သာသနာပိုင်ဆိုင်သော အဆောက်အအုံ၊ အိမ်၊ ခြံ၊ မြေနှင့် ကာနွန်ဥပဒေ ( ၁၂၇၆၊ ၁၂၈၂)၊ နိုင်ငံတော်တရားဥပဒေနှင့် အညီထိန်းသိမ်း ကာကွယ်စောင့်ရှောက်ရေး အစည်းအဝေး

posted 3 Aug 2016, 23:44 by MANDALAY CATHOLIC ARCHDIOCESE   [ updated 3 Aug 2016, 23:45 ]
မန္တလေးကက်သလစ်ဂိုဏ်းချုပ်သာသနာအတွင်းရှိ သာသနာပိုင်ဆိုင်သော အဆောက်အအုံ၊  အိမ်၊  ခြံ၊  မြေ အစရှိသည့် အခြေပစ္စည်းများ  Temporal goods of the Church နှင့် ကာနွန်ဥပဒေ ( ၁၂၇၆၊  ၁၂၈၂) နိုင်ငံတော်တရားဥပဒေနှင့် အညီထိန်းသိမ်းကာကွယ်စောင့်ရှောက်ရေးအဖွဲ့၏ အစည်း အဝေး ကို ၂၀၁၆ခုနှစ်၊ ဇူလိုင်လ (၁၇-၂၉)ရက်နေ့အထိ ချမ်းသာကုန်းမယ်တော် ဘုရား ကျောင်းဝင်းအတွင်း တွင် ပြုလုပ်ခဲ့ပါသည်။ 

အစည်းအဝေးသို့ မန္တလေးကက်သလစ်ဂိုဏ်းချုပ်သာသာနာမှ ဆရာတော်ကြီး နီကောလားစ်မန်ထန်း၊  မြေယာကော်မတီဥက္ကဌ Fr.George ခင်မောင်ဌေး၊  အတွင်းရေးမှုး ဦးတင့်ဆွေနှင့် မန္တလေး သာသနာအတွင်းမှ ဘုန်းတော်ကြီး(၁၃)ပါး၊  သီလရှင်(၉)ပါး၊  သာသနာအသီးသီးမှ ကိုယ်စား လှယ် (၁၂)ဦးတို့နှင့်အတူ အစည်းအဝေးကိုပြုလုပ်ခဲ့ပါသည်။

အစည်းအဝေးတွင် မန္တလေးကက်သလစ်ဂိုဏ်းချုပ်သာသနာမှ ဆရာတော်ကြီး နီကောလားစ်မန်ထန်းမှ ’’  သာသနာပိုင်ပစ္စည်းဆိုတာ သာသနာပြုလုပ်ငန်းများ အတွက်သာ သက်ဆိုင်ကြောင်း၊  ပိုင်ဆိုင်မှုဆို တဲ့နေရာမှာလည်း ဝိညာဉ်ရေး၊  သာသနာရေးလုပ်ငန်းများနှင့် အကျုံးဝင်ရန်လိုအပ်ကြောင်း၊  တစ်ဦး တစ်ယောက်ထဲအတွက် အသုံးပြုလို့မရကြောင်း၊  Parish တစ်ခု၊  Dio တစ်ခုတည်းနှင့် သက်ဆိုင်သည့် အရာမဟုတ်ပဲ တစ်ကမ္ဘာလုံးနှင့်သက်ဆိုင်ကာ ပုပ်ရဟန်းမင်းကြီးမှ တိုက်ရိုက်ပိုင်ဆိုင်ကြောင်း၊  ထို့ကြောင့် အဓိကပြောချင်သည့်အရာမှာ သာသနာပိုင်ပစ္စည်းအား မိမိသဘောဆန္ဒအလျှောက် ငှားရမ်းခြင်း၊ ပေါင်ခြင်း၊ ရောင်းချခြင်း၊ များပြုလုပ်ပါက ကက်သလစ်ခရစ်ယာန်ကာနွန် ဥပဒေအရ သော်၎င်း၊ နိုင်ငံတော်တရားဥပဒေအရသော်၎င်း ထိရောက်စွာ အရေးယူမည်ဖြစ်ကြောင်း ’’ တိုိ့ကို အကျယ်တဝင့်ရှင်းလင်းပြောကြားခဲ့ပါသည်။ 
မြေယာကော်မတီ ဒါရိုက်တာ Fr.George ခင်မောင်ထွေးမှလည်း မန္တလေးကက်သလစ် ဂိုဏ်းချုပ်သာသနာအတွင်းရှိ မြေများသည် ရှေးခေတ်အခါက သာသနာပြုပုဂ္ဂိုလ်များ၏ ကျေးဇူးကြောင့်ရရှိထားပုံများ၊ အချို့မြေနေရာများသည် အလွန်အဖိုးတန်သော မြေများဖြစ်ကြောင်း၊  ထို့ကြောင့် သာသာတူများအနေဖြင့် ထိုမြေများအား စနစ်တကျ ထိန်းသိမ်းကာကွယ်စောင့် ရှောက်ကြ ရန်လိုကြောင်း၊  သာသနာပိုင်မြေအား အလွဲသုံးစားပြုလုပ်ပါက ထိရောက်စွာ အရေးယူခြင်း ခံရမည်ဖြစ်ကြောင်း။  ထို့သို့  သာသနာပိုင်ပေါ်တွင် နေထိုင်ပြီး ထိုမြေအား အလွဲသုံးစားပြုလုပ်ခဲ့သူများအားလဲ ထိရောက်သော အရေးယူမှုများကို မြေယာကော်မတီမှ အမှုဖွင့်ကာ ဖြေရှင်းခဲ့ရမှုများရှိကြောင်း၊  သာသနာအနေဖြင့် တိကျသော စာရွက်စာတမ်း ထောက်အထားများရှိသဖြင့် အမှုများမှာလည်း အနိုင်ရရှိခဲ့ကြောင်း၊ လက်ရှိ အခြေအနေပိုင်ဆိုင်ပုံများ၊ စာချုပ်စာတန်းပြုလုပ်ပုံများ၊ ပြဿနာများနှင့် ကျင့်သုံးမှုလက်ရှိအခြေအနေများ၊ ဝိသေဿဆံသော ပြဿနာများနှင့် ရှေ့ဆက်လုပ်ဆောင်မည် စီမံကိန်းများရာထားပုံများကိုရှင်းလင်းပြောကြားခဲ့ပါသည်။ 

ဆက်လက်ပြီး မြေယာ ကော်မတီအတွင်းရေမှုး ဦးတင့်ဆွေမှလည်း ” သာသနာမြေပေါ်တွင် နေထိုင် သည့်သူများနှင့် ပတ်သက်၍ ပြောကြားရာတွင်  သာသနာမြေပေါ်တွင် အခမဲ့နေထိုင်သူများနှင့် အခကြေးငွေဖြင့် ငှားရမ်း နေထိုင်သူများရှိကြောင်း၊  အခမဲ့နေထိုင်ရသူများမှာ သာသနာနှင့် သုံးနှစ် တစ်ကြိမ် စာချုပ်ချုပ်ဆိုရကြောင်း၊  သာသနာမှဆောက်လုပ်ပေးထားသော သာသနာ့တိုက်ခန်းတွင် အခကြေးငွေဖြင့် ငှားရမ်းနေထိုင်သူများသည် တစ်နှစ်တစ်ကြိမ် စာချုပ်ချုပ် ဆိုရကြောင်း၊  ကာလ ဒေသအလျောက် တိုက်ခန်းခများမတူညီခြင်းဖြစ်ကြောင်း၊  မိမိလက်ရှိ နေလျှက် ရှိ်သည့် သာသနာ့မြေပေါ်တွင် ဆောက်ထားသည့် အိမ်အား မိမိဆန္ဒအလျှောက် ပြုပြင်မွမ်းမံခြင်း၊  ပေါင်နှံခြင်း၊  ရောင်းချခြင်းများပြုလုပ်ခွင့် မရှိကြောင်း၊ ပြုပြင်လိုပါကလည်း မြေယာကော်မတီထံသို့ အသိပေး အကြောင်းကြားကာ  မြေယာကော်မတီမှ တာဝန်ရှိသူ၏ ခွင့်ပြုချက်ရမှ သာလျှင် လုပ်ဆောင်ခွင့် ရရှိမည်ဖြစ်ကြောင်း၊  စာချုပ်ပါ စည်းကမ်းချက်များကိုလည်း အသိပညာရှင်၊  အတတ်ပညာရှင်များ နှင့်တိုင်ပင်ကာ နိုင်ငံတော်တရား ဥပဒေနှင့် အညီနှစ်ဦး သဘောတူစာချုပ်ချုပ် ဆိုမှုများ ကိုလုပ်ဆောင်ကြောင်းတို့ကို ရှင်းလင်းပြောကြားခဲ့ပါသည်။ 

ပြင်ဦးလွင် စိန်မေရီ သာသနာအုပ်စုမှ သာသနာ့အကျိုးဆောင်ဥက္ကဌ ဦးဘော်စကိုမှလည်း မြေယာကော်မတီနဲ့ ပတ်သက်ပြီး အစည်းဝေးတခါမှ မတက်ဖူးဘူး။  မတက်ရတော့ ဘာမှ မသိရ ဘူးပေါ့ နော်။ အခု အစည်းဝေးတက်ခွင့်ရတော့ သိလာရတာက တချို့မြေတွေက ဒီတိုင်း မထားသင့်ဘူး။  လိုက်ဆောင်ရွက်သင့်တယ်။  ပြန်ရအောင်လုပ်သင့်တယ်။ အဲဒါတွေ သိသွားတော့ သာသနာအတွက် အကျိုးရှိမယ့်အရာတွေက အများကြီး အလေအလွင့်ဖြစ်နေတယ်လို့ စိတ်ထဲ ခံစားရတယ်။  ဒါကြောင့် ဒါတွေကို ဘယ်လိုပြန်ပြီး ထိန်းသိမ်းမလဲဆိုတဲ့ အသိစိတ်ဝင်လာပြီး ဒါတွေကို ဘယ်လိုလုပ်ရမယ် ဆိုတာကို သိလာပြီဟု ’’ အစည်းဝေးတွင် ပါဝင်ခြင်းဖြင့် ရရှိခဲ့သည့် အကျိုးကျေးဇူးကို ပြောပြခဲ့ပါသည်။ 
မန္တလေး စိန်ဂျွန်းသာသနာအုပ်စုရှိ ကရုဏာရေးသီလရှင်အသင်းဂိုဏ်းမှ   Superior  စစ္စတာရ် ရိုစ့်မေရီခင်သန်းမှလည်း ’’မန္တလေးသာသာရဲ့ ရှေးခေတ်က ဘုန်းကြီးတွေလုပ်ခဲ့တဲ့ ဖွဲ့စည်းပုံတွေရဲ့ အကျိုးမြတ်က လက်ရှိလူတွေခံစားရတယ်။ အဝေးကိုမြင်ကြည့်ပြီး သာသနာအတွက် လုပ်ခဲ့တာတွေ ခုချိန်မှာ ခံစားနေရတာဖြစ်တဲ့အတွက် မန္တလေးသာသနာအတွက် ဝမ်းသာတယ်။  မန္တလေး သာသနာ မှာမြေတွေအများကြီးရှိတာအရင်ကမသိခဲ့ဘူး။ ခုမှသိတာပါ။ ဒီမှာ ပြောသွားတဲ့မြေနဲ့ပတ်သက် တဲ့ကိစ္စ တွေကိုကြားရတဲ့အခါမှာ ပညာတိုးတယ်။ တစ်နေ့တစ်ချိန်မှာ ကိုယ်ကိုယ်တိုင် ဒီလိုမျိုး မြေနဲ့ ပတ်သက်တဲ့ အရှုပ်အရှင်းတွေရှိလာမယ် မလာဘူးဆိုတာ မပြောနိုင်ဘူး။ ဒါကြောင့်မို့ ကက်သလစ် အသင်းတော်ရဲ့ဥပဒေနဲ့ နိုင်ငံ တော်က ချမှတ်ထား တဲ့ဥပဒေ တွေကို ခုလိုရှင်းပြပေးခြင်းအားဖြင့် ပြဿနာဖြစ်ရင် ဘယ်လိုဖြေရှင်းရမလဲ ဆိုတာကို ပညာရခဲ့ပါတယ်။ ’’ဟု အစည်းဝေးတက်ရောက် ခြင်းဖြင့် အကျိုးခံစားရပုံကိုပြောပြပေးခဲ့ပါသည်။ 

မြေယာကော်မတီအဖွဲ့စည်း၏ အဓိကရည်ရွယ်ချက်သည် ကိုယ်ပိုင်မြေမရှိတဲ့ ဆင်းရဲသားများ ယာယီ နေထိုင်ရန်၊ ဘာသာတူများ တစ်စုတစ်ဝေး နေထိုင်နိုင်ရန်နှင့် ဘုရားနှင့် အနီးပတ်ဝန်းကျင်တွင် ဘာသာတူများ နေထိုင်ရေးဆိုသည့် ရည်ရွယ်ချက်ဖြင့် မြေယာများအား စနစ်တကျ ထိန်းသိမ်းစောင့် ရှောက်နေခြင်းဖြစ်သည်ဟု သိရှိရပါသည်။ 

Pinky ( MDY-OSC)29.7.2016

Comments