ကျန်းမာရေးကော်မရှင်မှ ကုသိုလ်ဖြစ် ဆေးဝါးကုသမှုများ ပြုလုပ်ပေးခြင်းသတင်း

posted 1 Sep 2016, 21:06 by MANDALAY CATHOLIC ARCHDIOCESE   [ updated 1 Sep 2016, 21:06 ]

မန္တလေးကက်သလစ် ဂိုဏ်းချုပ်သာသနာမှ Fr.Dominic Thiha ဦးဆောင်သော ကျန်းမာရေး ကော်မရှင်အဖွဲ့သည် ၂၈.၈.၂၀၁၆ရက်နေ့က St. John ဘုရားကျောင်း တွင် ဆေးဝါးကုသမှုတစ်ခုကို ပြုလုပ်ပေးခဲ့ပါသည်။

ကျန်းမာရေးကော်မှရှင်မှ အဖွဲ့ဝင်တစ်ဦး ဖြစ်သည့် ဒေါ်ဂျူလီယာ ကြူကြူခင် မှ ဆေးကုသမှု ခံယူရန် ရောက်ရှိလာသူများကို Fr.Dominic Thiha မှ ကျန်းမာရေး နှင့်ပတ်သက်သော ဗဟုသုတများကို ရှင်းလင်းပြောကြားခဲ့ကြောင်း ၊ Dr.Nay Myo Thu မှလည်း သွားကျန်းမာရေးနှင့် ပတ်သက်ပြီး သိသင့်သိထိုက် သည်များကို ရှင်းလင်း ပြောကြားကြောင်း၊ Dr.Novel မှ အထွေထွေ ကျန်းမာရေး ဗဟုသုတများ၊ အထူးသဖြင့် ရေကြီး ရေလျှံချိန်နှင့် မိုးတွင်းတွင်ဖြစ်ပေါ်တတ် သောရောဂါများ အကြောင်းကို ကြိုတင် ကာကွယ်နိုင်ရန်နှင့် ရောဂါများဖြစ်ပေါ်လာလျှင်လည်း တတ်ကျွမ်းတဲ့ ကျန်းမာရေးဝန်ထမ်းများနှင့် အချိန်မှီ ကုသနိုင်ဖို့ရန်တွက် ရှင်းလင်း ပြောကြားပေးခဲ့ကြသည်ဟု ပြောပြခဲ့ပါသည်။

စိန်ဂျွန်းသာသနာမှ လူနာပေါင်း (၅၀)ကျော်မှ ဆေးဝါးကုသမှုကို လာရောက် ခံယူကြရာ အထူးသဖြင့် သွားနှင့် ပတ်သက်သော လူနာများအား ကုသမှုပြု လုပ်ပေးခဲ့ ရသည်ဟုလည်း သိရှိရပါသည်။

မိုးရာသီဖြစ်တဲ့အတွက် နယ်မြို့များသို့ မသွားရောက်ပဲ မန္တလေးမြို့ပေါ်ရှိ ဘုရားကျောင်းများ၌သာ လှည့်လည်ကာ ဆေးဝါးကုသမှုကို ပြုလုပ်ပေးနေသည်ဟု ကျန်းမာရေးကော်မရှင်မှ တဖွဲ့ဝင်တစ်ဦးဖြစ်သည် ဒေါ်ဂျူလီယာကြူကြူခင်က ပြောပြပေးခဲ့ပါသည်။

Pinky ( Mdy- OSC) 

Comments