National Consulation Workshops for liturgy and O.T.C ) အစည်းအဝေး ပြုလုပ်

posted 30 Jul 2015, 23:26 by MANDALAY CATHOLIC ARCHDIOCESE   [ updated 30 Jul 2015, 23:27 ]
National Consulation Workshops for Liturgy And O.T.C

၂၀၁၅၊ ဇူလိုင် ၂၈-၃၀ ထိ မန္တလေး ကက်သလစ်သာသနာအတွင်းရှိ ပလိပ် (ချမ်းသာကုန်း စိပ်ပုတီးမယ်တော်သခင်မ ဘုရားကျောင်းဝင်းအတွင်းတွင် ( National Consulation Workshops for liturgy and O.T.C ) အစည်းဝေးပွဲတစ်ခုကို
ပြုလုပ်ခဲ့ပါသည်။ ထိုအစည်းဝေးပွဲသို့  မန္တလေးကက်သလစ် သာသနာမှ ဆရာတော်ကြီး နီကောလာစ်းမန်ထန်း ၊တောင်ကြီး ကက်သလစ်သာသနာမှ ဆရာတော်ကြီး ဘာစီလီယို အားသိုက်နှင့် သာသနာအသီးသီး မှ ဘုန်းတော်ကြီး (၂၆)ပါးနှင့် မျိုးကြဲသူစာစောင်မှ အယ်ဒီတာ ကိုအောင်မင်းနောင်တို့ ပါဝင်တက်ရောက်ခဲ့ကြပါသည်။

အစည်းဝေးပွဲတွင် ဆရာတော်နှစ်ပါးနှင့်အတူ ဘုန်းတော်ကြီးများသည် ကက်သလစ်ဘာသာတွင် သုံးမြဲဖြစ်သော ဘာသာရေးဝေါဟာရများနှင့် မစ္ဆားတရားတော်မြတ်ဆိုင်ရာ ဝတ်ပြုကိုးကွယ်ခြင်း အစီအစဉ်တွင် အသုံးပြုကြမည့် စကားအသုံးအနှုန်းများအား မြန်မာ့စာပေ ယဉ်ကျေးမှုနှင့် ကိုက်ညီရေးအတွက် အဓိကထားဆွေးနွေးခဲ့ကြပါသည်။ လက်ရှိအသုံးပြုနေသော မစ္ဆားတရားတော်မြတ်ဆိုင်ရာ ဝိနည်းစာအုပ်ထဲမှ စကားလုံးအနည်းငယ်အား မူရင်းနှင့်တကွ ပိုမိုကောင်းမွန်သင့်လျော်သော စကားလုံးများကို အသုံးပြုရန် ဆွေးနွေးခဲ့ကြပါသည်။ ပြောင်းလဲရန်လိုအပ်သည့် စကားအသုံးအနှုန်း အနည်းငယ်အား မိမိတို့အဖွဲ့အလိုက် သေချာပြန်လည် ဆွေးနွေးတိုင်ပင်ခဲ့ကြရန်နှင့် နောက်တစ်ကြိမ်ပြုလုပ်မည့် အစည်းအဝေးတွင် ပြန်လည်တင်ပြရန် ဆုံးဖြတ်ခဲ့ကြသည်ဟု သိရှိရပါသည်။

Liturgy and O.T.C အဖွဲ့၏ နာယကမှာ မန္တလေးကက်သလစ်သာသနာမှ ဆရာတော်ကြီး နီကောလာစ်းမန်ထန်းဖြစ်ပါသည်။ ယခုအကြိမ် စည်းဝေးဆွေးနွေးခြင်းသည် ဆဌမအကြိမ် မြောက်ဖြစ်သည်ဟုသိရှိရပါသည်။ နောက်တစ်ကြိမ်ပြုလုပ်မည့်အစည်းအဝေးအား လာမည့် နိုဝင်ဘာလတွင် ပြန်လည်ပြုလုပ်မည်ဟု သိရှိရပါသည်။

                                                ပင်ကီ(၃၁.၇.၂၀၁၅)
Comments