ဆရာတော်ကြီး နီကောလားစ်မန်ထန်း မကွေးမြို့ ဘာသာတူများနှင့်အတူ တွေ့ဆုံ

posted 25 Jul 2015, 19:01 by MANDALAY CATHOLIC ARCHDIOCESE   [ updated 25 Jul 2015, 19:01 ]
၁၂.၇.၂၀၁၅ ရက်နေ့ ညနေတွင် တောင်တွင်းကြီးဇုံ၊ မကွေးမြို့ စိန်သြဂတ်စတင်း ကက်သလစ် ခရစ်ယာန်ဘုရားကျောင်းသို့ မန္တလေးကက်သလစ်သာသနာမှ ဂိုဏ်းချုပ်ဆရာတော်ကြီး နီကောလားစ်မန်ထန်း၊ တောင်တွင်းကြီးဇုံမှုး ဘုန်းဘုန်း ဂြိုလ်တု၊ မိတ္ထီလာဇုံမှုး ဘုန်းဘုန်း မောင်ဆန်း၊ ဘုန်းဘုန်း စိုးထွန်း၊ ဘုန်းဘုန်း ပြုံးချို၊ ဘုန်းဘုန်း ဝင်းညို၊ ဘုန်းဘုန်း မျိုးဇော်ဝင်း၊ ဘုန်းဘုန်း ဇော်ဝင်းတို့သည် မကွေးမြို့ ဘုရားကျောင်းတွင် ဘာသာတူများနှင့်အတူ တွေ့ဆုံ ဟောပြောမှုကို ပြုလုပ်ခဲ့ပါသည်။

ဆရာတော်ကြီးသည် သြဝါဒမြွတ်ကြားရာတွင် မန္တလေးသာသနာကို ဆရာတော်အဖြစ် တာဝန်ယူခဲ့တာ တစ်နှစ်ပြည့်ပြီ ဖြစ်ကြောင်း၊ဘုန်းကြီးတွေ၊ သီလရှင်တွေ၊ ဘရယ်သယ်တွေအနေနဲ့ ဘာတွေလုပ်ဆောင်ကြမလဲ၊ လူဝတ်ကြောင်တွေလည်း ဘာတွေ လုပ်ဆောင်ကြမလဲ အစည်းအဝေးပြုလုပ်ပြီးကြောင်း၊ အခုလာရတဲ့ အဓိကကြောင်းရင်းမှာ မိသားစုက အခြေခံဖြစ်ကြောင်း၊ မိသားစုသာသလျှင် ကက်သလစ်အသင်းတော်၏၊ သာသနာ၏ အဓိကအားထားရာဖြစ်ကြောင်း၊ ကိုယ့်ဘုရားကျောင်းမှာ နှုတ်ကပတ်တော်ကဏ္ဍ၊ဝတ်ပြုကိုးကွယ်ခြင်းကဏ္ဍ၊ ကရုဏာရေးကဏ္ဍတွေကို အကောင်းမွန်ဆုံး ဘာသာဝင်တွေလုပ်ဆောင်ကြဖို့လိုကြောင်း၊ လောကတွင် ခဏတာသာ နေရမှာဖြစ်ကြောင်း၊ သခင်ယေဇူးနှင့်အတူ နေရမှာဖြစ်သည့်အတွက် ယခုချိန်မှ စတင်ကာ ကိုယ်တော်မြတ်နှင့် ပေါင်းစည်းရမှာဖြစ်ကြောင်း၊ ကလေးငယ်တွေကအစ အားလုံးပါဝင်ရမှာဖြစ်ကြောင်း၊ ဆရာတော်အနေနှင့် ပုခုံးလွှဲတာ မဟုတ်ပေမဲ့ ဘုရားကျောင်းမှာ ကိုယ့်သာသနာမှာ မိသားစုတွေကပဲ အခြေခံကစပြီး ဦးဆောင် လုပ်ကိုင်ဆောင်ရွက်ကြဖို့ရန်အတွက် မကွေးရှိဘာသာတူများကို မြွတ်ကြားတော်မူခဲ့ပါသည်။

ဆက်လက်ပြီး မိတ္ထီလာဇုံမှုး ဘုန်းဘုန်းမောင်ဆန်းမှလည်း ကိုယ့်ရဲ့ကက်သလစ်သာသနာရဲ့ ယုံကြည်ချက်ကို သိရှိဖို့လိုကြောင်း၊ဘုရားသခင်နှင့် ပေါင်းဆပ်စေလိုကြောင်း၊ ဝိညာဉ်၇ှင်သန်ဖို့မှာ အဓိက ဖြစ်ကြောင်း၊ အပျော်အပါးကို ဦးစားပေးကာ ဝိညာဉ်ေ၇းကို ဦးစားမပေးပါက ဆုံးရှုံးနိုင်ကြောင်း၊ မိဘတွေက ကိုယ်တိုင်ကျင့်ကြံပြီး၊ သားသမီးတွေကိုသင်ကြားပေးစေလိုကြောင်း၊ စိတ်ပါဝင်စားစွာနှင့် ဘုရားသခင်ကို လိုက်နာ ဆောင်ရွက်ဆောင်ရွက်ကြဖို့လိုကြောင်း၊ ဆေးကြောခြင်း မင်္ဂလာခံယူပြီးသူတိုင်း ဘုရားသခင်၏ နိုင်ငံတော်အတွက် လုပ်ဆောင်ကြဖို့လိုကြောင်း၊ ဘုရားသခင်၏ နိုင်ငံတော်တွင် လုပ်ဆောင်စရာများစွာရှိကြောင်း၊လုပ်ဆောင်ဖို့ရန်မှာ အဓိက ဘာသာတူတွေဖြစ်ကြောင်းကို ပြောကြားခဲ့ပါသည်။

ဆက်လက်ပြီး တောင်တွင်းကြီးဇုံမှုး ဘုန်းဘုန်းဂြိုဟ်တုမှလည်း အရင်တုန်းကထက် မကွေးဘုရားကျောင်းကြီးဟာ တိုးတက်လာတာကို တွေ့ရကြောင်း၊ ဝတ်ပြုကိုးကွယ်ခြင်းမှာလည်း အားလုံး ပါဝင်တည်ဆောက်တဲ့ မကွေးသာသနာအုပ်စု ဖြစ်၇မှာဖြစ်ကြောင်း၊ဘုရားကျောင်းမှာပဲဖြစ်ဖြစ် အိမ်မှာပဲဖြစ်ဖြစ် ဆုတောင်းတိုင်းမှာ စတင်ရမှာက "သန့်ရှင်းသော ဝိညာဉ်တော်ဘုရား အကျွန်ုပ်ကို စိုးစံတော်မူပါ။ အလင်းကျေးဇူး ပေးတော်မူပါ။" ဟုဆုတောင်းရမှာဖြစ်ကြောင်း ကျွန်ုပ်တို့၏ အသက်ရှင်ခြင်းဟာ ယုံကြည်ခြင်းနှင့် လုပ်ဆောင်ပါက အရာရာအောင်မြင်ကြောင်း၊ အသက်၇ှင်သော ပူဇော်သက္ကာရဖြင့် ဘုရားသခင်ကို ဆက်ကပ်သွားကြပါဟု ဟောကြားခဲ့ပါသည်။

အဲဒီနောက် (၁၃.၇.၂၀၁၅)ရက် နေ့နံနက် (၆း၃၀)တွင် ဆရာတော်ကြီး၊ ဘုန်းတော်ကြီးများ၊ ဘာသာတူများ အတူတကွ မစ္ဆားပူဇော်ခဲ့ကြပါသည်။ အဲဒီနောက် အားလုံးစုပေါင်းကာ မှတ်တမ်းတင် ဓာတ်ပုံရိုက်ကူးပြီး နောက် နံနက်စာသုံးဆောင်ကာ တောင်တွင်းကြီးမြို့သို့ ဆက်လက်ထွက်ခွာခဲ့ကြပါသည်။

ပင်ကီ(၁၂.၇.၂၀၁၅)

Comments