သဘာဝပတ်ဝန်းကျင် ထိန်းသိမ်းရေး၊ သဘာဝဘေးဒဏ်များနှင့် တောင်သူအခြေပြု အလုပ်ရုံဆွေးနွေးပွဲ ကျင်းပခြင်း

posted 25 May 2016, 01:38 by MANDALAY CATHOLIC ARCHDIOCESE   [ updated 25 May 2016, 01:39 ]
သဘာဝပတ်ဝန်းကျင် ထိန်းသိမ်းရေး၊ သဘာဝဘေးဒဏ်များနှင့် တောင်သူအခြေပြု အလုပ်ရုံဆွေးနွေးပွဲ ကျင်းပခြင်း

သဘာဝပတ်ဝန်းကျင် ထိန်းသိမ်းရေး၊ သဘာဝဘေးဒဏ်များနှင့် တောင်သူအခြေပြု အလုပ်ရုံဆွေးနွေးပွဲကို ပထမဆုံး အနေဖြင့် မန္တလေး ကက်သလစ်သာသနာ (ချမ်းသာကုန်း)ကျေးရွာတွင် မြန်မာတစ်နိုင်ငံလုံး အတိုင်းအတာအနေဖြင့် (၂၀၁၆-မေလ-၁၆မှ၂၀) ရက်ထိ ပထမဆုံးအကြိမ် အဖြစ် ကျင်းပပြု လုပ်ခဲ့ပါသည်။


အဆ်ိုပါအလုပ်ရုံဆွေးနွေးပွဲတွင်  မန္တလေး ကက်သလစ် ဂိုဏ်းချုပ်သာသနာမှ ဆရာတော်ကြီး နီကောလားစ်မန်ထန်း၊ မိုးလေဝသနှင့် ဇလဗေဒပညာရှင် ဒေါက်တာဦးထွန်းလွင်(ဒုညွှန်ကြားရေးမှုး-ငြိမ်း)တို့မှ ဦးဆောင်ကာ ဆွေးနွေးခဲ့ကြပါသည်။ ဆွေးနွေးပွဲသို့ အနယ်နယ် အရပ်ရပ်ရှိ သာသနာ အသီးသီးမှ ကိုယ်စားလှယ်များ (၄၆)ယောက်ကျော် ပါဝင် တက်ရောက် ဆွေးနွေးခဲ့ကြပါသည်။

(၁၇.၅.၂၀၁၆) ရက်ဆွေးနွေးပွဲ ပထမနေ့တွင် ဆရာတော်ကြီး နီကောလားစ်မန်ထန်းမှ CBCM –Ecology ၊ သဘာဝ ပတ်ဝန်းကျင် ထိန်းသိမ်းရေး တာဝန်နှင့် စားနပ်ရိက္ခာ ဖူလုံရေးစသည့် အကြောင်းတို့ကို ဦးဆောင်ကာ တက်ရောက်လာသူများက ပါဝင်ဆွေးနွေးခဲ့ကြပါသည်။ (၁၈.၅.၂၀၁၆) ရက် ဆွေးနွေးပွဲ ဒုတိယနေ့တွင် မိုးလေဝသနှင့် ဇလဗေဒပညာရှင် (ဒုညွှန်ကြားရေးမှုး-ငြိမ်း) မှ ရာသီဥတု ဖြစ်စဉ်များနှင့် အယ်နီညိုအကြောင်း၊ ညနေပိုင်းတွင် Ecology and Climate Change ၊ ရေအကြောင်းနှင့် ပထဝီ မြေကြီးစသည့် ခေါင်းစဉ်များဖြင့် ဆက်လက်ဆွေးနွေးခဲ့ကြပါသည်။ (၁၉.၅.၂၀၁၆) ရက် ဆွေးနွေးပွဲ တတိယနေ့တွင် စားနပ်ရိက္ခာ ဖူလုံရေးနှင့် စိုက်ပျိုးရေး အခန်းကဏ္ဍ အကြောင်းစသည်တို့ကို အဖွဲ့လိုက် အကြံပြုဆွေးနွေးခြင်းများ ပြုလုပ်ခဲ့ကြပါသည်။


ယခုကဲ့သို့ သဘာဝ ပတ်ဝန်းကျင် ထိန်းသိမ်းရေး၊ သဘာဝဘေးဒဏ်များနှင့် စိုက်ပျိုးရေး  အခန်းကဏ္ဍ အလုပ်ရုံဆွေးနွေးပွဲကို မြန်မာတစ်နိုင်ငံလုံးဆိုင်ရာ ကက်သလစ်အသင်းတော် အနေဖြင့် မန္တလေးဂိုဏ်းချုပ် သာသနာအတွင်းတွင် ပထမဆုံးအကြိမ် ကျင်းပခဲ့ခြင်းသည် နောင်အနာဂတ်အတွက် အစားအသောက် ဖူလုံရေး၊ စိုက်ပျိုးရေးတွင် ဓါတုဗေဒပစ္စည်းများအသုံးပြု၍ စိုက်ပျိုးမည့် အစား သဘာဝနည်းလမ်း များဖြင့်သာ စိုက်ပျိုးစေလိုသည့် ရည်ရွယ်ချက်ဖြင့် ယခုကဲ့သို့ ဆွေးနွေးပွဲကို ပြုလုပ်ပေးရခြင်း ဖြစ်သည်ဟု  သိရှိရပါသည်။

ပင်ကီ ( MDY-OSC)
23.5.2016

Comments