အတွဲ(၁) အမှတ်စဉ်(၁၃)         သာသနာပြန့်ပွားရေးတနင်္ဂနွေနေ့      ၂၀၁၁ ခုနှစ် အောက်တိုဘာလ ၂၃ ရက်

ပထမကျမ်း၊

    မုဆိုးမများနှင့်  မိဘမဲ့များအား  စော်ကားလျှင်  ငါ၏ အမျက်တော်သည် သင်တို့အပေါ်သို့  ရောက်လိမ့်မည်။
ထွက်မြောက်ရာကျမ်း(  ၂၂း ၂၀ မှ ၂၆ )          
 သခင်ဘုရားသည် ဤသို့အမိန့်တော်ရှိ သည်၊- သင်သည်သူစိမ်းတို့ကို မနှောက်ယှက်၊မဖိနှိပ်၊ မညှင်းဆဲနှင့်၊-အကြောင်းမူကား သင်တို့ကိုယ်တိုင် အီ ဂျစ်ပြည်၌ သူစိမ်းဖြစ်ခဲ့ကြရ၏၊- မုဆိုးမနှင့် မိဘမဲ့တို့ ကို မထိခိုက်ကြလေနှင့်၊-သင်တို့သည်သူတို့အား ထိ ခိုက်ကြလျှင် သူတို့သည် ငါ့ထံသို့ အော်ဟစ်ကြလိမ့် မည်၊- ငါသည်လည်း သူတို့၏ အော်သံကို နားညောင်း မည်၊-ငါသည် အမျက်ပြင်းစွာထွက်၍ သင်တို့ကို ဓါးဖြင့် ကွပ်မျက်မည်၊- ငါတို့မယားတို့သည် မုဆိုးမ များဖြစ်ကြ၍ သင်တို့၏သားသမီးတို့သည် မိဘမဲ့ များဖြစ်ကြလိမ့်မည်၊-သင်သည် သင်နှင့်အတူနေသော ဆင်းရဲသား ငါ့လူမျိုးအား ငွေချေးငှားလျှင် သူ့အားေ<ကးရှင်ကဲ့သို့မပြုနှင့်၊- သူ့ထံမှ အတိုးကိုမတောင်းရ၊ သင်သည် သင်၏ အိမ်နားနီးချင်းထံမှ ခြုံထည်ကိုအ ပေါင်ခံပစ္စည်းအဖြစ်ယူထားခဲ့သော် နေမ၀င်မီ သူ့အား ပြန်ပေးလော့၊- သူ၏ကိုယ်ခန္ဓာကိုဖုံးလွှမ်းရန် ဤခြုံ ထည် တစ်ခုတည်းသာ ရှိ၍ အိပ်သောအခါအသုံးပြုရန် အခြားခြုံထည်မရှိ၊-သူသည်လည်း ငါ့ထံသို့အော်ဟစ် လျှင် သူ့ကို ငါနားညောင်းမည်၊-အကြောင်းမူကား ငါ သည် ကရုဏာရှင်ဖြစ်တော်မူ၏၊-

ဤသည်ကားဘုရားသခင်၏နှုတ်ကပတ်တော်ပေတည်း။
ဘုရားသခင်အား ကျေးဇူးတင်ပါသည်။  

ဆာလံသီချင်းဧကျူးခြင်း-
(ဆာလံ -     ၁၈း    ၁-၂ယ    ၃-၄ယ    ၄၇ယ     ၅၁)

သံပြိုင်။    ။အိုသခင် ကိုယ်တော်သည် ကျွန်ုပ်၏ခွန် အားဖြစ်တော်မူ၏၊-ကိုယ်တော်အား ကျွန်ုပ် ချစ်မြတ်နိုးပါမည်။

၁။    အိုသခင်ကိုယ်တော်သည် ကျွန်ုပ်၏ခွန်အား ဖြစ်တော်မူ၏၊-ကိုယ်တော်အား ကျွန်ုပ်ချစ်မြတ်နိုးပါ မည်၊- အိုသခင်ကိုယ်တော်သည် ကျွန်ုပ်၏ခိုကိုးရာ ကျောက်ဆောင်ဖြစ်တော်မူ၍ ကျွန်ုပ်၏ကယ်တင်ရှင် ဖြစ်တော်မူ၏၊-(သံပြိုင်)

၂။   အိုကျွန်ုပ်၏ဘုရားသခင်  ကျွန်ုပ်၏ခိုကိုးရာ ကျွန်ုပ်အား မှိုင်းမသောသခင်၊-ကျွန်ုပ်ကယ်တင်ခြင်း ၏ ခွန်အားကျွန်ုပ်၏ရဲတိုက်၊ကိုယ်တော်၌ ကျွန်ုပ်မျှော် လင့်ကိုးစားပါမည်၊-ချီုးကျူးထိုက်သောသခင်ဘုရားထံ တော်သို့ ကျွန်ုပ်တောင်းလျှောက်သဖြင့် ကျွန်ုပ်သည် လည်း ကျွန်ုပ်ရန်သူတို့၏ လက်မှ လွတ်မြောက်လိမ့် မည်၊-(သံပြိုင်)

၃။    ဘုရားသခင်သည် အသက်ရှင်တော်မူ၏၊- ကျွန်ုပ်ကိုစောင့်ရှောက်သောသခင်အား မင်္ဂလာရှိစေ သတည်း၊-ကျွန်ုပ်၏ကယ်တင်ရှင်ဘုရားသခင်အား ချီးမွမ်းထောမနာရှိစေသား၊- မိမိဘုရင်အား ချီးမြှောက် တော်မူ၍ မိမိဘိသိက်မင်္ဂလာပေးထားသောသူအား ကရုဏာမေတ္တာတော်ကိုပြတော်မူ၏၊-(သံပြိုင်)

ဒုတိယကျမ်း

ဘုရားသခင်ကို ကိုးကွယ်ရန်နှင့်ကိုယ်တော်၏ သားတော် ကို   စောင့်မျှော်ရန် သင်တို့သည် ရုပ်တုဆင်းတုကိုးကွယ်ခြင်းကို စွန့်ပစ်ခဲ့ကြပြီ 
မွန်မြတ်သောတပည့်တော်ကြီးသံပေါလူးသက်ဆာလော်နီမြို့သား တို့ ထံရေးသောဆုံးမစာ၊-    (၁း ၅  မှ  ၁၀)

ညီအစ်ကိုတို့၊-
    ကျွန်ုပ်တို့သည် သင်တို့နှင့် အတူရှိခဲ့ကြစဉ်  သင်တို့အဖို့အဘယ်ကဲ့သို့ပြုလုပ်ဆောင်ရွက်ခဲ့ကြကြောင်း သင်တို့အသိပင်ဖြစ်ကြသည်၊- သင်တို့သည် ဒုက္ခအမျိုး မျိုးနှင့်ရင်ဆိုင်ရသော်လည်း သန့်ရှင်းသောဝိညာဉ်တော် ပေးသော ၀မ်းမြောက်ခြင်းဖြင့် နှုတ်ကပါဋ္ဌ်တရားတော်ကို ခံယူကြ၍ သခင်ဘုရားနှင့် ယုံကြည်သူအပေါင်းတို့အဖို့ သင်တို့သည် စံနမူနာများဖြစ်ကြသည်။- အဘယ်ကြောင့် ဆိုသော် ဘုရားသခင်၏တရားတော်သည် သင်တို့ထံမှ မာ ဆေဒေါနိယားပြည်နှင့်အာခါယပြည်သို့သာ ကျော်ကြား သည်မဟုတ်၊ဘုရားသခင်ကို သင်တို့ယုံကြည်ခြင်းသတင်း သည်အရပ်ရပ်သို့ပျံ့နှံ့ခဲ့လေပြီ၊-သို့ဖြစ်၍ သင်တို့ အကြောင်း သူတစ်ပါးတို့ထံသို့ အဘယ်ကဲ့သို့ဝင်ရောက်ခဲ့ကြသည်ကို လည်းကောင်း၊သင်တို့သည်ဟုတ်မှန်၍ အသက်ရှင်တော် မူသော ဘုရားကို ၀တ်ပြုကိုးကွယ်ရန်နှင့် နောက်ရောက် လတ္တံ့သောဘုရားသခင်၏အမျက်တော်မှ ကျွန်ုပ်တို့ကို ကယ်တင်တော်မူသော ယေဇူးသခင်တည်းဟူသော သေသူတို့အစုမှ ဘုရားသခင်ရှင်ပြန်ထမြောက်စေသော သားတော်ကောင်းကင်ဘုံမှ<ကလာတော်မူခြင်းကို စောင့် မျှော်ကြရန် ရုပ်တုဆင်းတုများကို ကိုးကွယ်ခြင်းမှ အဘယ် ကဲ့သို့ဘုရားသခင်ထံတော်သို့ သင်တို့ပြောင်းလဲခဲ့ကြ ကြောင်းကိုလည်းကောင်း၊ထိုအရပ်၌ရှိသော သူတို့ကပင် သတင်းလွှင့် လျက်ရှိကြသည်၊-
 ဤသည်ကားဘုရားသခင်၏နှုတ်ကပတ်တော်ပေတည်း။
    ဘုရားသခင်အား ကျေးဇူးတင်ပါသည်။

ဧ၀ံဂေလိကျမ်းမဖတ်မီကြွေးကြော်သံ
( သံယောဟန်-   ၁၄း   ၂၃  )

အာလေလူယား -အာလေလူယား

အကြင်သူသည် င့ါကိုချစ်လျှင် ငါ၏စကားကို စောင့်ရှောက်လိမ့်မည်။ငါ၏ခမည်းတော်သည်လည်း ထို သူကို ချစ်လ်ိမ့်မည်။-ထိုသူ့ဆီသို့လည်း ငါတို့လာကြ၍ သူ၌ ငါတို့တည်နေရာကို ပြုကြမည်။

  အာလေလူယား - အာလေလူယား

ဧ၀ံဂေလိကျမ်း
 သင်၏အရှင်ဘုရားသခင်ကို ချစ်လော့၊သင်နှင့် နီးစပ်သောသူကို သင့်ကိုယ်ကဲ့သို့ချစ်လော့၊


သံမာတေဦးရေးထားသည့် သန့်ရှင်းသော ဧ၀ံဂေလိကျမ်း ( ၂၂း ၃၄ မှ  ၄၀  )အထိ
    
    ထိုကာလ၌စဒုစေဦးတို့၏စကားကို အပြန် အလှန်မရှိအောင် ယေဇူးသည်ချေတော်မူသည်ကို ဖါ ရီဇေဦးတို့ကြားလျှင် စုဝေးကြပြီးမှ ကျမ်းတတ်ဆရာ တစ်ဦးက ကောက်သောအကြံနှင့် မေးလျှောက်သည် ကားဆရာတော်ဘုရား တရားကျမ်း၌ အဘယ်ပညတ် သည်သာ၍ကြီးသနည်း၊ယေဇူးကလည်း သင်၏အရှင်  ဘုရားသခင်ကို သင်၏နှလုံးအ<ကင်းမဲ့၊စိတ်အားရှိသမျှ ဥာဏ်ရှိသမျှနှင့်ချစ်လော့၊-ဤသည်ကား အကြီးဆုံး ပညတ်၊ပထမပညတ်လည်းဖြစ်၏၊- ဒုတိယမူကား ဤပညတ်နှင့်တူ၏၊- ကိုယ်နှင့်နီးစပ်သောသူကို သင် ကဲ့သို့ချစ်လော့၊-ဤပညတ်နှစ်ပါးတို့သည်ကား တရား ကျမ်းနှင့် ပရောဖက်ကျမ်းရှိသမျှတို့၏ အချုပ်ဖြစ် သတည်းဟု မိန့်တော်မူ  ၏၊-

    ဤသည်ကားဘုရားသခင်၏နှုတ်ကပတ်တော်ပေတည်း။
အိုခရစ္ဆတူးသခင်ကိုယ်တော်အားချီးမွမ်းထောပနာရှိပါစေ။
 

ထောက်ရှုစဉ်းစားဆင်ခြင်ရန်၊

အခြေပြုကျမ်း =  ထွက်မြောက်ရာကျမ်း(  ၂၂း ၂၀ မှ ၂၆ ) သက်ဆာလောနီဆုံးမစာ(၁း ၅  မှ  ၁၀) သံမာတေဦး ၂၂း ၃၄ မှ  ၄၀ အထိ၊

သာသနာပြုခြင်း
    ချစ်စွာသော ဓမ္မမိတ်ဆွေ ယခုအပါတ်သည် (သာသနာပြန့်ပွားရေး တနင်္ဂနွေနေ့}အဖြစ်ကျင်းပရသော တနင်္ဂနွေဖြစ်ပါသည်၊- သည်လိုအခါတော်နေ့ရောက်တိုင်း မရိုးနိုင်၊ မညီးနိုင်သော ပုံပြင်လေးတစ်ပုဒ်ကို ဝေမျှလိုပါသည်၊-အားလုံးကြားဖူး နားဝရှိကြမည်ကိုလည်း ကြို တင်တွက်ဆထားပါသည်၊-သို့သော် သာသနာပြန့်ပွားရေးအတွက်အကောင်းဆုံး ပုံဥပ မာ ဖြစ်နေသည့်အတွက် ပြန်လည်ဝေမျှလိုပါသည်၊ခွင့်ပြု တော်မူကြပါကုန်လို့ ကနဦးခွင့်ပန်လိုက်ပါရစေ၊
    ဘာသာသူ တစ်ဦးတစ်ယောက်မျှ မရှိသေးသောကျေးရွာတစ်ရွာကို မည်ကဲ့သို့ သာသနာပြုကြမည်နည်း၊လို့ သာသနာပြုများ ခေါင်းချင်းဆိုင်နည်းလမ်းရှာကြပါသည်၊တစ်ဦးက ရွာသူရွာသားများကို သမ္မာကျမ်းစာများဝေငှခြင်းသည် နည်းလမ်းကောင်းဖြစ်မည်ဟုအကြံပြု ပါသည်၊ သို့သော် ထိုအကြံပြုချက်သည် လက်တွေ့တွင်မဖြစ်နိုင်ဟု အားလုံးက တညီတစ်ညွတ်တည်း ဆုံးဖြတ်ကြသည်၊နောက်တစ်ဦးက ရွာ သူရွာသားအားလုံးကို ထောက်ပံ့ငွေများ၊ထောက်ပံ့ပစ္စည်းများဖြင့် ကူညီလျှင်ပိုကောင်းမည်ဟုအကြံပြုပြန်သည်၊ထိုအကြံသည်လည်း လက်တွေ့ မစံဟုဆိုပြန်သည်၊-နောက်ဆုံးတော့ အသက်ကြီးသူတစ်ဦးကသည်လိုအကြံပြုပါတယ်၊-အဲ့သည့်ရွာမှာ ကောင်းသောခရစ်ယန်ဘာသာဝင်မိသား စုတစ်စုထားလျှင် ပိုကောင်းမွန်မည်အကြံပြုပါသည်၊ ထိုအကြံသည် လက်တွေ့ စံသောကြောင့်အားလုံးက လက်ခံလိုက်ကြပါသည်၊-များမကြာမှီ ထိုရွာသည် ဘာသာရွာတစ်ရွာဖြစ်လာပါတော့သည်၊-အကြောင်းမှာ ထိုကက်သလစ်မိသားစုအတွင်း တစ်ဦးနှင့်တစ်ဦး လေးစားကာချစ်ချစ်ခင် ခင်ဆက်စံကြခြင်း၊တစ်ဦးကို တစ်ဦး တန်ဖိုးထားကြခြင်း၊ ခွင့်လွှတ်တတ် ခြင်း၊သည်းခံတတ်ခြင်း၊ ခိုက်ရန်မဖြစ်ပွားကြခြင်း၊ စသည့်ကောင်းသော စံနမူနာကောင်းများကြောင့်၊ ပတ်ဝန်းကျင်က လူသားအားလုံး ဘာသာသာသနာထဲသို့ ကူးပြောင်းလာကြခြင်းဖြစ်ပါသည်။
    ချစ်စွာသောဓမ္မမိတ်ဆွေ၊-သည်ကနေ့သည် ]သာသနာပျံ့ ပွားရေးနေ့}ဖြစ်ပါသည်၊-သာသနာပျံ့ ရေးသည် ဘာသာဝင်တိုင်းတွင် တာဝန်ကိုယ်စီရှိကြပါသည်၊သို့ဆိုလျှင် သင်တို့ကျွန်ုပ်တို့မည်ကဲ့သို့သာသနာပြုကြမည်နည်း၊-တကယ်တော့ သာသနာပြုခြင်းဟုဆိုရာတွင် ဘာသာ သနာအကြောင်းကို လူတိုင်းသိရှိနားလည်ကြရန်၊အထူးသဖြင့် လူသားအားလုံးကို အဖခမည်းတော်ဘုရားသည် တန်းတူညီတူချစ်တော်မူကြောင်း လူတိုင်းအတွက် အသေခံတော်မူကြောင်း၊အစရှိသည်တို့ကို သိအောင်ကြေငြာခြင်းကိုဆိုလိုပါသည်၊-
    သည်နေရာမှာ စံနမူနားထားဖို့ကောင်းသော အာဂအမျိုးသမီးတစ်ဦးအကြောင်းပြော လိုပါသည်၊ထိုသူမှာအခြားမဟုတ်ပါ၊ အိန္ဒိယ နိုင်ငံ၊ကာလက္ကတားမြို့ က]မာသာထရေဇား}အကြောင်းပင်ဖြစ်ပါသည်၊ထိုအမျိုးသမီးကြီးသည် ခရစ်တော်အကြောင်းကို မည်သည့်အခါမျှ မကြေငြာ မဟောပြောခဲ့ပါ၊သို့သော် မာသာထရေဇားကြောင့်ပင် လူသားတိုင်း ကက်သလစ်ဘာသာသနာကို သိနားလဲခဲ့ကြပါသည်၊ထိုသို့ဖြစ်ရခြင်းမှာ မာသာ ထရေဇားအဟောအပြောကောင်းသောကြောင့်မဟုတ်လှပါ၊-မာသာထရေဇား၏ ထူးကဲသော စံနမူနာကောင်းများ၊လူသားတိုင်းကို အဖြူအမဲ မခွဲခြားပဲ ဆက်ဆံမှုများကြောင်း ဖြစ်ပါကြောင်းသက်သေခံတင်ပြအပ်ပါသည်။

                                                           ဘုန်းတော်ကြီးဂျောဦးခင်မောင်ထွေး

                   (georgemdy2011@gmail.com)

(gkhinmghtwemdy2011@mandalayarchdiocese.com)