မုံရွာမြို့ ဘာသာတူများနှင့် ဆရာတော်တွေ့ဆုံခြင်းနှင့် ကျောင်းဆောင်သစ်အား လှူဒါန်းခြင်း အခမ်းအနား

posted 28 Jul 2015, 02:45 by MANDALAY CATHOLIC ARCHDIOCESE   [ updated 28 Jul 2015, 02:46 ]
 မုံရွာမြို့စိန်ဂျိုးဇက်ဘုရားကျောင်းမှ ဘာသာတူများနှင့် ဆရာတော်ဘုရားတွေ့ဆုံခြင်းနှင့် ကျောင်းဆောင်သစ်အား သာသနာသို့ လွှဲပြောင်းလှူဒါန်းခြင်း အခမ်းအနားကျင်းပခြင်း

၂၃.၇.၂၀၁၅ ရက်နေ့ ညက မန္တလေးကက်သလစ်သာသနာမှ ဂိုဏ်းချုပ်ဆရာတော်ကြီး နီကောလာစ်း မန်ထန်း၊ မိတ္ထီလာဇုံမှုးနှင့်  မုံရွာဇုံမှ ဘုန်းတော်ကြီးများသည် မုံရွာမြို့ စိန်ဂျိုးဇက်ဘုရားကျောင်းမှ ဘာသာတူများအား တွေ့ဆုံဟောပြောမှုတစ်ခုကို ပြုလုပ်ခဲ့ပါသည်။

ဆရာတော်ကြီးသည် ဘာသာတူများအား မိသားစုမှ အခြေခံသော ကက်သလစ်သာသနာတော်ကြီး ဖြစ်စေလိုကြောင်း၊ မိမိသာသနာ မိမိဘုရားကျောင်း တိုးတက်စေရန်အတွက် ဝိုင်းဝန်း ဆောင်ရွက်စေလိုကြောင်း၊ အဓိကအားဖြင့် နှုတ်ကပတ်တော်ကဏ္ဍ၊ဝတ်ပြုကိုးကွယ်ခြင်းကဏ္ဍ၊ ကရုဏာရေးကဏ္ဍ စသည့်အချက် (၃)ချက်ကို စနစ်တကျ အဖွဲ့အစည်းများ ဖွဲ့စည်းခြင်း ဆောင်ရွက်စေလိုကြောင်းကို မြွတ်ကြားတော်မူခဲ့ပါသည်။ ဆက်လက်ပြီး မိတ္ထီလာဇုံမှုး ဘုန်းဘုန်းမောင်ဆန်းမှလည်း ဆေးကြောခြင်းခံယူပြီးသူတိုင်း သာသနာရေး ဘာသာရေးကို လုပ်ဆောင်ရန် တာဝန်ရှိကြောင်း၊ အားလုံးပါဝင်မှသာလျှင် သာသနာ တိုးတက်မည်ဖြစ်ကြောင်း၊ ဘုရားသခင်၏ တရားတော်ကို ရိုသေလေးစားစွာဖြင့် လိုက်နာဆောင်ရွက်ကာ ကျင့်ဆောက်တည်ကြဖို့ တိုက်တွန်းချင်ကြောင်း ပြောကြားတော်မူခဲ့ပါသည်။ ထို့နောက် မုံရွာဇုံမှုး ဘုန်းဘုန်း ပီတာလှရွှေမှလည်း ဘာသာတူများ ဝိညာဉ်ရေးပိုင်း ကာယရေးပိုင်းကို မျှမျှတတ လုပ်ဆောင်ကြခြင်းဖြင့် ကောင်းကင်နိုင်ငံရောက်ရန် ကြိုးစားကြစေလိုကြောင်းနှင့် ဆရာတော်ဘုရားအား ကျေးဇူးတင်ကြောင်းကို ပြောကြားခဲ့ပါသည်။

ဆက်လက်ပြီး၂၄.၇.၂၀၁၅ ရက်နေ့ နံနက် (၇း၀၀)နာရီတွင် မုံရွာမြို့ စိန်ဂျိုးဇက်ဘုရားကျောင်းဝင်းအတွင်းမှ ကျောင်းထိုင် ဘုန်းတော်ကြီးကျောင်းဆောင်သစ်အား သာသနာသို့ လွှဲပြောင်းလှူဒါန်းခြင်း ကျေးဇူးတင်မစ္ဆားတရား ပူဇော်ခြင်း အခမ်းအနားကို ကျင်းပပြုလုပ်ခဲ့ကြပါသည်။ ထိုအခမ်းအနားသို့ မန္တလေးကက်သလစ်သာသနာမှ ဆရာတော်ကြီး နီကောလာစ်းမန်ထန်း၊ ဘုန်းတော်ကြီး (၂၃)ပါး၊ သီလရှင်များ၊ မုံရွာမြို့နယ် ဖွံ့ဖြိုးတိုးတက်ရေး အထောက်အကူပြု ကော်မတီအတွင်းရေးမှုး ဦးမျိုးမြင့် နှင့် ရပ်နီးရပ်ဝေးမှ ဘာသာတူများ (၂၀၀)ကျော် ပါဝင်တက်ရောက်ခဲ့ကြပါသည်။

မစ္ဆားပူဇော်ခြင်းအပြီး ကျောင်းဆောင်သစ်ဖွင့်ပွဲအခမ်းအနားတွင် ဆရာတော်ဘုရားမှ ကျောင်းဆောင်သစ်အား ကောင်းချီးပေး ဆုတောင်း မေတ္တာရွတ်ဆိုခြင်း၊ မေတ္တာရေ ပတ်ဖျန်းခြင်း၊ ဖဲကြိုးဖြတ် ဖွင့်လှစ်ခြင်း၊ အလှူရှင် ဒေါ်ခင်ပုလဲမှ ဆရာတော်အား အဆောက်အဉ်ီးအား လွဲပြောင်းပေးအပ်ခြင်း၊ ဆရာတော်မှ အလှူရှင်အား ဂုဏ်ပြု မှတ်တမ်းလွှာ ပြန်လည်ပေးအပ်ခြင်း၊ မုံရွာမြို့ စိန်ဂျိုးဇက် သာသနာအုပ်စုမှ ဆရာတော်အား ဂုဏ်ပြု ပန်းခြင်း ပေးအပ်ကြခြင်း၊ ကျောင်းဆောင်သစ် အတွင်းရှိ ပစ္စည်းအလှူရှင်များအား ဂုဏ်ပြု မှတ်တမ်းလွှာပေးအပ်ခြင်း၊ အင်ဂျင်နီယာ ဦးမင်းမင်းအား ဂုဏ်ပြုမှတ်တမ်းလွှာပေးအပ်ခြင်း တို့ကို ပြုလုပ်ခဲ့ပါသည်။ ထို့နောက် ကြွရောက်လာသော ဧည့်သည်များအား နေ့လည်စာဖြင့် ဧည့်ခံ ကျွေးမွေးခဲ့ပြီးနောက် အခမ်းအနားကို အောင်မြင်စွာ ကျင်းပ ပြီးစီးခဲ့ပါသည်။ 

နေ့လည်(၂း၀၀)နာရီ အချိန်တွင် ဆ၇ာတော်ဘုရားနှင့် အဖွဲ့သည် နဘက်ရွာသို့ ဆက်လက် ထွက်ခွာလာခဲ့ကြပါသည်။

Comments