ဖခင်များနေ့ ဆုတောင်းပွဲ အခမ်းအနား ကျင်းပခြင်း

posted 27 Jun 2016, 02:31 by MANDALAY CATHOLIC ARCHDIOCESE   [ updated 27 Jun 2016, 02:31 ]
18.6.2016 ရက်နေ့ နံနက် (၉း၀၀)နာရီ အချိန်၌ မန္တလေး ကက်သလစ်ဂိုဏ်းချုပ်သာသနာအတွင်းရှိ  စိန်လာဇရူးနာရေးကူညီမှုနှင့် သင်္ချိုင်းပြုပြင်ထိန်းသိမ်းရေးအသင်းမှ ဦးဆောင်ကာ ဖခင်များနေ့ ဆုတောင်းပွဲ အခမ်းအနားကို မန္တလေးမြို့ ၊  အေးရိပ်ငြိမ် ကက်သလစ်ခရစ်ယာန် သင်္ချိုင်းတွင် ကျင်းပပြု လုပ်ခဲ့ပါသည်။  အဆိုပါ ဆုတောင်းပွဲသို့ စိန်လာဇရူးအသင်းမှ နာယက Fr.John Soe Tint, Fr. Nicholas Pyone Cho, Fr.Gabriel Myint Aung, Fr.James luke နှင့် မန္တလေးသာသနာအတွင်းမှ ဘာသတူများပါဝင်တက်ရောက်ခဲ့ကြပါသည်။ 

မစ္ဆားတရားတွင် Fr.James luke မှ သြဝါဒတရား ရေအေးတိုက်ကျွေးရာတွင်  အခုခေတ်ကြီးဟာ တိုးတက်လာတာနဲ့ အမျှ လူငယ်တွေဟာ ပညာမတတ်တဲ့ မိဘတွေကို မလေးစားကြဘူး။  ကျန်းမာတဲ့ မိဘတွေကို ဂရုမစိုက်ကြဘူး။ သားသမီးဆိုတာ မိဘကို ရိုသေလေးစား တန်ဖိုးထားရမယ်။  ဖခင်တွေဟာ ဘယ်လိုမျိုးပဲဖြစ်နေပါစေ ဖခင်တွေ ရိုသေလေးစားဖို့ သားသမီးတွေမှာ တာဝန်ရှိတယ်။  ပညတ်တော် (၁၀)ပါးရဲ့ စတုတ္ထမြောက်အချက်မှာလည်း မိဘတို့အား ရိုသေခြင်းကို ပြုလော့လို့ပါတယ်။  မိဘကို မျက်ရည်ကျအောင် ၊ စိတ်ပျက်အောင်မလုပ်ပါနဲ့၊  မိဘကို ရိုသေလေးစား တန်ဖိုးထားလေလေ အဲဒီမိသားစုမှာ ဘုရားကောင်းချီး ခံစားရလေလေပါပဲ။ ဘ၀မှာ မာနတွေရှိနေတဲ့အခါ အခုခေတ်သား သမီး တွေက မိဘကို လူရာ မသွင်းချင်ကြပါဘူး။  အဲဒီ စိတ်ဓာတ်တွေရှိရင် ဖယ်ပါ။ အဲဒီ စိတ်ဓာတ်တွေကို ဒီသင်္ချိုင်းမှာပဲ မြုပ်ထားခဲ့ပါ။  ဖခင်တွေရဲ့ ကောင်းချီးဟာ သားစဉ်မြေး ဆက်စီးဆင်းတယ်။  ဖခင်ရဲ့မေတ္တာဟာ ကျွန်ုပ်တို့အပေါ်မှာ ကြီးမားတယ်။  ဖခင်ရဲ့မေတ္တာ ဘယ်လောက်ကြီးမားလဲဆိုတာ ခမည်းတော်ဘုရားရဲ့ ချစ်ခြင်းမေတ္တာကို ကြည့်ခြင်းအားဖြင့် သိနိုင်တယ်။ ဒီနှစ် သနားကြင်နာခြင်းနှစ်မှာ ပျောက်သော သားဥပမာကဲ့သို့ ဖခင်ဟာ စိတ်ရှည်ခြင်းဖြင့် နောင်တတရားနဲ့ ပြန်လာဖို့ ကျွန်ုပ်တို့ကို အဖဘုရားသခင်ဟာ စောင့်ကြိုနေတယ်။ ဟု သြဝါဒ တရားရေအေးကို တိုက်ကျွေးခဲ့ပါသည်။


အဲဒီနောက် သင်္ချိုင်းအတွင်း ကွယ်လွန်သွားကြသော သာသနာပြု ဆရာတော်ကြီးများ နှင့် ကွယ်လွန်သူများအားလုံး၏ အုတ်ဂူများအား ကောင်းချီးပေးခြင်း အခမ်းအနားကို ပြုလုပ်ခဲ့ပါသည်။ 
ဖခင်များနေ့ အခမ်းအနားအား နိုင်ငံတကာတွင် ကျင်းပလာခဲ့သည်မှာ (၁၀၆)ကြိမ်မြောက်ရှိပြီး မန္တလေး ကက်သလစ်သာသနာအနေဖြင့် အေးရိပ်ငြိမ်သုဿန်တွင် ကျင်းပခဲ့သည်မှာ ယခုနှစ်သည် (၆)ကြိမ်မြောက်ဟုသိရှိရပါသည်။

ယခုကဲ့သို့ ဖခင်များနေ့ အခမ်းအနားကို ကျင်းပရခြင်းအဓိက ရည်ရွယ်ချက် (၂)ချက်ရှိကြောင်း ပထမအချက်မှာ အသက်ရှင်သော ဖခင်များသည် ဖခင်၏ အိမ်ထောင်ရေး တာဝန်ကျေပြီး ဖခင်စိတ်ဓာတ်ရှိစေရန်အတွက်ဖြစ်ကြောင်း - ဒုတိယအချက်မှာ -သားသမီးများက ကိုယ့်ရဲ့ဖခင်ကို အသိအမှတ်ပြုဖို့ ဘယ်လိုဖခင်ပဲဖြစ်နေပါစေ အသိအမှတ်ပြုနိုင်ဖို့ လေးစားဖို့စတဲ့ စိတ်ဓာတ်တွေရှိစေဖို့ ရည်ရွယ်ချက်နဲ့ ကျင်းပခဲ့တာဖြစ်တယ်ဟု သိရှိခဲ့ရပါသည်။

Pinky ( MDY-OSC)  

Comments