လုဒ်မယ်တော်ဂူလိုင်ပွဲတော် (မြင်းခြံ)

posted 25 Feb 2016, 01:44 by MANDALAY CATHOLIC ARCHDIOCESE   [ updated 25 Feb 2016, 01:45 ]
လုဒ်မယ်တော်ဂူလိုင်ပွဲတော် (မြင်းခြံ)

မန္တလေးဂိုဏ်းချုပ်သာသနာ မြင်းခြံမြိ့ လုဒ်မယ်တော်သခင်မပွဲတော် ၁၉.၂.၂၀၁၆ နေ့ ညနေ ၅း၃၀ နာရီ၌ ကျင်းပ ပြုလုပ်ခဲ့ပါသည်။ ပွဲတော်အကြို မစ္ဆားတရားကို ဘုန်းဘုန်းသြဂတ်စတင်း တင်ထွန်း ဦးဆောင်၍ မွန်ဆီညော် မာကုတင်ဝင်းမှ သြဝါဒ မိန့်ကြားခဲ့ပါသည်။ မစ္ဆားအပြီးမြို့အတွင်းသို့ ကိုယ်တော်မြတ်စက္ကရမင်တူးကို မော်တော်ကားဖြင့် တင်ဆောင်၍ ကရုဏာရှင်ယေဇူး၊ လုဒ်မယ်တော် ဆင်းတုများ နှင့်စီတန်း လှည့်လည်ကာ ကိုယ်တော်မြတ် ကောင်းချီးမင်္ဂလာ အဆုံးသတ်ခဲ့၏။

၂၀.၂.၂၀၁၆ နေ့ (၈၆) ကြိမ်မြောက် လုဒ်မယ်တော်ပွဲတော် မစ္ဆားကို နံနက် (၇း၀၀)နာရီတွင် ပြုလုပ်ခဲ့ပါသည်။ ပွဲတော်သို့ ဘုန်းတော်ကြီး (၂၁ပါး၊) သီလရှင် (၇ပါး) ပါဝင် တက်ရောက်ခဲ့ကြပါသည်။ ဘုန်းဘုန်းဂျွန်မောင်ဆန်း ဦးဆောင် ဟောကြားတော်၍ ဘုန်းဘုန်းပီတာမျိုးအောင်မှ သြဝါဒမိန့်ကြားခဲ့၏။ ကျောင်းထိုင်ဘုန်းတော်ကြီး ဖာသာရ်ပြုံးချိုမှ ဘုရားဖူး ဧည့်သည်တော်များ ပွဲတော်အလှူရှင်များအား ကျေးဇူးတင် စကားပြောကြားခဲ့၏။

မယ်တော်ပွဲသို့ ကြွရောက်လာသော ရေဦးမြို့ စိန်ဂျိုးဇက်သီလရှင်အသင်းဂိုဏ်းမှ အသက်(၇၇) နှစ်အရွယ် စစ္စတာရ်ပတ်ထရေရှာမှ မယ်တော်စီတန်း လှည့်လည်ခြင်းကို မပါဝင်နိုင်သောကြောင့် မယ်တော်ဂူရှေ့တွင် ကျမရဲ့အတွင်းရော၊အပြင်ရော ခံစားနေရသော ရောဂါများကို ကုသပေးပါဆိုပြီး စိတ်ပုတီးစိပ်ခဲ့တယ်။ ညအိပ်ရာဝင် ဆေးလိမ်းတဲ့အခါ အရင်က နာတာက မနာတော့ဘူး။ဖြစ်နေတာကတော့ကြာလှပြီ။ဆေး တွေလည်းအမျိုးမျိုးလိမ်းခဲ့တာမပျောက်ဘူး။အခုမယ်တော်ဆီမှာဆုတောင်းပြီးပျောက်သွားခဲ့တာဟု ပြောပြခဲ့ပါသည်။ 

လုဒ်မယ်တော်ပွဲတော်သို့ မန္တလေး၊ မိတ္ထီလာ၊ ကျောက်ပန်းတောင်း၊ ချောက်၊ နဘက်၊ ချောင်းဦး၊ ရေဦး၊ ချမ်းသာကုန်း၊ မြစ်ငယ်၊ ဇော်ဂျီ၊ ပြင်ဦးလွင်တို့မှ ဘာသာတူများ ပါဝင် တက်ရောက် ဆုတောင်းခဲ့ကြပါသည်။

နီလာစမိုင်း (ရေဦး)၊ ပင်ကီ MDY OSC 


Comments