အာရှသမ္မာတရားအသံလွှင့်ဌာန သောတရှင်တွေ့ဆုံပွဲ ပြုလုပ်ရန်အတွက် အစည်းအဝေးသတင်း

posted 21 Jan 2015, 02:41 by MANDALAY CATHOLIC ARCHDIOCESE   [ updated 21 Jan 2015, 02:42 ]
မန္တလေး ၁၁.၁.၂၀၁၅

အာရှသမ္မာတရား အသံလွှင့်ဌာန သောတရှင်တွေ့ဆုံပွဲ ပြုလုပ်ရန်အတွက် မေတ္တာအားမာန် အသင်းနှင့် မန္တလေး ဗဟိုအကျိုးတော်ဆောင်ရုံးမှ ဝိုင်းတော်သူ ဝိုင်းတော်သားများ အစည်းအဝေးပြုလုပ်ခြင်း သတင်း

မန္တလေးမြို့ ၈၁×၂၅ လမ်းထောင့် မန္တလေး ဗဟိုအကျိုးတော်ဆောင်ရုံးတွင် ၁၁.၁.၂၀၁၅ ရက်နေ့ နံနက်(၁၀)နာရီက မေတ္တာအားမာန်အသင်းနှင့် မန္တလေး ဗဟိုအကျိုးတော်ဆောင်ရုံးမှ ဝိုင်းတော်သူ  ဝိုင်းတော်သားများသည် လာမယ့်ဖေဖော်ဝါရီလ (၇) ရက်နေ့တွင် ပြုလုပ်မည့် နှစ်ပတ်လည်သောတရှင်တွေ့ဆုံပွဲ ပြုလုပ်ရန်အတွက် အစည်းအဝေးတစ်ခုကို ပြုလုပ်ခဲ့ပါသည်။

အစည်းအဝေးတွင် မိမိယုံကြည် ကိုးကွယ်ရာ ဘာသာအလိုက် အဖွင့် ဆုတောင်းခြင်း၊ စစ္စတာရ် စမ်းယုမော်မှ အဖွင့် အမှာစကားပြောကြားခြင်း ၊မေတ္တာအားမာန် ဥက္ကဌ ဦးဝင်းနိုင်မှ ပြုလုပ်ခဲ့ပြီးသော လုပ်ငန်းဆောင်တာများကို ပြန်လည် တင်ပြခြင်း၊ နှစ်ပတ်လည်သောတရှင် တွေ့ဆုံပွဲ၌ ပြုလုပ်မည့် အစီအစဉ်များအတွက် အထွေထွေ ဆွေးနွေးခြင်းများကို ပြုလုပ်ခဲ့ပါသည်။

ဆွေးနွေးမှုတွင် နှစ်ပတ်လည် သောတရှင် တွေ့ဆုံပွဲ၌  ပြုလုပ်ရမည့် လုပ်ငန်း ဆောင်တာ အစီအစဉ်များ ပြုလုပ်ရန်အတွက်  တာဝန်အသီးသီး ခွဲဝေပေးခြင်းများကို ပြုလုပ်ခဲ့ပါသည်။ သောတရှင်တွေ့ဆုံပွဲ၌ နော်ဝေနိုင်ငံမှ အလှူရှင်တစ်ဦး၏ စေတနာဖြင့် ရေဒီယို ကမ်းစမ်းမဲဖောက်ခြင်း အစီအစဉ်၊ ထုတ်လွှင့်ပြီးသား အစီအစဉ်များထဲမှ ထူးခြားစွာ ထုတ်လွှင့်ခဲ့သည်များကို ပြန်လည်မေးမြန်းမည့် ပဟေဋိနန်းတော်အစီအစဉ်၊ အဖြေမှန်သူအတွက် အထူးမဲ အစီအစဉ်များနှင့် အခြားစိတ်ဝင်စားဖွယ်ရာ ဖျော်ဖြေရေးအစီအစဉ် ကဏ္ဍများလည်း ပါဝင်ပါမည်။ 

နှစ်စဉ်ပြုလုပ်နေကြဖြစ်သည် မြန်မာဘာသာအစီအစဉ် သောတရှင်တွေ့ဆုံပွဲကို  ဖေဖော်ဝါရီလ (၇) ရက်နေ့တွင်  မန္တလေးမြို့ ၈၁×၂၅ ထောင့် ရွှေနှလုံးတော် ဘုရားရှိခိုးကျောင်းတွင် ကျင်းပ ပြုလုပ် သွားပါမည်။ ရပ်ဝေး၊ ရပ်နီးမှနားသောတဆင်နေကြသောသောတရှင် အရောက်တိုင်း ပါဝင် တက်ရောက်နိုင်ကြရန်လည်း အထူးဖိတ်ခေါ်ပါသည်။

Comments