဆောင်ခံရတဲ့ ပွဲနေ့ဖြစ် ပါတယ်၊-  အဲ့သည်နေ့မှာပဲ ဂျပန်နိုင်ငံဟာ လက်နက်ချကြောင်း နဲ့ စစ်ပြေငြိမ်းကြောင်း အမေရိကန်နဲ့ အပြန်အလှန်  စစ်ပြေ ငြိမ်းရေးစာချုပ်-ချုပ်ဆို ခဲ့ကြပါတယ်၊ -ဂျပန်နိုင်ငံက လက်နက်ချကြောင်းနဲ့ စစ်ပြေငြိမ်းကြောင်းစာချုပ်များဟာ ကမ္ဘာ ကြီးကို အံ့အား သင့်စေခဲ့ပါတယ်။ ဘာလို့လည်းဆိုတော့ ဂျပန်လူမျိုးဆိုတာ လက်နက်ချရိုးထုံးစံမရှိပါဖူး၊-ကိုယ်ကမနိုင်တော့ ဖူးဆိုရင် ကိုယ့်ဘ၀ကြီးကို ရန်သူ့လက် အပ်မယ့်အစား ကို့ကိုယ်ကို  အဆုံးစီရင်လေ့ ရှိတတ်ကြလို့ပါပဲ၊
    ချစ်စွာသော ဓမ္မမိတ်ဆွေ အပေါင်းတို့၊- အထက်က ဖေါ်ပြခဲ့တဲ့ အဖြစ်အပျက်တွေဟာ အံ့သြစဖွယ်တွေဖြစ်ပါတယ်၊- ဒါတွေဟာ မယ်တော့်ရဲ့ ကာကွယ် မှိုင်းမမှုတွေပဲဖြစ်ပါတယ်၊ -ဒါ့ကြောင့် ထိုအချိန်က ပုပ်ရဟန်းမင်းကြီးဖြစ်တဲ့ ဒွါဒဿမ မြောက် ပီးအိုက ၁၉၅၀ ခုနှစ် နိုင်ဝင်ဘာလ ၁ ရက် ရဟန္တာ အပေါင်းတို့ရဲ့ ပွဲနေ့မှာ  “အမိမယ်တော်ကောင်းကင်ဘုံသို့ပင့် ဆောင်ခံရခြင်းကို ယုံကြည်ရာ အချက် တစ်ခုအဖြစ် လိုက်နာကာ ပွဲတော် ကျင်းပကြရန် တစ်ကမ္ဘာလုံးကို ကြေငြာခဲ့ပါတယ်၊- ရဟန်းမင်းကြီးရဲ့ ကြေငြာချက်ထဲမှာ “အမိ မယ်တော်သည် လူ့လောက၌ မိမိနေရမည့်ရက် ကုန်ဆုံးသွားသော အခါ အသက် နှင့် ခန္ဓာတစ်ပါတည်း ကောင်းကင်သို့ ပင့်ဆောင်ခံ ရသည်၊”လို့ ကြေငြာခဲ့ပါတယ်၊
    သည်ကြေငြာချက် မတိုင်မီ ကတည်းက ကမ္ဘာအနှံ့မှာ မယ်တော်ကောင်းကင်ဘုံသို့ ပင့်ဆောင်ခံရခြင်း ဘွဲနာမခံ မြို့ တွေ၊ ဘုရားကျောင်းတွေ၊ လူပုဂ္ဂိုလ်တွေ ရှိနေခဲ့ကြပါပြီ၊ အခု တင်ပြခဲ့တဲ့ ဂျပန်ပြည် ဟီရိုးရှီးမားမြို့က ဘုရားကျောင်း၊ ပါရဂွေးနိုင် ငံရဲ့ မြို့တော် အာစွန်းစိအွန်(Asuncio’n – in honour of the Assumption of Mary) အဲ့သည့်မြို့ကို ၁၅၃၇ ခုနှစ် သြဂုတ် လ ၁၅ ရက်နေ့ မှာ Juan de Salazary Espinoza က တည်ထောင်ခဲ့ပါတယ်၊
    လက်ရှိ ပုပ်ရဟန်းမင်းကြီးဘေနေဒစ်(၁၆) ကလည်း အမိမယ်တော်ကောင်းကင်ဘုံသို့ ပင့်ဆောင်ခံရခြင်းပွဲကိုကျင်းပ ခြင်းအားဖြင့် လူသားသည် လောက လူ့ပြည်၌ တစ်သက်တာ မနေရ၊-လူအားလုံးတို့၏ ထာဝရနေအိမ်သည် ကောင်းကင်နိုင် ငံတော်ဖြစ်သည်၊-လူသားတိုင်းသည် ဤလောကတွင်နေရမည့် ရက်မှာ ကန့်သတ်ပြီး သတ်မှတ်ပြီးဖြစ်ကြောင်းကို ဤပွဲတော်က   သတိပေးနေ သလိုဖြစ်သည်။” ဟု မိန့်ဆိုတော်မူခဲ့ပါတယ်။
    ချစ်စွာသော ဓမ္မမိတ်ဆွေအပေါင်းတို့၊ -သေခြင်းတရားဟူသည် မည်သူမဆိုကြုံတွေ့ရမည့် အရေးကိစ္စ တစ်ခုပင်ဖြစ် ပါတယ်၊-လူအပါအ၀င် သက်ရှိသတ္တ၀ါအပေါင်းတို့ ဟာနေရမည့်အသက် ၊သေဆုံးမည့်ရောဂါ ၊သေရမည့်အချိန်၊ အလောင်းခန္ဓာ  စွန့်ရမည့်နေရာ၊ လားရောက်ရမည့် ဂတိ၊ ဤငါးမျိုးကို ကြိုတင်မသိနိုင်ကြောင်း မှတ်သားဖူးပါတယ်၊ -သမ္မာကျမ်းစာတော်မြတ် ထဲမှာလည်း “ထိုနေ့ရက်နှင့် အချိန်နာရီကိုမူကား ခမည်းတော်မှ တစ်ပါး မည်သူမျှ မသိ ၊ကောင်းကင်တမန်တော်များပင် မသိကြ၊ သားတော်လည်း မသိချေ၊ ထိုအချိန်နာရီသည် မည်သည့် အခါတွင် ကျရောက်မည်ကို သင်တို့ မသိကြသောကြောင့် သတိ ရှိကြ လော၊ အသင့်စောင့်နေကြလော့၊ -(သံမာကု ၁၃း၃၂-၃၃) ထို့အပြင် “လူ၏ အသက်သည် ဥစ္စာဓနကြွယ်ဝခြင်း၌ တည်သည် မဟုတ်”(လုကား ၁၂း၁၅)
    ဒါ့ကြောင့် ကျွန်တော်တို့ရဲ့ လောကမှာနေရမယ့်ရက် မကုန်ဆုံးမှီ ကျွန်တော်တို့ ဘာတွေလုပ်ကြမလဲ၊-ဘယ်လိုနေ ထိုင်ကျင့်ကြံ အားထုတ် ကြမလဲ၊ - စိန်အာလောရှက် ဂွန်ဇာဂါးကတော့ ရဟန်းဖြစ်ကျောင်းသားဘ၀ အလုပ်လုပ်ချိန် မှာ  မြက် ပေါက်နေတုံး  ကျောင်းအုပ်က ဒီလိုမေးလိုက်ပါတယ်၊ “ဂွန်ဇာဂါး- ဆယ့်ငါးမိနစ် အတွင်း မင်းသေရမယ်ဆိုရင် ဘာလုပ်မလဲလို့  မေးလိုက်ပါတယ်၊ ဂွန်ဇာဂါးကတော့ ခပ်အေးအေးလေသံနဲ့ “သည်မြက်ကို ပြီးအောင် ရှင်းလိုက်ပါအုံးမယ်” လို့ ပြန်ဖြေလိုက်ပါ တယ်၊ အမြဲအစဉ်သင့်ရှိတဲ့ သဘောကို ဆိုလိုခြင်းဖြစ်ပါတယ်၊
    ခရစ်တော်ဘုရားရှင်ကတော့ သည်လို အကြံပြုခဲ့ပါတယ်။ တစ်ခါတုန်းက သူဌေးတစ်ဦးမှာ မရိုးသားသော ဘဏ္ဍာစိုး တစ်ဦး ရှိသတဲ့၊-ဒါ့ကြောင့် သူဌေးက အဲ့သည့်ဘဏ္ဍာစိုးကို အလုပ်ဖြုတ်ဖို့စီစဉ်ပါတော့တယ်၊ သည်သတင်းကိုကြားတဲ့ အဲ့သည့်  ဘဏ္ဍာစိုးက သည်လိုတွေးသတဲ့၊ -ငါသည် အလုပ်ကပြုတ်ပါက စားဝတ်နေရေး ခက်တော့မည်၊ မြေလည်း မတူးနိုင်၊ တောင်းစား   ဖို့လည်း ငါရှက်တယ်၊ အလုပ် မရှိတော့တဲ့ နောက်ပိုင်း အစဉ်ပြေစေဖို့ သည်လို စီစဉ်မှဖြစ်မယ်”လို့ တွေ့ပြီး သူ့သူဌေးထံပေးစရာ ရှိကြတဲ့ကြွေးရှင်တွေ ကိုခေါ်ပြီး သူဌေးကိုပေးရမယ့်ငွေစါရင်း အချို့ကို အလျှော့အတင်း လုပ်ပေးလိုက်ပါတယ် ၊ကြွေးပေး ရမယ့်   သူတွေ အားလုံးကလည်း သူ့ကို ကျေနပ်နေကြပါတော့တယ်၊ (လုကား ၁၆း၁-၁၃) အဲ့သည့် ဘဏ္ဍာစိုးရဲ့ လိမ္မာပါးနပ်မှု အတွက် သူဌေးက ချီးမွမ်းခဲ့ပါတယ်၊
    ဒါ့ကြောင့် ကျွန်တော်တို့ တစ်တွေလည်း မိမိတို့ရဲ့ နောင်တမလွန် ဘ၀အတွက် အသက်ရှင်စဉ် လိမ္မာပါးနပ်စွာနေထိုင် သွားကြစေ ချင်ပါတယ်၊ -အမိမယ်တော်ကဲ့သို့လည်း မိမိရဲ့ အကူအညီလိုအပ်နေသူများထံ သွားရောက် ရိုင်းပင်းကူညီခြင်း(ဧလိ ဇက်ထံသွားခြင်း၊) အတိ ဒုက္ခရောက်နေသူကို ကူညီပေးခြင်း(ကာနန်လက်ထပ်ပွဲ) စုပေါင်းဆုတောင်းပေးခြင်း(ပင်တေကော့ပွဲ) နှုတ်လုံခြင်း စတဲ့ ကောင်းမြတ်သော ပါရမီများကို လေ့လာ ဆည်းပူးကြရင်း ကျွန်တော်တို့ရဲ့ လောကမှာနေရမယ့်ရက် ကို အစဉ်သင့် စောင့်  နေကြပါစို့လို့ တိုက်တွန်းလိုက်ရပါတယ်၊