Resources‎ > ‎Sunday For You‎ > ‎

ဒုတိယအာဒ်ဝင်တူးတနင်္ဂနွေနေ့

အတွဲ(၁) အမှတ်စဉ်(၁၉)                     ဒုတိယအာဒ်ဝင်တူးတနင်္ဂနွေနေ့              ၂၀၁၁ ခုနှစ် ဒီဇင်ဘာလ ၄ ရက်

ပထမကျမ်း၊

သခင်ဘုရား၏လမ်းကိုပြင်ဆင်ကြလော့၊

ပရောဖက်အီဇာအိယအနာဂတ္တိကျမ်း       (၄၀း  ၁ - ၅  နှင့်  ၉ မှ ၁၀၊   အထိ )
    ငါ၏လူမျိုးကိုနှစ်သိမ့်စေကြလော့၊နှစ်သိမ့်စေကြလော့ဟုသင်တို့၏ ဘုရားသခင် မိန့်တော်မူ၏၊- အပြစ်များ အတွက်လည်း စစ်မှု ထမ်းရသော အချိန်ကုန်၍ အပြစ်များ ဒဏ်ဆပ်ဖြေပြီးကြောင်း ဂျေရုဇလိင် မြို့လယ်၌ပြောကြားကြလော့၊- ထိုမျှမက မိမိတို့၏ အပြစ်များအားလုံးအတွက် သခင်ဘုရား လက်တော်မျ နှစ်ဆခံယူရလေပြီ၊- ကြွေးကြော်သောသူ၏ အသံ သည်ကား တောကန္တာရ၌ သခင်ဘုရား၏ လမ်းကိုပြင်ဆင်ကြ လော့၊- ဆိတ်ငြိမ်သောတောအရပ်များ၌ ကျွန်ုပ်တို့ဘုရားသခင် ၏ လမ်းများကို ဖြောင့်တန်းစေကြလော့၊- ချိုင့်ဝှမ်းရှိသမျှကို ဖို့ရမည်၊တောင်ကြီး တောင်ငယ်ရှိသမျှကို ဖြိုရမည်၊-  ကွေ့ ကောက်သောလမ်းများကို ဖြောင့်တန်းစေရမည်၊မညီညာကြမ်း တမ်းသောလမ်းကို ညီညာစေရမည်၊ဘုရားသခင်၏ ဘုန်းဂုဏ် တော်သည် ပေါ်ထွန်းတော်မူ၍ ဘုရားသခင်ဗျာဒိတ်တော်မူ ခဲ့သည့်အတိုင်း လူအပေါင်းတို့သည်လည်း မြင်ကြလိမ့်မည်၊ဇိ အုန်မြို့အား ၀မ်းမြောက်ရာသတင်းကိုဆောင်ခဲ့သော အသင်၊ မြင့်သောတောင်ပေါ်သို့တက်လော့၊-ဂျေရုဇလိင်မြို့အား ၀မ်း မြောက်ရာသတင်းကို ကျယ်သောအသံဖြင့် ဟစ်ကြော်လော့၊- ဟစ်ကြော်လော့၊မကြောက်လေနှင့်၊သင်၏အရှင် ဘုရားသခင် သည် ဘုန်းဂုဏ်တော်နှင့်ကြွလာတော်မူ၍ မိမိလက်ရုံးတော် သည် အုပ်စိုးတော်မူလိမ့်မည်၊ကိုယ်တော်သည် အဖိုးအခကို မိမိနှင့်ယူဆောင်လျက် ဆုလာဘ်များကိုလည်း တစ်ပါတည်း ယူဆောင်လာလိမ့်မည်၊သူသည် သိုးထိန်းကဲ့သို့ မိမိသိုးစုကို ကျွေးမွေးတော်မူလိမ့်မည်၊-သိုးသူငယ်တို့ကို မိမိလက်တော်ဖြင့် စုရုံးစေ၍ မိမိရင်ခွင်၌ ပွေ့ပိုက်လိမ့်မည်၊- မျိုးရှိသော သိုးမများ ကို ဖြေးညှင်းစွာပို့ဆောင်လိမ့်မည်။
      ဤသည်ကားဘုရားသခင်၏နှုတ်ကပတ်တော်ပေတည်း။
ဘုရားသခင်အား ကျေးဇူးတင်ပါသည်။ 

ဆာလံသီချင်းဧကျူးခြင်း-
(ဆာလံ -     ၈၅း    ၉-၁၀ယ      ၁၁-၁၂ယ    ၁၃-၁၄ယ )

သံပြိုင်။    ။အိုသခင် - ကိုယ်တော်၏ ကရုဏာတော် ကို ကျွန်ုပ်တို့အား ပြတော်မူပါ၊-ကိုယ်တော်၏ ကယ်တင်ခြင်းကိုလည်း ကျွန်ုပ်တို့အား ပေးတော်မူပါ၊-

၁။   ဘုရားသခင်မိန့်တော်မူသော အရာများကိုနားထောင် ပါမည်၊- အကြောင်းမူကား ကိုယ်တော်သည် မိမိလူမျိုးနှင့်သန့် ရှင်းသောသူတို့အား ငြိမ်းချမ်းခြင်းအကြောင်းကို မိန့်တော်မူ လိမ့်မည်၊- ကိုယ်တော်ကိုကြောက်သောသူတို့အဖို့ ကယ်တင် ခြင်းချမ်းသာသည် အမှန်နီးကပ်လျက်ရှိ၏၊- ကိုယ်တော်၏ ဘုန်း ဂုဏ်တော်သည်ကျွန်ုပ်တို့၏တိုင်းပြည်၌ တည်ရှိတော်မူလိမ့်မည်၊
(သံပြိုင်)

၂။   ကရုဏာနှင့်သစ္စာတို့သည် အချင်းချင်းတွေ့ဆုံကြ၏၊ ဖြောင့်မတ်ခြင်းနှင့်ငြိမ်းချမ်းခြင်းတို့သည်လည်း ရင်းနှီးစွာဆက် ဆံကြ၏၊-သစ္စာသည် မြေမှထွက်၍ ဖြောင့်မတ်ခြင်းတရားသည် ကောင်းကင်မှလှမ်း၍ကြည့်လိမ့်မည်။-(သံပြိုင်)

၃။   ကရုသခင်ဘုရားမူကား ကျေးဇူးပြုတော်မူ၍ ကျွန်ုပ် တို့၏မြေကြီးသည် အသီးအနှံကို ပေါ်ထွက်စေလိမ့်မည်၊- ဖြောင့်မတ်ခြင်းတရားသည် သူ၏ရှေ့၌ သွား၍ လမ်း၌ခြေလှမ်း များကို ထင်စေလိမ့်မည်။-(သံပြိုင်)

ဒုတိယကျမ်း

၊ကျွန်ုပ်တို့သည် မိုးကောင်းကင်သစ်နှင့် မြေကြီးသစ်ကို စောင့်မျှော်လျက်ရှိကြသည်၊-

မွန်မြတ်သောတပည့်တော်ကြီးသံပေတရူး-ံရေးထားသော ဆုံးမစာ-ဒုတိယစောင် ( ၃း ၈ မှ ၁၄ )

    ချစ်လှစွာသော ညီအစ်ကိုတို့၊ဘုရားသခင်၏နေ့ ရက်တစ်ရက်သည် နှစ်ပေါင်းတစ်ထောင်ကဲ့သို့ဖြစ်၍ နှစ်ပေါင်း တစ်ထောင်သည် နေ့ရက်တစ်ရက်ကဲ့သို့ဖြစ်သည်ဟူသော အ ချက်တစ်ချက်ကို မမေ့ကြနှင့်၊- လူအချို့တို့ထင်ကြသည့်အတိုင်း သခင်ဘုရားသည် မိမိကတိတော်ကို ပြည့်စုံစေရန် နှေးကွေး တော်မူသည်မဟုတ်၊- မည်သူကိုမျှ ပျက်စီးစေရန်အလိုမရှိ၊- အားလုံးနောင်တသံဝေဂရခြင်းကိုသာ အလိုရှိတော်မူသော ကြောင့် သင်တို့အပေါ်စိတ်ရှည်တော်မူသည်၊- သို့ရာတွင်ဘုရား သခင်၏နေ့ရက်သည် သူခိုးကဲ့သို့ရောက်လာ လိမ့်မည်၊-ထို့နေ့ ၌ မိုးကောင်းကင်သည် ကြီးစွာသော အသံမြည်ဟီးလျက် ရုတ် တရက်ပျောက်ကွယ်သွားလိမ့်မည်၊- နေ၊လ၊ကြယ်၊နက္ခတ်တို့ သည်လည်း အပူရှိန်ဖြင့် ပျက်စီးကြ၍ မြေကြီးနှင့် မြေကြီးပေါ် မှာ ရှိသောအရာအားလုံးတို့သည် လောင်ကျွမ်းပျက်စီးကြလိမ့် မည်၊- ဤအရာအားလုံးတို့သည် ပျက်စီးပျောက်ကွယ်ရမည် ဖြစ် ၍ သင်တို့သည် သခင်ဘုရားကြွလာတော်မူမည့် နေ့ကို ရှေ ရှုစောင့်မျှော်နေကြစဉ် သန့်ရှင်းသော အကျင့်တို့ကို ကျင့်ကြ လျက် ဘုရားတရားမှုတို့၌ အဘယ်မျှကြည်“ညိုသောသူများ ဖြစ် သင့်ကြသနည်း၊- ထိုနေ့ရက်၌ မိုးကောင်းကင်သည် မီးလောင် ပျက်စီးလိမ့်မည်၊ နေ၊လ၊ကြည် နက္ခတ်တို့သည်လည်း အပူရှိန် ဖြင့် အရည်ပျော်ပျက်စီးကြလိမ့်မည်၊- ကျွန်ုပ်တို့မူကား ကိုယ် တော်ကတိထားတော်မူသည့်အတိုင်း ဖြောင့်မတ်ခြင်းတရားနှင့် ပြည့်စုံသော မိုးကောင်းကင် သစ်နှင့် မြေကြီးသစ်ကို စောင့် မျှော် လျက်ရှိကြစဉ် အပြစ်အကြေးအညှော်မှ ကင်းစင်လျက်ငြိမ် သက်ခြင်း၌ သင်တို့ကို ကိုယ်တော်သည် တွေ့နိုင်ရန် ကြိုးစား ကြလော့၊-
      
       ဤသည်ကားဘုရားသခင်၏နှုတ်ကပတ်တော်ပေတည်း။
    ဘုရားသခင်အား ကျေးဇူးတင်ပါသည်။


ဧ၀ံဂေလိကျမ်းမဖတ်မီကြွေးကြော်သံ၊
( သံလူကား -၃း   ၄-၆   )
အာလေလူယား -အာလေလူယား
ဘုရားသခင်၏လမ်းကို ပြင်ဆင်ကြလော့၊- ကိုယ်တော်၏လမ်းကြောင်းများကို ဖြောင့်စေကြလော့၊
လူအပေါင်းတို့သည်လည်း ဘုရားသခင်၏ ကယ်တင်တော်မူခြင်းကို မြင်ရကြလတ္တံ့တည်း၊
အာလေလူယား -အာလေလူယား

ဧ၀ံဂေလိကျမ်း

ကိုယ်တော်၏လမ်းကြောင်းများကိုဖြောင့်စေကြလော့။

သံမာရ်ကူးရေးထားသောသန့်ရှင်းသော ဧ၀ံဂေလိကျမ်း ( ၁း ၁ မှ ၈ )အထိ

    ဘုရားသခင်၏သားတော် ယေဇူးခရစ္ဆတူး ၏ဧဝေဂေလိတရားအစကား၊-ပရောဖက်အီဇာအိယ ရေးထားသည်မှာ ကြည့်လော့၊- သင်၏လမ်းကို သင့် ရှေ့၌ပြင်ဆင်လတ္တံ့သော ငါ၏တမန်တော်ကို သင်၏ မျက်နှာရှေ့၌ငါစေလွှတ်သတည်း၊- သခင်ဘုရား၏ လမ်းကို ပြင်ဆင်ကြလော့၊ကိုယ်တော်၏လမ်းကိုပြင် ဆင်ကြလော့၊- ကိုယ်တော်၏ လမ်းကြောင်းများ ကို ဖြောင့်စေကြလော့ဟု တောကန္တာရကြွေးကြော်သော သူ၏ အသံတည်းဟူ၍ လာသည့်အတိုင်း ၊ယောဟန် သည် တောအရပ်၌ဆေးကြောလျက်အပြစ်ဖြေလွှတ် ခြင်းအလို့ငှာ  နောင်တတရားနှင့်ဆိုင်သော ဆေး ကြောခြင်းကို   ဟောပြောလျက်နေ၏၊- ယုဒပြည်တစ် ပြည်လုံးနှင့် ဂျေရုဇလိင်မြို့သားအပေါင်းတို့သည် သူ၏ အထံသို့ထွက်သွား၍ မိမိတို့၏ အပြစ်အမှားများကို ဖေါ်ပြချက်ဂျောဒန်မြစ်၌ သူ၏လက်မှဆေးကြောခြင်း ကိုခံကြလေ၏၊- ယောဟန်သည်ကား ကုလားအုပ် အမွှေးဖြင့် ရက်သောအ၀တ်ကိုဝတ်လျက် ခါး၌သား ရေခါးပတ်ကိုစည်းလျက်၊ ကျိုင်းကောင်နှင့်တောပျား ရည်ကို စားလျက်နေ၏၊-သူသည် ဟောပြော၍ ဆိုသည်ကား ငါ့ထက်တတ်စွမ်းနိုင်သောသူသည် ငါ့ နောက်ကြွလာတော်မူ၏၊- ထိုသူ၏ ခြေနင်းတော်ကြိုး ကိုမျှ ၀ပ်တွားလျက် ဖြေငြား ငါမထိုက်တန်၊-ငါသည် သင်တို့ကို ရေဖြင့် ဆေးကြောပြီ၊-သူမူကား   သင်တို့ ကို သန့်ရှင်းသော ၀ိညာဉ်တော်ဖြင့် ဆေးကြောတော် မူလိမ့်မည်၊-

    ဤသည်ကားဘုရားသခင်၏နှုတ်ကပတ်တော်ပေတည်း။
အိုခရစ္ဆတူးသခင်ကိုယ်တော်အားချီးမွမ်းထောပနာရှိပါစေ။
 

ထောက်ရှုစဉ်းစားဆင်ခြင်ရန်၊

အခြေပြုကျမ်း =  အီဇာအိယ  (၄၀း  ၁ - ၅  နှင့်  ၉ မှ ၁၀)  ဒု ပေတရူး ( ၃း ၈ မှ ၁၄ ) သံမာကူး ၁း ၁ မှ ၈

ဇာတ်တိုက်ခြင်း
    ချစ်စွာသော ဓမ္မမိတ်ဆွေအပေါင်းတို့၊- တစ်ခါတုန်းက ညီအစ်ကိုနှစ်ဦးဟာ ဖခင်ဖြစ်သူထံ ရုပ်ရှင်သွားကြည့်လိုကြောင်း အခွင့်ပန်ကြပါတယ်၊ ဒါပေမယ့် ဖခင်ရှေ့ရောက်တဲ့အခါ တစ်ဦးနှင့်တစ်ဦး အတိုင်အဖေါက်မညီ အလွဲလွဲအချော်ချော်ဖြစ်ကာ ရုပ်ရှင်သွားကြည့်ခွင့်မရခဲ့ကြပါဖူး၊-ဖခင်ဖြစ်သူက ဗစ်တိုအာဏာနဲ့ ပယ်ချလိုက်ပါတယ်၊-သည်အခါ ညီဖြစ်သူက အကိုဖြစ်သူကို သည်လို မချိတင်ကဲ ပြောလိုက်ပါတော့တယ်၊ ကျွန်တော်တို့ ညီအစ်နှစ်ယောက်  ကြိုတင်ဇာတ်တိုက်မထားမိတာ နာတယ်ဗျာလို့ ပြောလိုက်ပါတယ်၊-
    ကျွန်တော်တို့ရဲ့ နေ့စဉ်ဘ၀အသက်တာမှာ`` ဇာတ်တိုက်ခြင်း ´´ ဆိုတဲ့ ဝေါဟာရကို မကြာခဏဆိုသလို ကြားဖူးကြမှာဖြစ်ပါတယ်၊-တကယ် တန်းပြောရပါမူ `ဇာတ်တိုက်ခြင်း´ဆိုတာ ကြိုတင်ပြင်ဆင်ခြင်းဟု အဓိပ္ပါယ်ရပါတယ်၊-ကြိုတင်ပြင်ဆင်မှုဆိုတာ လူတိုင်းအတွက် အရေးကြီး၊အရေးပါလှပါတယ်၊ အရာရာတိုင်းမှာ ကြိုတင်ပြင်ဆင်မှု မရှိရင် ကမောက်ကမဖြစ်ယုံသာမက အောင်မြင်မှုလည်း ရလိမ့်မည်မဟုတ်၊-ထို့ကြောင့် ဘ၀တွင် အောင်မြင်မှုရလိုသူတိုင်း ကြိုတင်ပြင်ဆင်မှုကို ဦးစားပေးဆောင်ရွက်တတ်ကြပါတယ်၊-
    ချစ်စွာသော ဓမ္မမိတ်ဆွေအပေါင်းတို့၊- ယခုအာဒ်ဝင်တူး ကာလသည် ကြိုတင်ပြင်ဆင်ရသည့်ကာလလည်းဖြစ်ပါတယ်၊-ခရစ်စမတ်အချိန်၌ ကြွလာမည့် မက်ဆီးယားကယ်တင်ရှင်ကို ထိုက်တန်စွာ ကြိုဆိုနိုင်ရန်အတွက် ပြင်ဆင်ရခြင်းပင်ဖြစ်သည်၊ သို့ဖြစ်လျှင် ထိုကယ်တင်ရှင်ကို ထိုက်တန်စွာ ကြိုဆိုနိုင်ရန်အတွက် မည်ကဲ့သို့ ပြင်ဆင်ကြမည်နည်း၊-
    ကလေးသူငယ်များက အ၀တ်အစားအတွက် ပြင်ဆင်ကြ၏၊- အိမ်ရှင်မများက မိမိတို့အိမ်ကိုအလှဆင်ဘို့အတွက် ကြိုတင်ပြင်ဆင်မှုများဆောင် ရွက်လျက်ရှိကြသည်၊-အိမ်ထောင်ဦးစီးများက ခရစ္စမတ်နေ့၌ လာရောက်နှုတ်ဆက်ကြမည့် မိတ်ဆွေများကို ဧည့်ခံနိုင်ရန်အတွက် အကျွေးအမွေးများကို ယခု ကတည်းက ကြိုတင်ပြင်ဆင်နေကြပြီးဖြစ်သည်၊-မိတ်ဆွေအနေနှင့်ကော ဘာတွေများ ပြင်ဆင်ပြီးပြီလည်း၊-
    ကြိုတင်ပြင်ဆင်မှုအတွက် အကြံပြုလိုသည်ကတော့ ပြင်ဆင်မှုသုံးမျိုးအကြောင်းပင်ဖြစ်သည်၊ယင်းတို့မှာ (၁)ခန္ဓာကိုယ်ပြင်ဆင်မှု၊(၂)စိတ်နှလုံး ပြင်ဆင်မှု၊(၃) ၀ိညာဉ်ပြင်ဆင်မှု၊တို့ပင်ဖြစ်ပါသည်၊-
    ခရစ်စမတ်နေ့၌ ၀တ်ဆင်မည့် အ၀တ်အစားများ၊ကျွေးမွေးဧည့်ခံမည့် အစားအစာများ၊-စသည်တို့အတွက် ပြင်ဆင်ခြင်းကို ခန္ဓာကိုယ်ပြင်ဆင် ခြင်းဟု ဆိုနိုင်ပါသည်။ လောဘ၊ဒေါသ၊မာနများကို အနိုင်ယူနိုင်အောင် ကြိုးစားခြင်း၊ မိမိအပြစ်အမှား များအတွက် နောင်တယူခြင်း၊ မိမိအား မိုက်မှားသူများကို အခွင့်လွှတ်ခြင်း၊-မိမိက မိုက်မှားထားသူများ၊ကျူးလွန်စော်ကားမိသူများအား အခွင့်အညလွှတ်ရန်တောင်းပန်စကားဆိုခြင်း၊စသည်တို့သည် စိတ်နှလုံးပြင်ဆင်ခြင်း နှင့် သက်ဆိုင်မည်ဟု ထင်ပါသည်၊-ဘုရားကျောင်းတက်ခြင်း၊အာပတ်ဖြေခြင်း၊ကိုယ်တော်မြတ်ပင့်ယူခြင်း အစရှိသည်တို့ကို ဆောင်ရွက်ခြင်းကို  ၀ိညာဉ်ရေး ရာပြင်ဆင်ခြင်းဟု ဆိုရမည်ဖြစ်သည်၊-ထို့ကြောင့် ဤသုံးမျိုးကို မျှတအောင်ပြင်ဆင်ခြင်းသည်သာလျှင် ပြီးပြည့်စုံသော ပြင်ဆင်ခြင်းဟုဆိုရမည်သာဖြစ်သည်၊
    သည်ကနေ့ကြားနာကြရမည့် ဧ၀ံဂေလိကျမ်းစာတော်မြတ်တွင် ကိုယ်တော်၏ လမ်းကြောင်းများကို ဖြောင့်စေကြလော့၊ ဟုဆိုထားပါသည်၊ပထမကျမ်း စာတွင် ဘုရားသခင်၏ လမ်းကြောင်းများကို ပြင်ဆင်ကြလော့၊ဆိုထားပြန်ပါသည်၊ဒုတိယကျမ်းစာဖြစ်သော သံပေါလူး၏ဆုံးမစာတွင်]]ဘုရားသခင်သည် မည်သူ့ကိုမျှ ပျက်စီးရန်အလိုတော်မရှိ၊ အားလုံးနောင်တသံဝေဂရခြင်းကိုသာ အလိုရှိတော်မူသောကြောင့် သင်တို့အပေါ် စိတ်ရှည်တော်မူသည်၊ သို့ရာတွင် ဘုရားသခင်၏ နေ့ရက်သည် သူခိုးကဲ့သို့ရောက်လာလိမ့်မည်ဟုဆိုထားသည့်အတွက် အမြဲအဆင်သင့်ဖြစ်အောင် ကြိုတင်ပြင်ဆင်ထားကြပါစို့၊-
ဟုနှိုးဆော်လိုက်ပါသည်။


(georgemdy2011@gmail.com)

(gkhinmghtwemdy2011@mandalayarchdiocese.com)

Comments