နဘက်ရွာ သံယောဟန်ဗတ္တဇံ ဘုရားကျောင်းပွဲတော်

posted 8 Jul 2015, 21:10 by MANDALAY CATHOLIC ARCHDIOCESE   [ updated 8 Jul 2015, 21:11 ]

နဘက်ရွာတွင် နှစ်စဉ်ကျင်းပမြဲဖြစ်သော သံယောဟန်ဗတ္တဇံ ဘုရားကျောင်းပွဲတော်ကို ၂၃.၆.၂၀၁၅ နေ့ ညနေ ၅း၀၀နာရီတွင် ပွဲတော်အကြို မစ္ဆားတရားတော်ကို ဘုန်းဘုန်း ဂျွန်မောင်ဆန်းဦးဆောင် ဟောကြားကာ ဘုန်းဘုန်းအန်ထော်နီ ဇော်ဝင်းမှ သြဝါဒ မိန့်ကြားတော်မူခဲ့ပါ၏။ ကိုယ်တော်မြတ်စက္ကရမင်တူးနှင့် ဆင်းတုတော်များကို ရပ်ရွာထဲ လှည့်လည် အပူဇော်ခံ၍ ဘုရားစဉ် (၃) စဉ်ဖြင့် ကောင်းချီးပေးခဲ့၏။

ညပိုင်းတွင် တေးသရုပ်ဖော် အကအလှများကပြပြီး ဆယ်တန်း အောင်မြင်သူ (၇) ဦးအားလည်း ကျောင်းထိုင်ဘုန်းဘုန်း အန်ထော်နီ အောင်မျိုးဝင်းမှ လက်ဆောင်များပေးခဲ့၏။

၂၄.၆.၂၀၁၅ နံနက် (၇) နာရီတွင် သံယောဟန်ဗတ္တဇံ မွေးနေ့ပွဲတော်ကို ဘုန်းဘုန်း နီကောလားစ် ပြုံးချို ဦးဆောင်ဟောကြား၍ ဘုန်းဘုန်း ဂျွန်အေးကျော်မှ သြဝါဒ မိန့်ကြားခဲ့၏။ ကျောင်းထိုင်ဘုန်းတော်ကြီှးမှ ကျေးဇူးတင် စကားပြောကြား၍ ဘာသာတူများမှ ရဟန်းသီလရှင်များအား ဝတ္ထုငွေများ ပေးအပ်ခဲ့၍ သံယောဟန် ဗတ္တဇံအလံချကာ ပွဲတော် အခမ်းအနားပြီးဆုံးခဲ့၏။


Comments