ကိုယ်တော်မြတ် ကိုးကွယ် ဖူးမျှော်ဆောင် ကောင်းကြီးပေး ဖွင့်ပွဲ အခမ်းအနား (ချမ်းသာကုန်း)

posted 6 Jun 2013, 23:46 by MANDALAY CATHOLIC ARCHDIOCESE   [ updated 6 Jun 2013, 23:47 ]
ကိုယ်တော်မြတ် ကိုးကွယ် ဖူးမျှော်ဆောင် ကောင်းကြီးပေး ဖွင့်ပွဲ အခမ်းအနား (ချမ်းသာကုန်း)

    မန္တလေး ဂိုဏ်းချုပ်သာသနာ ချမ်းသာကုန်းရွာ စိပ်ပုတီး သခင်မဘုရားကျောင်းဝင်း ကိုယ်တော်မြတ် ကိုးကွယ် ဖူးမျှော်ဆောင် ကောင်းချီးပေးဖွင့်ပွဲ အခမ်းအနားကို 22.5.2013 နေ့ နံနက် ၈း၀၀ နာရီတွင် မစ္ဆားတရားဖြင့် စတင်ရာ Lasallette Fr.Jerome မှ ကြိုဆို နှုတ်ခွန်းဆက် စကားပြောကြားခြင်း၊ ဆရာတော် ပေါလ်ဇိန်တုန်း ဂရောင် ဦးဆောင်ပြီး Fr.Philip နော်အောင် (Lasallette)၊ Fr.Peter လှရွှေ ၀ိုင်းရံပြီး ရဟန်းတော်များဖြင့် ကိုယ်တော်မြတ် ကိုးကွယ် ဖူးမျှော်ဆောင် ဖွင့်လှစ်ခြင်း ရည်ရွယ်ချက်ဖြင့် ပူဇော်ခဲ့၏။

    နံနက် ၉း၀၀ နာရီတွင် ကိုယ်တော်မြတ် ကိုးကွယ် ဖူးမျှော်ဆောင်ကို ဆရာတော် ပေါလ်ဂရောင်မှ ကောင်ချီးပေး၊ လှော်ဗန် ပူဇော်ခြင်း၊ မေတ္တာ ရေပက်ဖြန်းခြင်း၊ ဖဲကြိုး ဖြတ်၍ ဖွင့်လှစ်ရာ ကိုယ်တော်မြတ် စက္ကရမင်းတူးကို Fr.David ကျော်ကျော်လွင်မှ ပင့်ဆောင်လာပြီး ကိုယ်တော်မြတ် ကိုးကွယ် ဖူးမျှော်ဆောင် အတွင်း ကျိန်းဝပ် စံပယ်စေ၏။  ယေဇူး ဘုရားရှင် စံပယ်သော ကိုယ်တော်မြတ် ပလ္လင်ကို သန့်ရှင်းသောမြေ Holy Land မှ သဲ၊ ကျောက်တုံးကို ဆရာတော် ဖရန်စစ်မှ ယူဆောင်ခဲ့ခြင်း၊ ပြင်သစ်နိုင်ငံ လုဒ်စ် မယ်တော် တန်ခိုးတော်ရေ၊ လာဆလက် တောင်ကုန်းမှ ကျောက်တုံးကို Fr.Jerome မှ ယူဆောင်လာပြီး ဌာပနာသွင်း ကာ တည်ထား ကိန်းဝပ်၏။

    အလှူဒကာ ဒေါ်ခင်ရီမှ ကျေးဇူးတင် စကားပြောကြား၏။ ချမ်းသာကုန်းရွာ ကိုယ်တော်မြတ် ကိုးကွယ်ဖူးမျှော်ဆောင်ကို မုံရွာမြို့ ဗိုလ်ချုပ်လမ်းနေ ဦးကျော်ဝင်း (M.P.P.E ငြိမ်း) + ဒေါ်ခင်ရီ၊ သမီးများ မအိဖြူဝင်း၊ မအေမီကျော် မိသားစုမှ ဆောက်လုပ် လှူဒါန်းခဲ့၏။ ကိုယ်တော်မြတ် ကိုးကွယ်ဖူးမျှော်ဆောင် ဖွင့်လှစ်ခြင်း အခမ်းအနားသို့ ဆရာတော်ပေါလ်၊ ရဟန်းတော် (၂၄)ပါး၊ သီလရှင် (၁၀)ပါး၊ ကိုရင် (၄)ပါးနှင့် မုံရွာ၊ နံဘက်၊ မန္တလေး ချမ်းသာကုန်း ဘာသာဝင်၂၀၀ တက်ရောက် ခဲ့၏။

    ဦးကျော်ဝင်း + ဒေါ်ခင်ရီ မိသားစု ဘုရားရှင်၏ ကောင်းချီးမင်္ဂလာ ကျေးဇူးတော်များ ခံစား ရရှိပြီး၊ ကိုယ်ကျန်းမာ စိတ်ချမ်းသာလျှက်၊ ရည်ရွယ်ချက်များ၊ လိုအင် ဆန္ဒများ ပြည့်စုံပါစေ၊ သာသနာ အကျိုးကို အစဉ်အမြဲ ပံ့ပိုးနိုင်သော မိသားစုများ ဖြစ်ပါစေလို့ ဆုတောင်းပေးရင်း ..

နီလာစမိုင်းလ် (ရေဦး)