ဆရာတော်ကြီး နီကောလာစ်းမန်ထန်း မုံရွာဇုံအတွင်းရှိ စစ်ကိုင်းဘုရားကျောင်းမှ ဘာသာတူများနှင့် တွေ့ဆုံခြင်း

posted 28 Jul 2015, 02:57 by MANDALAY CATHOLIC ARCHDIOCESE   [ updated 28 Jul 2015, 02:58 ]
မန္တလေးကက်သလစ်ဂိုဏ်းချုပ်သာသနာမှ ဆရာတော်ကြီး နီကောလာစ်းမန်ထန်း မုံရွာဇုံအတွင်းရှိ စစ်ကိုင်းဘုရားကျောင်းမှ ဘာသာတူများနှင့် တွေ့ဆုံခြင်း 

25.7.2015 ရက်နေ့က မန္တလေး ကက်သလစ် ဂိုဏ်းချုပ်သာသနာမှ ဆရာတော်ကြီး နီကောလာစ်းမန်ထန်း၊ မုံရွာဇုံမှ ဘုန်းတော်ကြီးများသည် စစ်ကိုင်းမြို့မှ ဘာသာတူများနှင့် တွေ့ဆုံခဲ့ပါသည်။ ဆရာတော်ကြီးသည် ဘာသာတူများအား တွေ့ဆုံခွင့်ရသည့်အတွက် ဝမ်းမြောက်ကြောင်း ယခုလာရောက်ရခြင်းသည် ဘာသာတူများနှင့်အတူ မစ္ဆားတရား အတူတကွ ပြုလုပ်လိုသောကြောင့်ဖြစ်ကြောင်း၊မိသားစုမှ အခြေခံသော ကက်သလစ်သာသနာတော်ကြီးဖြစ်စေလိုကြောင်း၊ အဓိကပြောချင်သည်မှာ နှုတ်ကပတ်တော်ကဏ္ဍ၊ဝတ်ပြုကိုးကွယ်ခြင်းကဏ္ဍ၊ ကရုဏာရေးကဏ္ဍများကို အဖွဲ့အစည်းများ ဖွဲ့စည်းကာ မိမိသာသနာ မိမိဘုရားကျောင်းတော်ကြီး တိုးတက်စေဖို့ရန်အတွက်  ဒေသခံဘာသာတူများက အတူတကွ ပူးပေါင်းလုပ်ဆောင်ပေးစေလိုကြောင်း  သမ္မာကျမ်းစာ ဖတ်ကြားရာတွင်လည်း နားထဲစိမ့်ဝင်အောင် ပြင်ဆင် ဖတ်ရှုရန်လိုအပ်ကြောင်း၊ ဘုရားနှင့်နေသူများသည် ဘုရားသခင်၏ ကျေးဇူးတော်ကို အမြဲခံစားရကြောင်းကို မြွတ်ကြားတော်မူခဲ့ပါသည်။ ဆက်လက်ပြီး မုံရွာဇုံမှုး ဘုန်းဘုန်း ပီတာလှရွှေမှလည်း ဘာသာတူများအား ဝိညာဉ်ရေးနှင့် ကာယရေးကို နှစ်ခုတွဲပြီး လုပ်ဆောင်စေလိုကြောင်း၊ ကာယရေးအတွက် စီးပွားရေးအလုပ်လုပ်သလို ဝိညာဉ်ရေးတွင်လည်း ဘာသာရေးလုပ်ငန်းများကို ဒွန်တွဲ လုပ်ဆောင်စေလိုကြောင်းကို မြွတ်ကြားတော်မူခဲ့ပါသည်။

အဲဒီနောက် ၂၆.၇.၂၀၁၅ ရက်နေ့ နံနက် (၇း၃၀) နာရီတွင် မစ္ဆားတရားတော်မြတ်ကို အတူအတကွ ပူဇော်ခဲ့ကြပါသည်။မစ္ဆားတရားအပြီးတွင် ဘာသာတူများနှင့်အတူ မှတ်တမ်းတင် ဓာတ်ပုံရိုက်ကူးခဲ့ကြပါသည်။ အဲဒီနောက် စစ်ကိုင်းဘုရားကျောင်းမှ ဘာသာတူများသည် မိဘကန်တော့ပွဲကို ကျင်းပပြုလုပ်ခဲ့ကြပါသည်။ ဆရာတော်ကြီးများ၊ ဘုန်းတော်ကြီးများနှင့် သက်ကြီးရွယ်အို မိဘများကို လက်ဆောင်များ ပေးလှူခဲ့ကြပါသည်။ အဲဒီနောက် ဖျော်ဖြေရေး အစီအစဉ်ဖြင့် ဖျော်ဖြေခဲ့ကြပြီးနောက် နေ့လည်စာသုံးဆောင်ခဲ့ကြပြီး မန္တလေးသို့ ပြန်လည် ထွက်ခွာလာခဲ့ကြပါသည်။

ပင်ကီ (၂၆.၇.၂၀၁၅)

Comments