ဆရာတော်ကြီးနှင့် ဘာသာတူများ သဲဖြူရွာ မယ်တော်သခင်မကောင်းကင်ဘုံသို့ ပင့်ဆောင်ခြင်းခံရသော ဘုရားကျောင်းတွင် တွေ့ဆုံ

posted 25 Jul 2015, 19:18 by MANDALAY CATHOLIC ARCHDIOCESE   [ updated 25 Jul 2015, 19:18 ]
၁၄.၇.၂၀၁၅ ရက်နေ့တွင် မန္တလေး ကက်သလစ်ဂိုဏ်းချုပ်သာသနာမှ ဆရာတော်ကြီး နီကောလားစ်မန်ထန်းသည် တောင်တွင်းကြီးဇုံ အတွင်းရှိ သဲဖြူကျေးရွာသို့ သွားရောက်ကာ ကက်သလစ် ခရစ်ယာန်ဘာသာဝင်များနှင့်တွေ့ဆုံ ဟောပြောမှုတစ်ခုကို ပြုလုပ်ခဲ့ပါသည်။ဆရာတော်ကြီှးနှင့် အတူ တောင်တွင်းကြီးဇုံမှုး ဘုန်းဘုန်းဂြိုဟ်တု၊ မိတ္ထီလာဇုံမှုး ဘုန်းဘုန်းမောင်ဆန်း၊ ဘုန်းဘုန်းစိုးထွန်း၊ ဘုန်းဘုန်း ပြုံးချို၊ ဘုန်းဘုန်းဇော်ဝင်း၊ ဘုန်းဘုန်း ဝင်းညို၊ ဘုန်းဘုန်း ထွန်းထွန်းနိုင်၊ ဘုန်းဘုန်း ထွန်းသိုက်၊ ဘုန်းဘုန်း မုန်ပီး၊ ဘုန်းဘုန်းမျိုးဇော်ဝင်း၊တို့ပါဝင်ခဲ့ကြပါသည်။

ညပိုင်းတွင် ဆရာတော်ကြီးနှင့် ဘာသာတူများ သဲဖြူရွာ မယ်တော်သခင်မကောင်းကင်ဘုံသို့ ပင့်ဆောင်ခြင်းခံရသော ဘုရားကျောင်းတွင် တွေ့ဆုံကာ ဟောပြောရာတွင် အခုလို တွေ့ဆုံခွင့်ရသည့်အတွက် ဘုရားသခင်ကို ကျေးဇူးတင်ကြောင်း၊ ခုလိုလာရောက်တွေ့ဆုံရခြင်းဟာ ဘုန်းတော်ကြီးတွေ ဘာသာတူတွေအတူတကွ မစ္ဆားပူဇော်ခြင်းဟာ ဘယ်အရာနဲ့မှ နှိုင်းဆမရနိုင်သော အရာဖြစ်ကြောင်း၊အဓိက အရေးကြီးဆုံးမှာ ယုံကြည်ခြင်းဖြစ်ကြောင်း၊ ထာဝရအသက်ကိုရမည့် သခင်ယေဇူးရဲ့ဘဝထဲမှာ မြုပ်နှံသွားပြီဆိုပါက အပြည့်အစုံဘဝကို ရရှိမှာဖြစ်ကြောင်း၊ မေတ္တာတရားလုပ်ငန်းတွေကို လုပ်ဆောင်ဖို့လိုကြောင်း၊ စားဝတ်နေရေး၊ ပညာရေး၊ကျန်းမာရေးတွေမှာ မရှိ ဆင်းရဲသားတွေကို မေတ္တာတရားဖြင့် ဝိုင်းဝန်း ကူညီဆောင်ရွက်စေလိုကြောင်း၊ ကိုယ့်ဘုရားကျောင်း ကိုယ့်သာသနာကို ကိုယ့်ဒေသခံဘာသာတူတွေဟာ တိုးတက်အောင် လုပ်ဆောင်သွားကြဖို့ တာဝန်ရှိကြောင်း၊ ဟောကြားခဲ့ပါသည်။

ဆက်လက်ပြီး မိတ္ထီလာဇုံမှုး ဘုန်းဘုန်း မောင်ဆန်းမှလည်း သူ့တာဝန်ကိုယ့်တာဝန်တွေကို အင်တိုက်အားတိုက် လုပ်ဆောင်စေလိုကြောင်း၊ ကိုရင်ဘဝက ဒီမှာ တာဝန်ကျစဉ်ကနှင့် အခုရောက်တဲ့အချိန်မှာ အများကြီးတိုးတက်လာတာကို တွေ့ရကြောင်း၊ သာသနာတိုင်းမှာ အဖွဲ့အစည်းတွေဖွဲ့စည်းပြီး လုပ်ဆောင်ကြဖို့လိုကြောင်း၊ ဝတ်ပြုကိုးကွယ်ခြင်းနှင့် ပတ်သက်ပြီး သူ့ကဏ္ဍနှင့်သူ လှုပ်ရှားကြမှသာလျှင် တိုးတက်မည်ဖြစ်ကြောင်း၊ ခရစ်ယာန်မိသားစုတိုင်း ငြိမ်းချမ်းစွာနေထိုင်ကြခြင်းဖြင့် ကောင်းသောအကျင့်ကို ကျင့်ဆောက်တည်ကြရမှ ဖြစ်ကြောင်း ဟောပြောတော်မူခဲ့ပါသည်။

အဲဒီနောက် တောင်တွင်းကြီးဇုံမှုး ဘုန်းဘုန်းဂြိုဟ်တုက မစ္ဆားပူဇော်ခြင်းဟာ လူသားအားလုံးကို ကောင်းချီး မင်္ဂလာခံစားနိုင်ကြောင်း၊လုပ်ဆောင်ဖို့ရန်အတွက် ဆန္ဒပြင်းပြရန်လိုအပ်ကြောင်းကို ဟောကြားခဲ့ပါသည်။

အဲဒီင်္နောက် ၁၅.၇.၂၀၁၅နေ့နံနက်တွင် အတူတကွ မစ္ဆားပူဇော်ခဲ့ကြပါသည်။ မစ္ဆားအပြီးတွင် မှတ်တမ်းတင် ဓာတ်ပုံရိုက်ကူးကာ နံနက်စာ သုံးဆောင်ပြီးနောက် ဆရာတော်ကြီးနှင့်အဖွဲ့သည် ညောင်ပင်သာရွာသို့ ဆက်လက် ထွက်ခွာလာခဲ့ကြပါသည်။

ပင်ကီ(၁၅.၇.၂၀၁၅)

Comments