ဆရာတော်ကြီး ညောင်ပင်သာရွာရှိ ဘာသာဝင်များနှင့် တွေ့ဆုံ

posted 25 Jul 2015, 19:24 by MANDALAY CATHOLIC ARCHDIOCESE   [ updated 25 Jul 2015, 19:24 ]
၁၅.၇.၂၀၁၅ ရက်နေ့ ညတွင် မန္တလေးဂိုဏ်းချုပ်သာသနာမှ ဆရာတော်ကြီး နီကောလားစ်မန်ထန်းသည် တောင်တွင်ကြီးဇုံ ညောင်ပင်သာရွာရှိ ကက်သလစ်ခရစ်ယာန်ဘာသာဝင်များနှင့် တွေ့ဆုံဟောပြောမှုကိုပြုလုပ်ခဲ့ပါသည်။ 

တောင်တွင်းကြီးဇုံမှုး ဘုန်းဘုန်းဂြိုဟ်တု၊ မိတ္ထီလာဇုံမှုး ဘုန်းဘုန်းမောင်ဆန်း၊Fr.Soe Tun, Fr.Zaw Win,Fr.Win Nyo, Fr.Pyone Cho,Fr.Myo Zaw Win ,Fr.Tun Tun Naing,Fr.Mang Sian Mung,Fr.Htun Theik, တို့ပါဝင်ခဲ့ကြပါသည်။

ဆရာတော်ကြီးသည် ဘာသာတူများကို သြဝါဒမြွတ်ကြားရာတွင် ကက်သလစ်သာသနာဆိုတာ ကိုယ်ခန္ဓာရဲ့ ဦးခေါင်းဖြစ်ပါတယ်။ခန္ဓာကိုယ်မှာ အစိတ်အပိုင်းအမျိုးမျိုးရှိကြောင်း၊ ထိုအစိတ်အပိုင်းထဲမှ တစ်နေရာရာ ရောဂါရပါက မကောင်းကြောင်း၊ ဒါကြောင့် အသင်းတော်ကြီးဟာလည်း ခရစ်တော်ရဲ့ ခန္ဓာကိုယ်ဖြစ်ပါတယ်။ မန္တလေးသာသနာ အတွင်းမှာ၇ှိတဲ့ ညောင်ပင်သာရွာဟာလည်း အစိတ်အပိုင်းတစ်ခု ဖြစ်ပါတယ်။ ဒါကြောင့် ညောင်ပင်သာရွာမှာရှိတဲ့ ဘာသာဝင်တွေဟာ မပါဝင်လို့ မဖြစ်ပါဘူး ဆိုတာကို ဆရာတော်အနေနဲ့လာပြီး သတင်းပို့တာဖြစ်ကြောင်း၊ ကိုယ့်ဒေသ ကိုယ့်ဘုရားကျောင်း ကိုယ့်သာသနာ တိုးတက်ဖို့ အဓိကက ဒေသခံတွေဖြစ်ကြောင်း၊ သာသနာအတွက် အကျိုးဆောင်တာဟာ ကိုယ့်အကျိုးဆောင်တာနှင့် တူကြောင်း၊ သမ္မာကျမ်းစာဖြစ်တဲ့ ဘုရားသခင်၏ နှုတ်ကပတ်တော်ကဏ္ဍ၊ ဝတ်ပြုကိုးကွယ်ခြင်းကဏ္ဍနှင့် ကရုဏာရေးကဏ္ဍတွေကိုလည်း ဒေသခံတွေအနေနှင့် ဝိုင်းဝန်း လုပ်ဆောင်သွားကြပါဟု မြွတ်ကြားတော်မူခဲ့ပါသည်။

ဆက်လက်ပြီး မိတ္ထီလာဇုံမှုး Fr.JohnMgSanမှလည်း အကျင့်မပါတဲ့ ယုံကြည်ခြင်းဟာ အသေ ဖြစ်ကြောင်း ကိုယ်ယုံကြည်တဲ့အတိုင်း ကျင့်ကြံ ကြိုးစားလိုက်နာမှသာလျှင် ကောင်းမွန်တဲ့ အကျင့်ဖြစ်ကြောင်း၊ ဘာသာေ၇း၊သာသနာရေးကို စေတနာအပြည့်ဖြင့် လုပ်ဆောင်ကြဖို့လိုကြောင်း၊ ဘာသာတူ အားလုံးပါဝင်ပြီး ဘုရားကို ချီးမွမ်းရင်း ဆက်လက်ကြိုးစားသွားကြပါဟု မိန့်ကြားတော်မူခဲ့ပါသည်။
အဲဒီနောက် တောင်တွင်းကြီးဇုံမှုး ညောင်ပင်သာရွာမှကျောင်းထိုင်ဘုန်းတော်ကြီး Fr.JoDu မှလည်း ထာဝရဘုရားကို မြည်းစမ်းကြည့်ပါက ကောင်းချီးမင်္ဂလာများ ရလိမ့်မည်ဖြစ်ကြောင်း ဆယ်ဖို့တစ်ဖို့ လှူဒါန်းခြင်းသည်များစွာ အကျိုးရှိကြောင်း၊ ဒီကနေ့မှာပဲ ထာဝရဘုရားရဲ့ ကောင်းချီး (၂)ခုကို လက်တွေ့ခံစားရကြောင်း၊ ကောင်းချီးတစ်ခုမှာ ညောင်ပင်သာရွာအတွက် သိန်း(၇၀)တန် လျှပ်စစ်မီးကို ဆရာတော်မှ လုပ်ဆောင်ပေးမည့် သတင်းကောင်းနှင့် ညောင်ပင်သာရွာအတွက် ဝန်ကြီးမှ စာသင်ဆောင် ၃ဆောင် ထပ်မံဆောက်လုပ်ပေးမည့် သတင်းကောင်းများဟာ ဘုရားသခင်ပေးသနားတော်မူသည့် ကောင်းချီးမင်္ဂလာများဖြစ်ကြောင်း ပြောကြားခဲ့ပါသည်။

ထို့နောက် (၁၆.၇.၂၀၁၅) ရက်နေ့ နံနက်(၆း၃၀) နာရီတွင် ဆရာတော်ကြီးများ ဘုန်းတော်ကြီးများ၊ သီလရှင်များနှင့် အတူ ညောင်ပင်သာရွာမှ ဘာသာတူများ စုပေါင်းကာ မစ္ဆားတရားကိုပူဇော်ခဲ့ကြပါသည်။ မစ္ဆားအပြီးတွင် ဆရာတော်ကြီးနှင့်အတူ မှတ်တမ်းတင် ဓာတ်ပုံရိုက်ကူးခဲ့ကြပါသည်။ ထို့နောက် နံနက်စာသုံးဆောင်ပြီး မန္တလေးမြို့သို့ ပြန်လည် ထွက်ခွာလာခဲ့ကြပါသည်။

ပင်ကီ (၁၆.၇.၂၀၁၅)

Comments