Resources‎ > ‎Sunday For You‎ > ‎

ကိုယ်တော်မြတ်ပွဲတော်ကြီး

အတွဲ(၂)အမှတ်စဉ်( ၂၇ )              ကိုယ်တော်မြတ်ပွဲတော်ကြီး                                 ၁၀-၆-၂၀၁၂

 

ပထမကျမ်းစာ၊                                                                                                             

                        ဤ သည်ကား ဘုရားသခင်သည် သင်တို့နှင့်ပြုခဲ့သော သွေးတော်ပဋိညာဉ်ဖြစ်၏။-

ထွက်မြောက်ရာကျမ်း                                                                                    (၂၄း ၃   မှ    အထိ )

ထိုကာလ၌ မိုးဇယ်သည် ပရိသတ်ရှိရာသို့ လာ၍ ၏ဘုရားသခင်နှုတ်ကပါဌ်တော်နှင့် မိန့်မှာတော်မူသမျှကိုပြောကြား လေ၏။ပရိသတ်အပေါင်းတို့ကလည်း ဘုရားသခင် အမိန့်ရှိတော်မူသော နှုတ်ကပါဌ်တော်အားလုံးစုံကို လိုက်နာကြပါမည်ဟု တစ်သံတည်း ဖြေဆိုကြလေ၏ ။မိုးဇယ်သည်လည်း ဘုရားသခင်၏နှုတ်ကပါဌ်တော် အားလုံးစုံတုိ့ကို ရေးထားပြီးနောက် နံနက် စောစော အစ္စရေးတစ်ဆယ့်နှစ်မျိုးကို ရည်စူး၍ ကျောက်တစ်ဆယ့်နှစ်လုံးဖြင့်တောင်ခြေရင်း၌ ယဇ်ပလ္လင်ကို တည်ဆောက် လေ၏။ အစ္စရေးအမျိုးသား လူပျိုတို့ကို စေလွှတ်သဖြင့် သူတို့သည်လည်း မီးရှို့ သောယဇ်များကို ပူဇော်ကြလေ၏။ဘုရားသခင် အား ငြိမ်းချမ်းခြင်း ပူဇော်သက္ကာအဖြစ်နွားငယ် များကိုလည်း သတ်၍ ပူဇော်ကြလေ၏။သို့ဖြစ်၍ မိုးဇယ်သည် သွေးတစ်ဝက်ကို ယူ၍ အင်တုံထဲထည့်လေ၏။တစ်ဝက်ကိုမူကားယဇ်ပလ္လင်ပေါ်ပက်ဖြန်းလေ၏။ပဋိညာဉ်စာအုပ်ကိုလည်းယူ၍ ပရိသတ်၏မျက် မှောက်တွင် ဖတ်ကြားရာ ဘုရားသခင်မိန့်တော်မူသော အရာအားလုံးစုံတို့ကို နာခံပါမည်။လိုက်နာဆောင်ရွက်ပါမည်။ ဟုပရိ သတ်က ကြွေးကြော်ကြလေ၏။မိုးဇယ်မူကား သွေးကိုယူ၍ လူထုအပေါ်၌ ပက်ဖြန်းလျက် ဤသွေးသည်ကား သခင်ဘုရားမိန့် တော်မူသည့်အတိုင်း သင်တို့နှင့် ဘုရားသခင်ပြုလုပ်သော သွေးတော်ပဋိညာဉ်ဖြစ်၏ဟု မိန့်တော်မူ၏။

-ဤသည်ကား ဘုရားသခင်၏ နှုတ်ကပါဌ်တော်ပေတည်း။

ဆာလံသီချင်းဧကျူးဘုရခြင်း၊

ဆာလံ (၁၁၅) ၊

သံပြိုင်။                   ။ ကယ်တင်ခြင်းချမ်းသာပေးသောဖလားတော်ကို ကိုင်ဆောင်၍ ဘုရားသခင်၏ နာမတော်ကိုခေါ်တပါမည်။

၁။         ကျွန်ုပ်အားပေးသနားတော်မူသော ကျေးဇူးအပေါင်းတို့အတွက် ကျွန်ုပ်သည် ဘုရားသခင်အား အဘယ်ကဲ့သို့ကျေးဇူး ဆပ်ရပါမည်နည်း။ကယ်တင်ခြင်းချမ်းသာကိုပေးသော ဖလားတော်ကိုကိုင်ဆောင်၍ဘုရားသခင်၏နာမတော်ကိုခေါ်တပါမည်။ ။ (သံပြိုင်၊)

၂။         ဘုရားသခင်၏ သားသမီးတို့၏သေခြင်းသည် ဘုရားသခင်၏ရှေ့မျက်မှောက်၌ တန်ဖိုးကြီးလှ၏။ကျွန်ုပ်သည် ကိုယ် တော်၏ ကျွန်-ကိုယ်တော်၏ ကျွန်မမှ ဖွားသောသားဖြစ်ပါ၏။ကိုယ်တော်သည် ကျွန်ုပ်၏အနှောင်အဖွဲ့များကိုဖြေလွှတ်တော် မူ၏။(သံပြိုင်)

၃။         ကိုယ်တော်အား ကျေးဇူးတော်ချီးမွမ်းရာပူဇော်သက္ကာကို ဆက်ကပ်၍ ကိုယ်တော်၏ နာမတော်ကို ထောမနာပြုပါမည် ဘုရားသခင်ထံပြုခဲ့သော ကတိသစ္စာကို ကိုယ်တော်၏လူအပေါင်းတို့ရှေ့မှောက်တွင် ဖြည့်စွက်ပါမည်။(သံပြိုင်)

 

ဒုတိယကျမ်း။

ခရစ္ဆတူး၏ သွေးတော်သည် ကျွန်ုပ်တို့၏ စိတ်နှလုံးကို သန့်ရှင်းစေတော်မူမည်။

မွန်မြတ်သောတပည့်တော်ကြီး သံပေါလူး ဟေဗြေအမျိုးသားတို့ထံ ရေးထားသောဆုံးမစာ။ ( ၉း ၁၁  မှ -  ၁၅  အထိ)

ညီအစ်ကိုတို့၊-

ခရစ္ဆတူးသခင်သည် နောက်ခံစားအံ့သော ကောက်းကျိုးများအတွက် ရဟန်းချုပ်အဖြစ်ဖြင့် ကြွလာတော်မူသော အခါ လူ၏လက်ဖြင့်မလုပ်(၀ါ)ဤလောကနှင့်မဆိုင်-သာ၍ကြီးမြတ်စုံလင်သောတဲတော်ကိုဖြတ်၍ဆိတ်သွေး-နွားသွေးတို့ဖြင့်မဟုတ်  မိမိသွေးတော်အားဖြင့် သန့်ရှင်းသောဌာနသို့တစ်ကြိမ် ၀င်တော်မူ၍-ထာဝရကယ်တင်ခြင်းလုပ်ငန်းကို ပြီးမြောက်စေတော်မူ သည်။အကယ်၍ ဆိတ်သွေး-နွားသွေး-နှင့်နွားမတန်းပြာမှုန့်ကို ပက်ဖြန်းခြင်းသည် မသန့်ရှင်းသော သူတို့၏ ကိုယ်ခန္ဓာကိုသန့် ရှင်းသော ၀ိညာဉ်တော်အားဖြင့် ဘုရားသခင်အား ပူဇော်တော်မူသော ခရစ္ဆတူး၏သွေးတော်သည် အသက်ရှင်တော်မူသော ဘုရားသခင်အား ၀တ်ပြုကိုးကွယ်ခြင်းငှာ ကျွန်ုပ်တို့၏ စိတ်နှလုံးကို အပြစ်ဒုစရိုက်တို့မှသာ၍ သန့်ရှင်းစေမည်မဟုတ်လော။ထို့ ကြောင့် ဓမ္မဟောင်းလက်ထက်၌ ကျူးလွန်ခဲ့ကြသော အပြစ်များကို အခွင့်လွှတ်ရန်အသေခံတော်မူပြီးနောက်-ခေါ်တော်မူခြင်း ခံရသောသူတို့သည် ကတိထားသော ထာဝရအမွေတော်ကိုခံစားစေခြင်းငှာ-ကိုယ်တော်သည် ဓမ္မသစ်တရားတော်၏ကြားဝင် ဖြန်ဖြေသူဖြစ်တော်မူသည်။

                                            ဤသည်ကား ဘုရားသခင်၏ နှုတ်ကပါဌ်တော်ပေတည်း။

 

ဧ၀ံဂေလိကျမ်းမဖတ်မီ- ကြွေးကြော်သံ                                                ( ဗျာဒိတ်တော် - ၆း ၅၁-၅၂  )

အာလေလူယား၊-

   -၊ကောင်းကင်မှဆင်းလာသော ငါသည် အသက်ရှင်သော မုန့်ဖြစ်သတည်း။ဤမုန့်ကိုစားသောသူမည်သည်ကား အ စဉ်မ ပြတ်အသက်ရှင်လိမ့်မည်ဟု သခင်ဘုရားမိန့်တော်မူသည်။-

အာလေလူယား၊-

 

ဧ၀ံဂေလိကျမ်း။

 “-။ ဤအရာသည် ငါ၏အသားဖြစ်၏။- ဤအရာသည် ငါ၏သွေးဖြစ်၏။-

သံမာရ်ကူး ရေးထားသော သန့်ရှင်းသော ဧ၀ံဂေလိကျမ်း။                               ( ၁၄း ၁၂  မှ  ၁၆  နှင့်   ၂၂  မှ  ၂၆  အထိ )

ပါစကားကိုပူဇော်သော အာဇီမူးပွဲ ပထမနေ့၌ တပည့်တော်တို့က ပါစကားကို စားဖို့ရန်အဘယ်အရပ်၌ တပည့်တော်တို့သွား ၍ ပြင်ဆင်စေခြင်းငှာအလိုတော်ရှိသနည်းဟု လျှောက်ကြလျှင်-ကိုယ်တော်သည် တပည့်တော်နှစ်ဦးတို့ကိုစေလွှတ်တော်မူ၍ သူ တို့အား မိန့်တော်မူသည်ကား သင်တို့သည် မြို့ထဲသို့သွားကြ၍ ရေအိုးဆောင်သောလူကို တွေ့ကြလိမ့်မည်။ထိုသူ၏ နောက်သို့ လိုက်၍ သူဝင်သောနေရာ၌ အိမ်ရှင်အားဆရာက အမိန့်ရှိသည်။ငါ၏တပည့်များနှင့်ပါစကားစားဖို့ ငါ၏စားခန်းကား အဘယ် မှာရှိသနည်းဟုဆိုကြလော့။-သူသည်ပြင်ဆင်ခင်းကျင်းထားလျက်ရှိသော ညစာခန်းကြီးကို သင်တို့အား ပြလိမ့်မည်။ထိုနေရာ ၌ ငါတို့အဖို့ပြင်ဆင်ကြလော့။တပည့်တော်တို့သည်လည်း သွားကြ၍ မြို့ထဲသို့ရောက်လျှင်-မိမိတို့အား ကိုယ်တော်မိန့်တော်မူ သည့်အတိုင်း တွေ့ကြ၍ ပါစကားကို ပြင်ဆင်ကြ၏။သူတို့သည် စားလျက်နေကြစဉ်၊ယေဇူးသည် ပေါင်မုန့်ကိုယူတော်မူ၍ ကောင်းချီးပေးတော်မူပြီးလျှင်-ဖဲ့၍ ဤအရာသည်ငါ၏ကိုယ်ဖြစ်၏။သင်တို့ယူပင့်ကြလော့ဟုမိန့်တော်မူလျက်-သူတို့အားပေး တော်မူ၏။ကာလစ်ခွက်ကိုယူတော်မူ၍ ကျေးဇူးတော်ကိုချီးမွမ်းပြီးမှ သူတို့အား ပေးတော်မူ၏။ရှိသမျှလူတို့သည်လည်း သောက်ကြ၏။ကိုယ်တော်ကလည်း ဤအရာသည် ပဋိညာဉ်သစ်နှင့်ဆိုင်၍ အများတို့အဖို့ငှာ သွန်းလတ္တံ့သော ငါ၏သွေးဖြစ် ၏။သင်တို့အား ငါ အမှန်ဆိုသည် ဘုရားသခင်၏နိုင်ငံတော်၌ ငါသည်စပျစ်နွယ်အသီးမှ အသစ်ကိုငါသောက်မည့်နေ့တိုင် အောင် ယခုမှစ၍ ငါမသောက်ဟုမိန့်တော်မူ၏။ထို့နောက်ကျေးဇူးတင်မေတ္တာဆိုပြီးမှ သံလွင်တောင်ပေါ်သို့ ထွက်ကြွသွား တော်မူ၏။

ဤသည်ကား ဘုရားသခင်၏ နှုတ်ကပါဌ်တော်ပေတည်။

 

ကမ္မဌာန်းထောက်ရှုချက်၊-

                                                          အချိန်ပိုလေး ဆင်းကြည့်ပါ

ကျွန်ုပ်တို့၏ဘ၀။

            ချစ်စွာသောဓမ္မမိတ်ဆွေအပေါင်းတို့၊-ယနေ့ခေတ်အချိန်၌ အစစအရာရာရှားပါးပြီး တန်ဖိုးကြီးပေးနေရတဲ့ကာလမှာ သာမန်ဝင်ငွေရှိတဲ့ မိသားစုအတွက် စားအိုးကကြီး-ကလေးကများ-ကျောင်းစရိတ်ကထု-လာတဲ့အခါ မိဘများခေါင်းကိုက်လာ ရပါတော့တယ်။ပုံမှန်လာစာလေးနဲ့မလုံလောက်တဲ့အခါ လုပ်ငန်းခွင်မှာ အချိန်ပိုဆင်းကြရပါတော့တယ်။ ထိုနည်းတူစွာပင် ကျောင်းသူကျောင်းသားများအနေနဲ့နည်း ကျက်မှတ်ရမယ့်စာပေတွေများလာတဲ့အခါ-သာမန်ကျောင်းချိန်နဲ့တင်မလုံလောက် တော့တဲ့အခါ-ကျူရှင်ဆိုတဲ့ စာသင်ခန်းပြင်ပအချိန်တွေကိုရှာပြီး ပညာဆည်းပူးကြရပါတော့တယ်။  တနည်းအားဖြင့်ဆိုရရင် လုပ်ရိုးလုပ်စဉ် သာမန်အချိန်များနဲ့ မလုံလောက်တဲ့အခါ အချိန်ပိုတွေ ဆင်းကြရပါတော့တယ်။

ကျွန်ုပ်တို့၏တန်ဖိုး။

ချစ်စွာသော ဓမ္မမိတ်ဆွေအပေါင်းတို့ - ၁၃-ရာစုနှစ်လောက်တုန်းက ရဟန္တာ စိန်ဂျူလီယံနားစီကို ခရစ်တော်ဘုရား ရှင်  ကိုယ်ထင်ရှားပြပြီး ကောင်းကင်က သာနေတဲ့ လမင်းကြီးကိုညွှန်ပြကာ ဘာတွေထူးခြားမှုရှိလည်းလို့မေးခဲ့ပါတယ်၊-စိန်ဂျူ လီယံနားကလည်း လမင်းကြီးကထိန်ထိန်သာနေတာ-ကျက်သရေရှိသော်လည်း လမင်းကြီးနဲ့ မျက်နှာပြင်မှာ အမဲစက်ကလေး က အကြီးတန်နေတယ်လို့ပြန်ဖြေလိုက်ပါတယ်။ခရစ်တော်ဘုရားရှင်ကလည်း မှန်ပါတယ်၊ငါ့ရဲ့အသင်းတော်ကြီးမှာလည်း ဘု ရားရှင်ကို ဂုဏ်ပြုတဲ့ပွဲတွေ-ရဟန္တာများကို ဂုဏ်ပြုတဲ့ပွဲတွေ အမြောက်အများရှိသော်လည်း- ငါကိုယ်တော်ရဲ့  အသွေးအသား တော်ကို ဂုဏ်ပြုတဲ့ပွဲ မရှိခြင်းဟာ ကောင်းကင်ကသာနေတဲ့ လမင်းကြီးမှာ အမဲစက်လေးထင်နေသလို အလှဖျက်နေတယ်လို့ မိန့်တော်မူခဲ့ပါတယ်၊ဒါ့ကြောင့် ၁၃ ရာစုကတည်းက ကိုယ်တော်မြတ်ပွဲ ကိုနှစ်စဉ်ကျင်းပခဲ့ကြပါတယ်။

 

ကျွန်ုပ်တို့၏ယုံကြည်ချက်။

ချစ်လှစွာသောဓမ္မမိတ်ဆွေအပေါင်းတို့-မာသာထရေဇားဟာ သူ့ရဲ့ဆင်းရဲသားတွေအကြားကရုဏာလုပ်ငန်းနဲ့သာသ နာပြုခြင်းအမှုကို စတင်တုန်းက လုပ်ငန်းတာဝန်တွေက များ-လုပ်ဖော်ကိုင်ဘက်တွေက နည်းနဲ့ အတော်ဒုက္ခရောက်ခဲ့ရပါ တယ်၊- လမ်းဘေးက လူမမာနေ-မြောင်းကြို-မြောင်းကြား-ချုံကြို-ချုံကြား-လမ်းကြို-လမ်းကြား-တွေမှာ စွန့်ပစ်ခံခဲ့ရတဲ့ မိဘမဲ့ ကလေးသူငယ်တွေ-ကူညီသူမဲ့နေကြတဲ့-သက်ကြီးရွယ်အိုတွေ-စားရမဲ့-သောက်ရမဲ့ ဘ၀ကိုရောက်နေကြရသူ-စသဖြင့်ဂရုဏာ ပွားကာ ကူညီပေးရမယ့်သူတွေများနေတော့ မာသာထရေဇားစိတ်ပူခဲ့ရပါတယ်၊-ဒါပေမယ် မာသာထရေဇားတို့အဖွဲ့ဟာ နေ့စဉ် နံနက်မစ္ဆားမနာယူမီတစ်နာရီကိုယ်တော်မြတ်ကိုးကွယ်ခြင်းအမှုကိုနေ့စဉ်ဆောင်ရွက်ခဲ့ကြပါတယ်၊-ဒါ့ကြောင့်လည်း များမကြာ မီနှစ်များအတွင်းမှာ မာသာထရေဇားနဲ့စိတ်တူကိုယ်တူ လက်တွဲဖေါ် သီလရှင်ဦးရေတစ်စတစ်စများ လာပါတော့တယ်၊ ယနေ့ မှာဆိုရင်ကမ္ဘာအနှံ့မှာ မာသာထရေဇားဂိုဏ်းဝင်သီလရှင်များကို နိုင်ငံတိုင်း-လူမျိုးတိုင်း-အကြားမှာ အသွေးအရောင်မခွဲခြားပဲ ဘုရားရှင်ရဲ့  ရွှေမျက်နှာကိုထောက်ပြီး မေတ္တာစေတနာကို ရှေ့တန်းတင်ကာ ၀န်ဆောင်မှုအမျိုးမျိုးပေးလျက်ရှိခြင်းဟာ ပုံမှန် မစ္ဆားတရား နာယုံတင်မလုံလောက်ပဲ-နေ့စဉ်တစ်နာရီကိုယ်တော်မြတ်ဖူးမျှော်ခဲ့ခြင်းကြောင့်သာဖြစ်ပါကြောင်း မာသာထရေဇား ကအမြဲဝန်ခံခဲ့ပါတယ်။

နူနာသည်များအကြားမှာ အမှုတော်ထမ်းခဲ့တဲ့ ရဟန္တာဒေးမီယန်းကို သူ့ရဲ့အပေါင်းအသင်းတွေက ဘာ့ကြောင့်သည်လို နူနာသည်တွေအကြားနေနိုင်ခဲ့ရတာလဲလို့မေးခဲ့ကြပါတယ်၊-ရဟန္တာဒေးမီယန်းက-သူဟာနေ့စဉ်ပုံမှန်မေတ္တာများကိုရွတ်ဆိုယုံ လောက်နဲ့တော့ နေနိုင်မှာ မဟုတ်ပါဖူးတဲ့-သို့သော် နေ့စဉ်တစ်နာရီမျှ ကိုယ်တော်မြတ်စက္ကရမင်တူးနဲ့စကားပြောနိုင်ခဲ့လို့သာ နေနိုင်ခြင်းဖြစ်ကြောင်း ၀န်ခံခဲ့ပါတယ်၊

ကျွန်ုပ်တို့၏ ရှင်သန်မှု ။-

ချစ်စွာသောဓမ္မမိတ်ဆွေအပေါင်းတို့၊ ကျွန်တော်တို့တစ်တွေဟာ ဘာသာဝတ္တရားများကို ကျေပွန်ကြပါတယ် ၊ကောင်း မှုကုသိုလ်များကိုလည်း တတ်အားသရွေ့ ဒါနပြုလှူဒါန်းကြပါတယ်၊အကယ်၍များ ဤကဲ့သို့ကောင်းမှုကုသိုလ်တွေဆောင်ရွက် နေပါလျက် အခက်အခဲအတားအဆီးများနဲ့ ရင်ဆိုင်နေရပါက-ဓမ္မမိတ်ဆွေကို အကြံပြုပါရစေ-အချိန်ပိုလေးဆင်းတဲ့အနေနဲ့ ကိုယ်တော်မြတ်ဖူးကြည့်ပါလားမိတ်ဆွေ-သည်လိုကိုယ်တော်မြတ်ဖူးဖို့အတွက် အထွေအထူး အချိန်ပေးစရာမလိုသေးပါဖူး၊တစ်လတစ်ခါ တစ်နာရီကိုယ်တော်မြဖူးမျှော်ခြင်းတွေမှာ တစ်ပတ်တစ်ခါ ကိုယ် တော်မြတ်ဖူးခြင်းတွေမှာပါဝင်ပြီးဆုတောင်းလိုက်ဖို့ပဲလိုပါတယ်၊ သည်ကနေ့ခေတ်မှာတော့-ကိုယ်တော်မြတ်ကောင်းချီးမင်္ဂလာ အခမ်းအနား ကိုလာစရာမလိုတဲ့ ၀တ်ပြုဆုတောင်းခြင်း အမှုတစ်ခုလို့ ဘာသာဝင်အများပိုင်းက ထင်နေကြပါတယ်၊

ချစ်စွာသော ဓမ္မမိတ်ဆွေအပေါင်းတို့-စကြ၀ဠာတစ်ဝှန်းလုံးရဲ့ အရှင်သခင်က သင်တို့တောင်းလိုရာတောင်းပါ-ပေးသ နားတော်မူမယ်-သင်တို့ရဲ့ ဝန်ထုပ်ဝန်ပိုးတွေကိုလည်း ပေါ့ပါးသွားစေမယ်လို့ကတိပေးခဲ့ပါတယ်၊အဲ့သည့်အရှင်-အဲ့သည့်သခင် ဟာ ကျွန်တော်တို့အားလုံးရဲ့ လက်တစ်ကမ်းမှာ ရှိပါတယ်၊-အပြစ်ဒုစရိုက်အမျိုးမျိုးတွေထူပေါလှနဲ့ယနေ့ခေတ်သမယမှာ ပုံမှန် ၀တ်ပြုဆုတောင်းယုံနဲ့တင်အတင်းတိမ်ပဲ အချိန်ပို တစ်နာရီလောက် ကိုယ်တော်မြတ်ဖူးကြည့်ပါလို့ ဓမ္မမိတ်ဆွေကို တိုက်တွန်း လိုက်ပါရစေ၊-ဓမ္မမိတ်ဆွေကို ဘုရားရှင်ကောင်းကြီးပေးပါစေ။

Comments