မန္တလေးသာသနာလုံးဆိုင်ရာ သက်ထွေးလူငယ်သင်တန်း ကျင်းပ

posted 30 Mar 2016, 02:42 by MANDALAY CATHOLIC ARCHDIOCESE   [ updated 30 Mar 2016, 02:43 ]
မန္တလေးသာသနာလုံးဆိုင်ရာ သက်ထွေးလူငယ်သင်တန်း ကျင်းပ

နှစ်စဉ် ကျင်းပပြုလုပ်သော မန္တလေးသာသနာလုံးဆိုင်ရာ သက်ထွေးလူငယ်သင်တန်းကို မန္တလေး သာသနာလုံးဆိုင်ရာ ဂိုဏ်းပေါင်းစုံ သူတော်စင်များအသင်းမှ ဦးဆောင်ကာ ပုလိပ်မြို့ ချမ်းသာကုန်းမယ်တော် ဘုရားကျောင်းဝင်းအတွင်းတွင် ( မတ်လ၂၈-ဧပြီ ၁)ရက် နေ့အထိ “သနားကြင်နာခြင်းရှိကြလော့” ဟူသော ခေါင်းစဉ်ဖြင့် ကျင်းပပြုလုပ်ခဲ့ပါသည်။

သင်တန်းတွင် ဂိုဏ်းပေါင်းစုံမှ သူတော်စင်အပါး (၄၀)ကျော်တို့က သင်တန်းအတွင်း ပို့ချချက် (၆)ချက်ဖြင့် သင်ကြားပေးခဲ့သည်ဟု သိရှိရပါသည်။ ကရုဏာလူမှုရေးလုပ်ငန်းစဉ် (၆)ချက်ဖြစ်သော (၁) စားစရာမရှိ သူများအား စားစရာပေးရန်။ (၂) ရေငတ်သော သူတို့အား ရေပေးရန်။ (၃) အဝတ်အစားမရှိ သူတို့အား အဝတ်အစား လှူဒါန်းပေးရန်။ (၄) အကျဉ်းကျနေသော သူများအား ကူညီထောက်ပံ့ပေးရန်။ (၅) ဖျားနာနေသော သူတို့အား ကူညီစောင့်ရှောက်ရန်/ သွားရောက်ကြည့်ရှူ့ရန်။ (၆) ကွယ်လွန်သွားသော သူတို့အတွက် ကောင်းမှု ကုသိုလ်ပြုလုပ်ပေးခြင်း စသည့် ခေါင်းစဉ်များဖြင့် အဖွဲ့ ခြောက်ဖွဲ့ ခွဲကာ သင်တန်းပို့ချပေးသည်ဟု  Fr.Peter မျိုးခင်ထံမှ သိရှိခဲ့ရပါသည်။
သင်တန်းသို့ တက်ရောက်လာသော သက်ထွေး လူငယ်တစ်ဦးမှလည်း “ သင်တန်း တက်လာတာ အခုအခေါက်နှင့်ဆို သုံးနှစ်ရှိပြီ ဖြစ်ကြောင်း၊ ပျော်ကြောင်း၊ ပို့ချချက်များကိုလည်း ရွာမှ မလိုက်နိုင်သော သူငယ်ချင်းများအား ပြန်လည် ဝေမျှသွားမှာ ဖြစ်ကြောင်း၊ ”ရွာတော်ရွာမှ မရွှန်းလဲ့ခိုင်က ပြောပြပေးခဲ့ပါသည်။
သင်တန်းကို ပြုလုပ်ရခြင်း၏ ရည်ရွယ်ချက်မှာ (၄)ချက်ရှိကြောင်း (၁)ကောင်းသော ခရစ်ယာန်များ ဖြစ်စေရန်။ (၂) ကောင်းသော နိုင်ငံသားများဖြစ်စေရန်။ (၃) သာသနာပြု လူငယ်တမန်တော်ဖြစ်ရန်။ (၄) သနား ကြင်နာတတ်သော ဘုရားသခင်၏ သားငယ်၊ သမီးငယ်များဖြစ်ရန်ဟူသော ရည်ရွယ်ချက်ဖြစ်ကြောင်း၊ ဂိုဏ်းပေါင်းစုံသူတော်စင်များအသင်းမှ Fr.Peter မျိုးခင်မှပြောပြခဲ့ပါသည်။


သင်တန်းအား မန္တလေးသာသသနာအတွင်းရှိ သာသနာအုပ်စုအသီးသီးရှိ အသက်(၇နှစ်မှ ၁၄နှစ်) အတွင်းရှိ ကလေးငယ်များသာ တက်ရောက်ခွင့်ရှိသည်ဟု သိရှိရပါသည်။ သက်ထွေးလူငယ် ပေါင်း(၄၈၀) ယောက် ပါဝင် တက်ရောက်ခဲ့ကြပါသည်။ သင်တန်းရက်အတွင်း ဦးမြင့်ဝေမိသားစုမှ ကလေးငယ်များအား နံနက်စာ၊ နေ့လည်စာ၊ ညစာ၊အား လှူဒါန်းသည်ဟုလည်း သိရှိရပါသည်။ 

ပင်ကီ (MDY- OSC)
 30.3.2016

Comments