အတွဲ(၁) အမှတ်စဉ်(၂)                               နှစ်၏(၁၉)ကြိမ်မြောက်သာမန်တနင်္ဂနွေနေ့                               ၃၁ - ၈ - ၂၀၁၁

ပထမကျမ်း
“ တောင်ပေါ်တွင် ဘုရားသခင်၏ မျက်မှောက်၌ ရပ်နေလော့ ”

ဓမ္မရာဇ၀င် တတိယစောင်   ၁၉း ၉ နှင့် ၁၁ မှ ၁၃ အထိ၊

    ထိုကာလ၌ ဧလိယသည် ဘုရားသခင်၏တောင်တည်း ဟူသော ဟောရက်တောင်သို့ ရောက်သောအခါ ဥမင်လိုဏ် ခေါင်း ထဲတွင်နေလေ၏၊- ဘုရားသခင်၏ အမိန့်တော်သည်လည်း သူ့ထံသို့ ရောက်ရှိလာလေ၏၊- အပြင်သို့ ထွက်လော့၊ -တောင်ပေါ်တွင် ဘုရားသခင်၏ မျက်မှောက်၌ ရပ်နေလော့ ဟု မိန့်တော်မူ၏၊- ထိုအခိုက် သခင်ဘုရားသည် ဖြတ်သွားတော်မူ၍  သခင်ဘုရား ၏ ရှေ့၌ လေပြင်းမုန်တိုင်းသည် တောင်များနှင့် ကျောက်ဆောင်များကို ကွဲအက်ကြေမွစေအောင် တိုက်ခတ် လျက်သွား၏၊- သို့သော် သခင်ဘုရားမူကား လေ၌ မရှိ၊ -လေတိုက်ပြီးနောက် ငလျင်လှုပ်၏၊ - သို့သော် သခင်ဘုရား  ငလျင်လှုပ်ခြင်း၌ မရှိ၊ - ငလျင်လှုပ်ပြီးနောက် မီးလောင်၏၊- သခင်ဘုရားမူကား မီး၌ မရှိ၊- မီးနောက်မှ ညင်သာသော အသံဖြစ် ပေါ်လာ၏၊- ထိုအသံကို ဧလိယ ကြားသောအခါ  မိမိမျက်နှာကို ခြုံထည်ဖြင့် ဖုံးအုပ်လျက် အပြင်သို့ ထွက်၍ ဥမင်အ၀င်၌ ရပ် နေလေ၏၊
“ ဤသည်ကား ဘုရားသခင်၏နှုတ်ကပါဋ္ဌ်တော်ပေတည်း ”
“ ဘုရားသခင်အား ကျေးဇူးတင်ပါသည်။”

ဆာလံသီချင်းဧကျူးခြင်း၊
ဆာလံ ၈၄၊
သံပြိုင်၊        ၊  အိုသခင် ကိုယ်တော်၏ ကရုဏာတော်ကို ကျွန်ုပ်တို့အား ပြတော်မူပါ၊-
                     ကိုယ်တော်၏ ကယ်တင်ခြင်းကိုလည်း ကျွန်ုပ်တို့အား ပေးတော်မူပါ။

၁။    ဘုရားသခင်မိန့်တော်မူသော အရာများကို နားထောင်ပါမည်၊- အကြောင်းမူကား ကိုယ်တော်သည် မိမိလူမျိုးနှင့် သန့် ရှင်းသောသူတို့အား ငြိမ်းချမ်းခြင်း အကြောင်းကို မိန့်တော်မူလိမ့်မည်။-ကိုယ်တော်ကိုကြောက်သောသူတို့အဖို့ ကယ်တင်ခြင်း  ချမ်းသာသည် အမှန်နီးကပ်လျက်ရှိ၏၊- ကိုယ်တော်၏ ဘုန်းဂုဏ်တော်သည် ကျွန်ုပ်တို့၏ တိုင်းပြည်၌ တည်ရှိတော်မူလိမ့်မည်။ (သံပြိုင်)

၂။    ကရုဏာနှင့် သစ္စာတို့သည် အချင်းချင်းတွေ့ဆုံကြ၏၊- ဖြောင့်မတ်ခြင်းနှင့်ငြိမ်းချမ်းခြင်းတို့သည်လည်း ရင်းနီးစွာ ဆက်ဆံကြ၏၊-သစ္စာသည်မြေမှ ထွက်၍ ဖြောင့်မတ်ခြင်းတရားသည် ကောင်းကင်မှ လှမ်း၍ ကြည့်လိမ့်မည်၊(သံပြိုင်)

၃။    သခင်ဘုရားမူကား ကျေးဇူးပြုတော်မူ၍ ကျွန်ုပ်တို့၏ မြေကြီးသည် အသီးအနှံကို ပေါ်ထွန်းစေလိမ့်မည်။-ဖြောင့်မတ်ခြင်း တရားသည် သူ၏ရှေ့၌သွား၍ လမ်း၌ ခြေလှမ်းများကို ထင်စေလိမ့်မည်။ (သံပြိုင်)

ဒုတိယကျမ်း
“ ညီအစ်ကိုတို့ အတွက် ကူညီရန်   လိုအပ်ပါလျှင် စွန့်ပစ်ခြင်းခံရစေကာမူ ကူညီရန် ဆန္ဒရှိပါသည်၊”
မွန်မြတ်သော တပည့်တော်ကြီး သံပေါလူး ရောမားမြို့သားတို့ထံ ရေးသော ဆုံးမစာ ( ၉း ၁ မှ ၅ အထိ)

ညီအစ်ကိုတို့၊
ကျွန်ုပ်သည် အလွန်ဝမ်းနည်း၍ ကျွန်ုပ်၏ စိတ်နှလုံးသည် အစဉ်ကြေကွဲလျက် ရှိကြောင်းယေဇူးသခင်ရှေ့တော်၌ အမှန်ကို ကျွန်ုပ် ပြောပါသည်၊- မုသားစကား မဟုတ်ပါ၊- ကျွန်ုပ်၏ အသိစိတ်သည်လည်း သန့်ရှင်းသော ၀ိညာဉ်တော်ရှေ့၌ မှန်ကြောင်း သက်သေခံ ပါသည်။ -အသွေးအသား အားဖြင့် ကျွန်ုပ်၏ မျိုးနွယ်များဖြစ်ကြသော ညီအစ်ကိုတို့ အတွက် ကူ ညီရန်လိုအပ်ပါလျှင် ကျွန်ုပ်သည် ခရစ္ဆတူးသခင်မှ ခွဲခွာ၍   စွန့်ပယ်ခြင်း ခံရစေကာမူ၊ ကူညီရန် ဆန္ဒရှိပါသည်၊ -ဘုရား သခင်သည် အစ္စရေး လူမျိုးများဖြစ်ကြသော ထိုသူတို့ကို မိမိသားသမီးများအဖြစ် တင်မြှောက်တော်မူ၍ သူတို့အား ဂုဏ်ပြုတော်မူပြီးနောက် သူတို့နှင့် ပဋိညာဉ်ပြုတော်မူလျက် တရားဥပဒေများ၊ - ၀တ်ပြု ကိုးကွယ်နည်းများနှင့် အခြား ကတိများကို ပေးတော်မူသည်။- သူတို့သည် ဘိုးဘေးတို့မှ ဆင်းသက်လာကြ၍ ခရစ္ဆတူးသခင်သည်လည်း အသွေး အသားအားဖြင့် ထိုသူတို့၏ အမျိုးအနွယ်ဖြစ်သည်၊-အရာခပ်သိမ်းတို့ အပေါ်၌ ဘုရားဖြစ်တော်မူသော ကိုယ်တော်အား  အစဉ်ထာဝရ ကောင်းချီးမင်္ဂလာရှိပါစေ၊ အာမင်။
“ ဤသည်ကား ဘုရားသခင်၏နှုတ်ကပါဋ္ဌ်တော်ပေတည်း ”
“ ဘုရားသခင်အား ကျေးဇူးတင်ပါသည်။”

အာလေလူးယား၊-( ဆာလံ ၁၂၉း ၅ )
ကျွန်ုပ်သည် ဘုရားသခင်ကို မျှော်လင့်တောင်းတလျက်ရှိပါသည်၊-ကိုယ်တော်၏ နှုတ်ကပါဋ္ဌ်တော်၌ လည်း ယုံမှတ်ပါသည်။
အာလေလူးယား - အာလေလူးယား၊-

ဧ၀ံဂေလိကျမ်း၊-
“ တပည့်တော်သည် ကိုယ်တော့်ထံသို့ ရေပေါ်၌ လမ်းလျှောက်လာရန် အမိန့်တော်ရှိတော်မူပါ။ ”

သံမာတေဦးရေးထားသော သန့်ရှင်းသော ဧ၀ံဂေလိကျမ်း၊- ( ၁၄း ၂၂ မှ ၃၃ )

    ထိုကာလ၌ လူအစုအဝေးတို့သည် စား၍ ၀ကြပြီးနောက် ယေဇူးသည် တပည့်တော်ကြီးတို့ကို သင်္ဘောငယ်ပေါ်သို့ တက်စေတော် မူ၍ ကမ်းတစ်ဘက်သို့ အလျင် ကူးစေတော်မူ၏၊ - လူအစုအဝေးတို့ကို လွှတ်တော်မူပြီးလျှင်၊ ဆုတောင်း ပတ္တနာ ပြုအံ့သောငှာ တောင်ပေါ်သို့ ကိုယ်တော်တစ်ပါးတည်း တက်တော်မူ၏၊- ညဦးယံ၌ကား ထိုနေရာမှာ တစ်ပါးတည်း ရှိတော်မူ၏၊ သင်္ဘောငယ်မူကား ပင်လယ် အလယ်၌ လေဆန်ကျသောကြောင့် လှိုင်းတံပိုးဖြင့် ပြင်းစွာ လှုပ်ရှားခြင်းခံရ၏၊-ညခင်း စတုတ္ထယံ ၌ ကိုယ်တော်သည် ပင်လယ်ရေပေါ်မှာ လမ်းလျှောက်လျက် သူတို့ဆီသို့ ကြွတော်မူ၏၊ - ပင်လယ်ရေပေါ်မှာ လမ်းလျှောက်သည် ကို သူတို့ မြင်ကြလျှင်၊ - လန့်၍ တစ္ဆေဖြစ်၏ ဟုဆိုကြလျက် ကြောက်ရွံ့ခြင်းနှင့် အော်ဟစ်ကြ၏၊- ယေဇူးသည် အဆော တလျင် သူတို့ကို နှုတ်ဆက်၍ စိတ်ခိုင် လုံစွာ ထားကြလော့၊- ငါပင်ဖြစ်၏၊ -မကြောက်ကြနှင့်ဟု မိန့်တော်မူ၏၊- ပေတရူး ကလည်း အရှင်ဘုရား ကိုယ်တော်မှန်လျှင် တပည့်တော်သည် ကိုယ်တော့်ထံသို့ ရေပေါ်၌ လမ်းလျှောက်လာရန် အမိန့်ရှိတော် မူပါဟု လျှောက်လျင် လာခဲ့ဟု မိန့်တော်မူ၏၊ -ပေတရူးလည်း သင်္ဘောငယ်ပေါ်မှ ဆင်း၍ ယေဇူးထံတော်သို့ လာရအောင် ရေပေါ်မှာ လမ်းလျှောက် သွားလေ၏၊-သို့သော်လေပြင်းထန်သည်ကိုမြင်လျှင်ကြောက်လန့်ခြင်း ရှိလေ၏၊ နစ်စပြုမည်ရှိ သော် အရှင်ဘုရား ကယ်တော်မူပါဟု ဟစ်ကြော်၍ လျှောက်၏၊- ယေဇူးသည်လည်း ချက်ခြင်း လက်တော်ကို ဆန့်သဖြင့် သူ့ကိုဆွဲကိုင် တော်မူ၍ အို ယုံကြည်ခြင်း အားနည်းသောသူ အဘယ်ကြောင့် စိတ် ဇ၀ိုး ဇ၀ါးရှိသနည်းဟု မိန့်တော်မူ၏၊-သင်္ဘောငယ်ထဲသို့ တက်မိလျှင် လေငြိမ်လေ၏၊ သင်္ဘောငယ်ပေါ်မှာ ရှိကြသောသူတို့သည်လည်း လာကြ၍   စင်စစ် ကိုယ်တော်သည် ဘုရားသခင်၏ သားတော် မှန်ပါသည် ဟု ကိုယ်တော်ကို ရှိခိုးလျက် လျှောက်ကြလေ၏။
ဤသည်ကား ဘုရားသခင်၏ နှုတ်ကပတ်တော်ပေသည်။
အိုခရစ္စတူးသခင် ကိုယ်တော်အားဘုန်းတော်ဂုဏ်တော်ရှိပါစေ၊


ထောက်ရှု့စဉ်းစားရန်

          ချစ်လှစွာသော ဓမ္မမိတ်ဆွေအပေါင်းတို့၊-

တစ်ခါတုန်းက တီထွင်ပညာရှင်ကြီး သောမတ်စ် အယ်ဒီဆင်ဟာ လျှပ်စစ် မီးလုံးကို တီထွင်ခဲ့ပါတယ်၊-အချိန် သုံးလလောက် ကြာသွားပါတယ်၊ တီထွင်ပြီး သတင်းစာ ဆရာတွေ၊ ဧည်သည်တွေ၊ ဂုဏ်အသေရေရှိ လူကြီးမင်းများကို ဖိတ်ပြီး သူတီထွင်ထားတဲ့ လျှပ်စစ်မီးလုံးနဲ့မိတ်ဆက်ပေးပါတယ်၊

          သောမတ်စ်အယ်ဒီဆင်က အဲ့သည့် မိတ်ဆက်ပွဲကို သည်လို အစီအစဉ်လေး လုပ်ပါတယ်၊ -ဦးစွာ ဧည်သည်တွေကို လျှပ်စစ်မီးလုံးအကြောင်း ရှင်းပြပါ့မယ်၊-အဲ့သည့်နောက် လျှပ်မီးလုံးကို တပည့်တစ်ယောက်က အခန်းထဲကနေ ဧည်သည်တွေရှိတဲ့ ဧည့်ခန်းထဲကို သယ်လာရမှာဖြစ်ပါတယ်၊ -ဂရုတစ်စိုက် သည်လာဖို့ကိုလည်း မှကြားထားပါတယ်၊ -သို့သော် အချိန်ကျ လာတဲ့အခါ အဲ့သည့်တပည့်ဟာ လျှပ်မီးလုံးကို တယုတရနဲ့ သယ်လာသော်လည်း စိတ်လှုပ်ရှားပြီး လက် တွေ ကတုန်ကရင်ဖြစ်ကာ လက်ထဲက မီးလုံးဟာ အောက်ကိုကျပြီး ကွဲသွားခဲ့ပါတယ်၊ -ပရိသတ်တွေ အားလုံးကလည်း စိတ်မ ကောင်းဖြစ်ကြ ရပါတယ်၊ သည်အချိန်မှာသောတော့ မတ်အယ်ဒီဆင်က စိတ် တည်တည်ငြိမ်ငြိမ်နဲ့ပရိသတ်ကို တောင်းပန် လိုက်ပါတယ်၊ မတော်တဆ   ဖြစ်သွားတဲ့ အတွက် တောင်းပန်ပါတယ်၊ -နောက် သုံးလလောက်အကြာ သည်နေရာမှာပဲ သည်မိတ်ဆက်ပွဲကို  ဆက်လက် ကျင်းပ ပါ့မယ်၊ကြွရောက် ခဲ့ကြပါအုံးလို့ ထပ်မံ ဖိတ်ကြားခဲ့ပါတယ်၊

          နောက် သုံးလလောက်ကြာတဲ့အခါ အထက်က အတိုင်းသောမတ်စ်အယ်ဒီဆင်ဟာ လူတွေနဲ့ မီးလုံးလေး မိတ်ဆက်ပွဲ ကိုအောင်အောင်မြင်မြင် ကျင်းပနိုင်ခဲ့ပါတယ်၊ -ဒါပေမယ့် သည်မိတ်ဆက်ပွဲလေးရဲ ထူးခြားချက်ကတော့ သည်လျှပ်စစ်မီး လုံးလေးကို  သယ်ဆောင်လာသူက လွန်ခဲ့တဲ့အပတ်က သည်လျှပ်စစ်မီးလုံးကို သယ်လာတဲ့ အလုပ်သမားလေးပဲ ဖြစ်နေပါတယ်၊-

            မိတ်ဆက်ပွဲအတွင်း မေးစရာရှိရင်မေးပါလို့ ဖွင့်ပေးလိုက်တဲ့အခါ ပရိသတ်တွေ စိတ်ဝင်စားတာက သုံးလလောက် အချိန်ယူပြီး ခက်ခက်ခဲခဲ တည်ထွင်ခဲ့ရတဲ့ လျှပ်စစ် မီးလုံးအကြောင်း မဟုတ်တော့ပါဖူး၊ သိပ္ပံပညာရှင်ကြီးက ပထမအကြိမ် တုန်းက မိမိကို အရှက်ရစေခဲ့တဲ့  ပထမ အလုပ်သမားကိုပဲ ဒုတိယအကြိမ်မှာ ဘာ့ကြောင့်ပြန် အသုံးပြုရတာလည်း- ဆိုတဲ့မေးခွန်းပဲဖြစ်နေပါတယ်၊-

          သည်တော့ အက်ဒီဆင်က ဒုတိယအကြိမ်မှာ သူ့ကိုပြန် အသုံးမပြုဖူးဆိုရင်၊ သည်သူငယ့်ဘ၀မှာ သူ့ကိုယ်သူ အယုံအကြည် ကင်းမဲ့သွားပါ့မယ်၊ -သူဟာ အသုံးမ၀င်တဲ့သူ တစ်ဦးအဖြစ် အထင် ရှိလာပါလိမ့်မယ်၊ -သည်အခါ သူ့ရဲ့ ဘ၀ တက်လမ်းတွေ မှာ သူဟာ အမှားများစွာ ပြုလုပ်မိပြီး လူအသိုင်းအ၀ိုင်းအတွက် အကျိုးပြုသူ မဖြစ်နိုင်တော့ပါဖူး၊ -အခုဆို သူဟာ သူ့ကိုသူ ယုံကြည် စိတ်ချသူဖြစ်လာ ပြီးနောက်ကို သည်လို အမှားမျိုး မပြုမိအောင် ဆင်ခြင်သွားပါလိမ့်မယ်လို့ ပြောလိုက် ပါတယ်၊-

            ချစ်စွာသော ဓမ္မ မိတ်ဆွေအပေါင်းတို့၊ -ကျွန်တော်တို့ လူ့ဘ၀ကြီးမှာ အမှားပြုသူကို အသိုင်းအ၀ိုင်းက လက်မခံ ချင်ကြပါဖူး၊ -မိတ်ဆွေ အဖြစ်ကနေလည်း လက်တွဲဖြူတ် တတ်ကြသလို၊ -ဘ၀ ကြင်ဖေါ် အဖြစ်ကနေလည်း လမ်းခွဲ တတ်ကြပါတယ်၊ -တကယ်တော့ ဒါတွေဟာ ဘုရားစိတ်နဲ့ မဟုတ်ပါဖူး လူ့စိတ်နဲ့တွေးပြီး တရား စီရင်နေကြခြင်း ပဲဖြစ်ပါတယ်၊ -အဲ့တာ ကြောင့်လည်း လူ့ဘ၀မှာ ပြဿနာတွေဟာ ရှုပ်ထွေး ကုန်ပြီး  တိုက်ခိုက်မှုတွေ၊ ရန်ညှိုးဖွဲ့မှုတွေ၊ နောက်ဆုံးတော့ လူသတ်မှုတွေ အထိ် ဖြစ်ကုန်တော့တာပါပဲ၊-

          ဒါ့ကြောင့် တစ်ဦးကို တစ်ဦး ခွင့်လွှတ်ခြင်း၊ သည်းခံခြင်း၊ ကိုယ်ချင်းစာခြင်း၊ နားလည်ခြင်း၊ စတဲ့ ပါရမီတရားတွေဟာ လူ့ ဘ၀မှာ အလိုအပ်ဆုံး တရားတွေပဲဖြစ်ပါတယ်၊ -သည်လိုနူးညံ့မှုတွေ၊ သိမ်မွေ့မှုတွေ ၊ပျော့ပြောင်းမှုတွေဟာ ဘုရားစီကသာ လာ တာဖြစ်ပါတယ်၊ - လူ့သဘော သဘာဝကတော့ ကြမ်းတမ်းတယ်၊ ခက်ထန်တယ်၊ မာကြောတယ်၊ ခွင့်မလွှတ်ဖူး၊ သည်းမခံတတ်ဖူး၊ တုံးတိုက်တိုက်၊ ကျားကိုက်ကိုက်၊ သူက တုတ် ဆို-ကိုယ်က ဓါးပဲ၊ -မိမိကို နည်းနည်းမှ အကျော မခံချင်ကြပါဖူး၊ သည်တော့ကား သည်လိုနှုးညံ့မှုတွေကို ပိုင်ဆိုင်နိုင်ဖို့ ဘယ်လို ကျင့်ယူကြ မလဲ၊ -ဘယ်ကနေ ရနိုင်မလဲ၊ -ဘယ်သူ့စီ ချဉ်းကပ် သင့်ပါသလဲ၊-ဘယ်လိုပြုမှုနေထိုင် ကျင့်ကြံ အားထုတ်ကြရမလဲ၊ စတဲ့မေးခွန်းတွေ အတွက် အဖြေ ရှာကြည့်စေချင်ပါတယ်၊

သည်ကနေ့ ကြားနာရမယ့် ပထမကျမ်းစာတော်မြတ်ထဲမှာတော့၊ ပရောဖက် ဧလိယထံကို ဘုရားရဲ့ ဗျာဒိတ်တော် စကားရောက်လာပါတယ်၊ - အဲ့သည့် အချိန်မှာ “ဧလိယ”ဟာ “ဟောရက်တောင်”ပေါ်မှာ ရှိနေပါတယ်၊ “ဟောရက်တောင်”ဆိုတာ “ဆီနာရီ”တောင် ပဲဖြစ်ပါတယ်၊ အဓိပ္ပါယ်က “ဘုရားရဲ့ ကျေးဇူးတော်များ စီးဆင်းရာ ဋ္ဌာန”လို့ အဲ့သည့်တောင်ပေါ်မှာပဲ “မိုးဇယ်”ဟာ ထာဝရဘုရားသခင် ထံတော်မှ “ပညတ်တော်ဆယ်း”   ကျောက်ဖြာကို ရရှိခဲ့ပါတယ်၊-

          “ဧလိယ”ထံရောက်လာတဲ့ ဘုရားရဲ့ ဗျာဒိတ်တော်က “အပြင်သို့ ထွက်၍ ငါ၏ရှေ့မျက်မှောက်၌ ရပ်လော့”၊ ဒါ့ကြောင့် “ဧလိယ”ဟာ မိမိ ခို အောင်းနေတဲ့ လှိုင်ဂူထဲကနေ ထွက်ပြီး ဘုရားသခင်ရဲ့ အလာကိုစောင့်နေခဲ့ပါတယ်၊ သည်အချိန် မှာလေပြင်း မုန်တိုင်းဟာကျောင်ဆောင်များ ကွဲမတတ်အောင်ပြင်းထန်စွာ တိုက်ခတ်ခဲ့ပါတယ်၊-ဒါ့ကြောင့် “ဧလိယ”ဟာ ဒါကတော့ဖြင့် ဘုရားသခင်ကြွမြန်းလာခြင်းရဲ့ နိမိတ်ပဲ ဆိုပြီး စောင့်ကြိုခဲ့ပါတယ်၊ ဒါပေမယ့် ဘုရားသခင်ကို အဲ့သည့်လေပြင်း မုန်တိုင်းထဲမှာ မတွေ့ရပါဖူး၊ ထို့နည်းတူစွာပင် “ငလျင်”လှုပ်ခြင်းတွေ “မီးလောင်ခြင်း” တွေ ဆင့်ကဲ ဆင့်ကဲဖြစ်ပေါ် လာသော်လည်း “ဧလိယ”ဟာ ဘုရားသခင်ကို မတွေ့ခဲ့ပါဖူး ၊နောက်ဆုံး အဲ့သည်လို ကြမ်းတမ်း ခတ်ထန်မှုတွေရဲ့ အဆုံး ညင်သာသောလေပြေလေးနဲ့ အတူ ဘုရားသခင်ရဲ့ အသံတော်ကို “ဧလိယ”ကြားနာ ခဲ့ရပါတယ်၊

          ချစ်စွာသော ဓမ္မ မိတ်ဆွေအပေါင်းတို့၊ -ဘုရားသခင်ကို ရှာမယ်ဆိုရင် ကြမ်းတမ်း ခတ်ထန်မှုတွေ အကြားမှာ ရှာလို့ မတွေ့နိုင် ပါဖူး၊ -ဘာလို့လည်း ဆိုတော့ ထာဝရဘုရားသခင်ဟာ ခက်ထန်မှုတွေ၊ ကြမ်းကြုတ်မှုတွေနဲ့ အတူ စံပယ်လေ့ မရှိတဲ့ အ တွက်ဖြစ်ပါတယ်၊ ဒါ့ကြောင့်နူးညံ့မှု၊ သိမ်မွေ့မှု ၊ပျော့ပြောင်းမှုတွေကို ပိုင်ဆိုင်လိုပါက ဘုရားသခင်ထံတော်၌ သာသင် ယူရရှိနိုင်မှာ ဖြစ်ပါတယ်။

            သည်ကနေ့ လူအများစုဟာ မိမိအပေါ်မှာ မတရားပြုထားသူကို ခက်တန်ကြမ်းကြုတ်တဲ့နည်း ၊ကောက်ကျစ် စဉ်းလဲတဲ့ နည်းနဲ့ ပြန်ကလဲ့ စားချေ တတ်ကြပါတယ်၊ -ပြဿနာတစ်ခုကိုလည်း တုတ် ဓါး ဆွဲပြီး  ဖြေရှင်းတတ်ကြပါတယ်၊ သည်လို နည်းလမ်းတွေဟာ တရားသော နည်းလမ်းတွေ မဟုတ်သလို၊ ဘုရားသခင် အလိုတော်ရှိတဲ့ နည်းလမ်းတွေလည်း မဟုတ်ပါဖူး၊ -“ခွင့်လွှတ် ဖြင့် အနိုင်ယူပါ”ဆိုတဲ့ စကားလေးဟာ ကျွန်တော်တို့ ကက်သလစ်ဘာသာဝင်များကို ရည်ညွှန်းပြီး ဆုံးမ သတိပေးထား တာပါလို့  ပြောလို့ရမယ် ထင်ပါတယ်၊

          “ဂျူဒ”ဟာ မိမိရဲ့ သခင်-ကျေးဇူးရှင်ကို ရောင်းစားပြီး သစ္စာဖေါက်မယ် ဆိုတာ “ခရစ်တော်”ဘုရား သိတော်မူခဲ့ပါတယ်၊ ဒါပေမယ့် လက်တုန့် မပြန်ခဲ့ပါဖူး၊ -နောက်ဆုံး ညစာစားပွဲမှာ “ခရစ်တော်”ဘုရားက “ဂျုဒ”ကို မိန့်ဆိုတဲ့ စကားလေးက “သင်လုပ် စရာရှိတာ ဆက်လုပ်ပါ လော့”လို့ မိန့်တော် မူခဲ့ပါတယ်၊-

          “ပေတရူး” ဟာ မိမိရဲ့ သခင်-ကျေးဇူးရှင်ကို ဗြောင်လိမ် ခဲ့ပါတယ်၊ -ရောမား စစ်သူရဲတွေက “သင်ဟာ ခရစ်တော်ရဲ့ နောက်တော်လိုက် တစ်ဦး မဟုတ်လား”မေးတဲ့အခါ၊ -ခရစ်တော်ဆိုတဲ့ နာမည်ကိုတောင် မကြားဖူးဘူးလို့ ပြန်ဖြေခဲ့သူ တစ်ဦးဖြစ်ပါတယ်၊-အဲ့သည်လို သုံးကြိမ်တိတိမေးသော်လည်း သုံကြိမ်စလုံး “ခရစ်တော်”ကို ငါမသိလို့ ငြင်းခဲ့သူဖြစ်ပါတယ်၊ သို့သော် ခရစ်တော်ဘုရားဟာပေတရူး ကို လက်တုန် မပြန်ခဲ့တဲ့ အပြင်သောမတ်အက်ဒီဆင်ကဲ့သို့ ပေတရူးကို အသင်းတော်ကြီးရဲ့ အကြီးအကဲ အဖြစ်ရော သူ့နေရာကို ဆက်ခံသူ အဖြစ်ပါရွေး ချယ်ခဲ့ပါတယ်၊-

            သည်အပတ် ကြားနာကြရမယ့် ဧ၀ံဂေလိ ကျမ်းစာတော်မြတ်ထဲမှာလည်း “ပေတရူး”ကို အများနဲ့ မတူ တမူ ထူးခြားသော ကျေးဇူးတော် များကို “ခရစ်တော်”ဘုရားက ချီးမြင့်တော်မူခဲ့ပါတယ်၊-မုန်တိုင်းတွေ လှိုင်းတံပိုးတွေကို အနိုင်ယူပြီး ရေပေါ်မှာ လမ်းလျှောက်နိုင်တဲ့ ကျေးဇူး ပင်ဖြစ်ပါတယ်၊ -ဒါ့ကြောင့် ကျွန်တော်တို့မှာ ကြမ်းတမ်းမှုတွေကို အနိုင်ယူနိုင်တဲ့ “ကျေးဇူးတော်” တွေကို “ခရစ်တော်”ဘုရား ချီးမြင့်ထား ပါတယ်၊ -သည်လို ခက်ထန်မှု၊ မာကြောမှု၊ ကြမ်းတမ်းမှု၊တွေကို အနိုင်ယူကြပါစို့၊ မိမိအပေါ် “မကောင်းကြံသူ” “ကောက်ကျစ်စဉ်း လဲသူ” “မနာလိုဝန်တိုသူ”တွေကို “မေတ္တာဖြင့် အနိုင်ယူ”ကြပါစို့၊

          သည်လို အနိုင်ယူနိုင်ဖို့အတွက် အကောင်းဆုံးနဲ့ အထက်မြက်ဆုံး လက်နက်ကတော့ ဘုရားကို“ယုံကြည်”ခြင်း ပဲဖြစ်ပါ တယ်၊ “ငါ့မှာ ကြမ်းတမ်း ခက်ထမ်မှုတွေကို အနိုင်ရနိုင်တဲ့ “ယုံကြည်”ခြင်းဆိုတဲ့ လက်နက်ကောင်း ပိုင်ဆိုင်ထားပါလား ” ဆိုတဲ့အ သိစိတ်ကို အမြဲ မွေးမြူ ထားလိုက်ပါ၊ -လူအားလုံးက မဖြစ်နိုင်ဖူးလို့ ထင်ထားတဲ့ အရာအားလုံးကို သင် အနိုင်ယူနိုင်ပါ လိမ့်မယ်၊ သို့သော် “ယုံကြည်ခြင်း”ကိုတော့ လုံးဝ သံသယ မရှိလိုက်ပါနဲ့၊ “ယုံကြည်ခြင်း”အားနည်းပြီး “သံသယ”၀င်လာတဲ့ တစ်နေ့ “ပေတရူး”ကဲ့သို့ လှိုင်းလေတွေ အကြား နစ်မြုပ် သွား နိုင်ကြောင်း  ဓမ္မမိတ်ဆွေကို သတိပေးလိုက်ပါရစေ၊

ဓမ္မမိတ်ဆွေအပေါ် ဘုရားကောင်းကြီးပေးပါစေ၊                                    

ဘုန်းဘုန်းဂျော့ဦးခင်မောင်ထွေး။