Resources‎ > ‎Sunday For You‎ > ‎

နှစ်၏(၁၄)ကြိမ်မြောက်သာမန်တနင်္ဂနွေနေ့

အတွဲ(၂)အမှတ်စဉ်( ၃၁ )      နှစ်၏(၁၄)ကြိမ်မြောက်သာမန်တနင်္ဂနွေနေ့                ၈-၇-၂၀၁၂

 

ပထမကျမ်းစာ၊                                                                                                             

              ပုန်ကန်တတ်သောလူမျိုးဖြစ်၍ သူတို့၏ အလယ်တွင် ပရောဖက်တစ်ပါးရှိကြောင်းသိကြပါစေ-

ပရောဖက်အေဇေခီအဲလ်အနာဂတ္တိကျမ်း                                                                                  (၂း ၂ မှ ၅  အထိ )

            ထိုကာလ၌ ၀ိညာဉ်တော်သည် ကျွန်ုပ်ထံသို့ ကြွလာ၍ ကျွန်ုပ်ကို မတ်တတ်ရပ်စေပြီးနောက် ကျွန်ုပ်အား ပြောသော စကားကို ကြားရသည်ကား အချင်းလူသား-င့ါထံမှ ထွက်ခွာသွားကြ၍ ပုန်ကန်သောလူမျိုးတည်းဟူသော အစ္စရေးအမျိုးသား တို့ထံသို့သင့်ကို ငါစေလွှတ်၏။ထိုသူတို့၏ ဘိုးဘေးတို့သည် ယနေ့တိုင်အောင် ငါ့ကိုပုန်ကန်ကြ၏။-သင့်ကို ငါစေလွှတ်သော ထိုသူတို့သည် အလွန်ခေါင်းမာသောအမျိုးသားများဖြစ်ကြ၏။ဘုရားသခင်သည် ဤကဲ့သို့မိန့်တော်မူကြောင်းသူတို့အား ပြော ကြားလော့၊- သူတို့၏ အလယ်တွင် ပရောဖက်တစ်ပါးရှိခဲ့ကြောင်းသိကြပါစေ။

-ဤသည်ကား ဘုရားသခင်၏ နှုတ်ကပါဌ်တော်ပေတည်း။

ဆာလံသီချင်းဧကျူးဘုရခြင်း၊

ဆာလံ (၁၂၂) ၊

သံပြိုင်။         ။ ကျွန်ုပ်တို့အား သနားတော်မူသည့်တိုင်အောင် ကျွန်ုပ်တို့သည် သခင်ဘုရားကို မျှော်လင့်ကိုးစားလျက်နေ             ကြပါ၏။

၁။         ကျွန်ုပ်သည်ကောင်းကင်ဘုံ၌ စိုးစံတော်မူသောကိုယ်တော်အရှင်ထံတော်သို့မျှော်ကြည့်လျက်ရှိပါ၏။- ကျွန်အစေခံတို့ ၏မျက်လုံးသည် မိမိတို့အရှင်သခင်၏ လက်များကို မျှော်ကြည့်နေဘိသကဲ့သို့ဖြစ်ပေ၏။-(သံပြိုင်)

၂။         ကျေးကျွန်မ၏ မျက်လုံးများသည် မိမိအရှင်သခင်မ၏ လက်များကို မျှော်ကြည့်သကဲ့သို့ ကျွန်ုပ်တို့အား သနားတော်မူ သည့်တိုင်အောင် ကျွန်ုပ်တို့၏ မျက်လုံးများသည် ကျွန်ုပ်တို့၏ အရှင်ဘုရားသခင်ထံတော်သို့ မျှော်ကြည့်လျက်ရှိပါ၏။(သံပြိုင်)

၃။         အိုသခင် ကျွန်ုပ်တို့ကို သနားတောေ်မူပါ။ကျွန်ုပ်တို့ကို သနားတော်မူပါ။အကြောင်းမူကား ကျွန်ုပ်တို့သည်များစွာ ရှုတ် ချကဲ့ရဲ့ခြင်းခံရကြပါသည်။အကြောင်းမူကားကျွန်ုပ်သည်သူဌေးသူကြွယ်တို့၏ ရယ်မောခြင်းကိုလည်းကောင်း-မာနထောင်လွှား သောသူတို့၏ ရှုတ်ချကဲ့ရဲ့ခြင်းကိုလည်းကောင်း များစွာခံရပါသည်။

ဒုတိယကျမ်း။

သင်တို့၏ကြွယ်ဝချမ်းသာခြင်းသည် ဆင်းရဲသားညီအစ်ကိုတို့အား အထောက်အကူဖြစ်ပါစေ။-

မွန်မြတ်သောတပည့်တော်ကြီး သံပေါလူး ကော်ရင်သီမြို့သားတို့ထံ ရေးထားသောဆုံးမစာ ဒုတိယစောင်။

( ၁၂း ၇  မှ ၁၀  အထိ)

ညီအစ်ကိုတို့၊-

ကျွန်ုပ်သည် ထူးမြတ်အံ့ဖွယ်သော ဗျာဒိတ်တော်များကြောင့် စိတ်မြင့်ထောင်လွှားခြင်းမရှိစေရန်-ကျွန်ုပ်၏ အသားထဲ ၌ အဆိပ်ဆူးကို စာတန်၏ တမန်တော်သဖွယ်ပေးထား၏။- ထိုအဆိပ်ဆူးကို ကျွန်ုပ်မှ ဖယ်ရှားပေးပါမည့်အကြောင်းသခင်ဘု ရားထံ သုံးကြိမ်ကျွန်ုပ်တောင်းလျှောက်ခဲ့သည်။သို့သော် ငါ၏ ကျေးဇူးတော်သည် သင့်အဖို့လုံလောက်ပြီ၊-အကြောင်းမူကား တန်ခိုးတော်သည် အားနည်းခြင်းကို ပြည့်စုံခြင်းသို့ရောက်စေ၏ဟု သခင်ဘုရားမိန့်တော်မူ၏။ထို့ကြောင့် ခရစ္ဆတူးသခင်၏ တန်ခိုးတော်သည် ကျွန်ုပ်ပေါ်သက်ရောက်စေခြင်းငှာ ကျွန်ုပ်အားနည်းချက်များကိုပင် စိတ်ရောကိုယ်ပါဂုဏ်ယူပါမည်။သို့ဖြစ်၍ အကျပ်အတည်းနှင့်ရင်ဆိုင်ရခြင်း-ညှင်းပန်းနှိပ်စက်ခြင်း-အစားအသောက်ဆင်းရဲခြင်း-ရိုင်းစော်ကားခြင်းများကို ခရစ္ဆတူးသခင် အတွက် ခံထမ်းရန် ကျွန်ုပ်နှစ်သက်ပါသည်။အဘယ်ကြောင့်ဆိုသော် ကျွန်ုပ်သည် ခွန်အားနည်းသောအခါ တန်ခိုးတော်နှင့် ပြည့်စုံလျက်ရှိသောကြောင့်တည်း။

                                            ဤသည်ကား ဘုရားသခင်၏ နှုတ်ကပါဌ်တော်ပေတည်း။

 

ဧ၀ံဂေလိကျမ်းမဖတ်မီ- ကြွေးကြော်သံ                                                (သံလူကား  - ၄း ၁၈ )

အာလေလူယား၊-

   -၊သခင်ဘုရား၏ ၀ိညာဉ်တော်သည် ငါ့အပေါ်၌ရှိ၏။ ဆင်းရဲသောသူတို့အား ၀မ်းမြောက်ရာသတင်းကို ဟောပြောစေခြင်း ငှါ ငါ့ကိုစေလွှတ်တော်မူ၏။-

အာလေလူယား၊-

 

ဧ၀ံဂေလိကျမ်း။

 “-ပရောဖက်သည် မိမိမြို့-မိမိအိမ်-မိမိအမျိုးရှိရာမှ တစ်ပါး အဘယ်အခြားသောအရပ်၌ အသေရေမရှိပဲမနေရ-။-

သံမာရ်ကူး ရေးထားသော သန့်ရှင်းသော ဧ၀ံဂေလိကျမ်း။                                                     ( ၆း ၁  မှ    အထိ )

ထိုကာလ၌ သခင်ယေဇူးသည် မိမိမြို့ သို့ကြွသွားတော်မူလျှင်၊-တပည့်တော်တို့သည် နောက်တော်သို့လိုက်ကြလေ၏ ဥပုသ်နေ့ရောက်လျှင် တရားဇရပ်၌ စ၍ သွန်သင်တော်မူ၏။များစွာသော သူတို့သည်လည်း ကြားရလျှင်- ကိုယ်တော်၏  သြ၀ါ ဒကို အံ့သြခြင်းရှိကြသဖြင့် ဤသူသည် ဤအရာခပ်သ်ိမ်းတို့ကို အဘယ်မှာ ရသနည်း။သူရသောပညာသည် အဘယ်ပညာ နည်း၊-သူ့လက်ဖြင့်ဖြစ်သော ဤသို့သော တန်ခိုးများသည် အဘယ်သို့နည်း၊သူသည် မာရီယား၏သား-လက်သမား၏သား-ယာကုပ်-ဇူဇယ်-ယုဒ-စီမုန်တို့၏ အစ်ကိုမဟုတ်လော၊သူ၏နှမများလည်း ဤအရပ်မှာငါတို့နှင့်ရှကြသည်မဟုတ်လောဟုဆိုကြ ၍ သူ့ကြောင့်စိတ်ပျက်ကြလေ၏။ယေဇူးကလည်း ပရောက်ဖက်သည် မိမိမြို့-မိမိအိမ်-မိမိအမျိုးရှိရာမှတစ်ပါး အဘယ်အခြား သောအရပ်၌ အသရေမရှိဘဲမနေရဟု သူတို့အားမိန့်တော်မူ၏။အနည်းငယ်သောလူနာတို့အပေါ်၌ လက်တော်တင်သဖြင့် ချမ်း သာစေတော်မူခြင်းမှတစ်ပါး၊- ထိုနေရာ၌ တန်ခိုးတစ်စုံတစ်ခုကိုမျှ ပြတော်မမူနိုင်၊-သူတို့၏စိတ်ယုံကြည်ခြင်းကို အံ့သြတော်မူ ၏၊ပတ်လည်၌ ရှိသောမြို့ရွာများတို့ကိုလှည့်လည်တော်မူ၍ သွန်သင်တော်မူ၏။

ဤသည်ကား ဘုရားသခင်၏ နှုတ်ကပါဌ်တော်ပေတည်။

 

ကမ္မဌာန်းထောက်ရှုချက်၊-

                                       ပို၍ချိုသော တစ်ဘက်ခြံက သစ်သီးများ

ကျွန်ုပ်တို့၏ဘ၀။

            ချစ်စွာသောဓမ္မမိတ်ဆွေအပေါင်းတို့၊-ကလေးဘ၀ငယ်ရွယ်စဉ်အခါက ကြားဖူးခဲ့သော ပုံပြင်တစ်ပုဒ်ရှိပါသည်။မိမိခြံ တွင်းရှိ စပျစ်သီးထက် တစ်ဖက်ခြံတွင်းရှိစပျစ်သီးက ပိုချိုသည်ဟု အထင်ရှိသော မြေခွေးတစ်ကောင်အကြောင်းဖြစ်ပါသည်။- ထိုသို့အထင်ရှိသောကြောင့်တစ်ဖက်ခြံသို့-ကျူးကျော်ဝင်ရောက်ကာစပျစ်သီးကို စားသုံးမိသဖြင့် ထိုခြံပိုင်ရှင်၏ အဆိပ်လူးမြှား  သင့်၍ သေပွဲဝင်ခဲ့ရလေ၏။-မိမိခြံတွင်းရှိ ပစ္စည်းအပေါ် အထင်သေးမိခြင်း၏ ရလဒ်ပင်ဖြစ်ပါသည်။

ကျွန်ုပ်တို့၏တန်ဖိုး။

            လောကရှိလူတိုင်း  စွမ်းရည်ကိုယ်စီရှိကြပါသည်။ထို့ကြောင့်လည်းကဗျာဆရာတင်မိုးက မိးတိုင်ငယ်လည်း သူ့အရွယ် နှင့်အစွယ်နှင့်- မဖိုးလမင်းလည်း သူ့အဆင်းနှင့်အချင်းနှင့် လို့စပ်ဆိုခဲ့ခြင်းဖြစ်ပါသည်။ထို့ကြောင့် လူတိုင်း-အရာတိုင်းမှာကိုယ် စီစွမ်းရည်များ-အရည်အချင်းများ ရှိကြပါသည်။သို့သော် ထိုအရည်အချင်းများ-စွမ်းရည်များကို ကျွန်ုပ်တို့သည် အပြည့်အ၀အ သုံးမပြုကြသေးပါ။မိမိကိုယ်ကိုမိမိ ယုံကြည်မှုအားနည်းနေသောကြောင့်ဖြစ်မည်ထင်ပါသည်။လောကတွင် အောင်မြင်ကျော် ကြားနေကြသူများကား မိမိတို့ကိုယ်ကို ယုံကြည်မှုအပြည့်ရှိကြပြီး-မိမိတွင်ရှိ စွမ်းရည်များကိုလည်း အစွမ်းကုန်ထုတ်သုံးတတ် ကြသောကြောင့် အောင်မြင်နေကြခြင်းဖြစ်ပါသည်။တကယ်တန်းဆိုရပါမူ လူတိုင်းကို အောင်မြင်မှု သရဖူဆောင်းနိုင်ဖို့ လုံလောက်သောကျေးဇူးတော်များကို ဘုရားရှင်က ပေးထားပါသည်။သို့သော် လူသည် ထိုကျေးဇူးတော်များ-စွမ်းရည်များကို မသိအမှတ်မပြုကြတာကတစ်ကြောင်း-မိမိတွင်ထိုကျေးဇူးတော်များ ရှိမှန်းမသိတာကတစ်ကြောင်း-မိမိတွင်ရှိသော ယင်းကျေး  ဇူးများကိုယုံကြည်မှုနည်းပါးနေတာကတစ်ကြောင်း စသောအကြောင်းကြောင်းများကြောင့် ကျွန်ုပ်တို့သည် မအောင်မြင်ဖြစ်နေ ကြခြင်းပင်တည်း။

အင်္ဂလိပ်ဝေါဟာရတွင်(Genius) ကို ပါရမီရှင်ဟု အဓိပ္ပါယ်ဖွင့်ဆိုထားပါသည်။မူရင်းအနက်ဖွင့်ဆိုချက်မှာ (Geni-in- us) ကျွန်ုပ်တို့ကိုယ်တွင်းရှိ ဂျင်နီဆိုသော မီးခွက်စောင့်နတ်သမီးလေး ဟူ၍ နားလည်ရပါမည်။ဆိုလိုသည်မှာ မိမိကိုယ်တွင်း ရှိ မီးခွက်စောင့်နတ်သမီးလေး၏ အကူအညီနှင့် အရာရာကို စွမ်းဆောင်နိုင်ရမည် ဟုနားလည်နိုင်ပါသည်။

လူတိုင်း မိမိတွင်ရှိ စွမ်းရည်များ-အရည်အချင်းများ-သတ္တိများကို အသိအမှတ်ပြုပြီး အောင်မြင်မှုပန်းတိုင်အရောက်ချီ တက်နိုင်ရပါမည်။သို့သော် လက်တွေ့တွင်မှု လူတိုင်းမိမိတွင်ရှိ အရည်အချင်းများကို မမြင်တတ်ကြပဲ အခြားသူတစ်ဦးတစ် ယောက်တွင်ရှိ စွမ်းဆောင်ရည်များကို အားကျကာ အထင်ကြီးလေးစားနေကြပါသည်။ယင်းသည်ပင်လူ မိမိမှာ တစ်ပါး သူထက် တဆင့်နိမ့်နေသည်ကိုတော့ သတိမပြုမိတတ်ကြပါ။

ကျွန်ုပ်တို့၏ယုံကြည်ချက်။

ချစ်စွာသောဓမ္မမိတ်ဆွေအပေါင်းတို့-သည်ကနေ့ကြားနာကြရမည့်ဧ၀ံဂေလိတရားကျမ်းမှာခရစ်တော်ဘုရား ရှင်သည်  မိမိ မွေးရပ်ဇာတိဖြစ်သော နာဇရက်မြို့သို့ ခေတ္တပြန်ခဲ့သည့်အကြောင်းကြားနာကြရမည်ဖြစ်သည်။-ခရစ်တော်ဘုရားရှင်သည် အခြားမြို့-ရွာများသို့ ကြွချီသည့်အခါ လူအုပ်ကြီးသည် တိုးမပေါက်အောင် ခရစ်တော်အားဝိုင်းအုံထားတတ်ကြပါသည်။ထို့ ကြောင့်လည်း ကုသပျောက်ကင်းချမ်းသာခံလိုသော ကိုယ်လက်သေနေသည့်လူနာကို ထမ်းစဉ်နှင့်တကွ ခရစ်တော်တရားဒေ သနာတော်ဟောကြားနေသော အိမ်၏အမိုးမှ သွပ်များကို လှန်ကာ ထိုလူမမာအား ထမ်းစဉ်နှင့်တကွ ခရစ်တော်ရှေ့သို့ချပေး ကြသည့်အကြောင်း ကျွန်ုပ်တို့အသိပင်ဖြစ်သည်။ထို့အတူ သွေးသွန်နာဆွဲကပ်နေသော အမျိုးသမီးက လူအုပ်ကြားထဲမှ တိုး ဝှေ့က ခရစ်တော်၏ ၀တ်ရုံတော်ကို တို့ထိခဲ့သည့်အကြောင်းကိုလည်း ကြားဖူးခဲ့ကြမည်ဖြစ်ပါသည်။

သို့သော် မိမိ၏ မွေးရပ်ဇာတိကို ပြန်ရောက်သည့်အခါမှာတော့ အခြားမြို့ရွာများနှင့်မတူ ကွဲပြားကာ ဒေသခံများက ခရစ်တော်ဘုရားရှင်၏ အံ့ဖွယ်တန်ခိုးတော်များကို လက်မခံ-ရှုပ်ချ-ပုပ်ခပ်ခဲ့ကြသည်။တစ်ဖက်ခြံက သစ်သီးက ပိုချိုသည်ဟု အထင်ရှိသော ပုံပြင်ထဲက မြေခွေးနှင့်တူကြသည်။ထို့ကြောင့်လည်း ကိုယ်တော်ဘုရားရှင်က မည်သည့်တန်ခိုးလက္ခဏာကိုမှ မပြခဲ့ချေ၊-

ကျွန်ုပ်တို့၏ ရှင်သန်မှု ။-

ချစ်စွာသောဓမ္မမိတ်ဆွေအပေါင်းတို့၊ အောင်မြင်နေသူတိုင်းကို အားကျပါ။အတုယူပါ။စံထားပါ။သို့သော် မိမိ၌လည်း အစွမ်းထက်သောမီးခွက်စောင့်နတ်သမီးရှိသည်ကိုလည်း လုံးဝမေ့မထားပါနှင့်။ယုံကြည်စိတ်ချစွာဖြင့် ၀ိရိယရှိရှိအသုံးပြုဖို့သာ  လိုပါသည်။-တစ်ပါးသူ၏စွမ်းဆောင်ရည်များကိုအားကျပြီး- မိမိကိုယ်ကို မိမိစိတ်ပျက်အားငယ်မနေပါနှင့်-တစ်ပါးသူကို အထင် ကြီးပြီး မိမိကိုယ်ကို မိမိအထင်းသေးနေခြင်းသည် မိမိအညွှန်ကို မိမိကိုယ်တိုင်ချိုးနေရာလည်းရောက်ပါသည်။ထို့အပြင် မိမိကို အပ်နှင်းထားသည့် ဘုရားရှင်၏ကျေးဇူးတော်များအပေါ် ယုံကြည်မှုကင်းမဲ့ရာလည်းရောက်ပါသည်။ထို့ကြောင့် တစ်ဖက်ခြံကို ကျော်၍ကြည့်ကာ  အားကျနေမည့်အစား ခြံတွင်းရှိ အရာများအပေါ်  တန်ဖိုးထားနိုင်အောင် ကြိုးစားကြပါစို့လို့ တိုက်တွန်းနှိုး ဆောင်လိုက်ရပါသည်။

 

Comments