ဆရာတော်ကြီး နီကောလာစ်း မန်ထန်း ချောက်မြို့မှ ဘာသာတူများနှင့် တွေ့ဆုံခြင်း

posted 25 Jul 2015, 18:48 by MANDALAY CATHOLIC ARCHDIOCESE   [ updated 28 Jul 2015, 03:04 ]
မန္တလေး ကက်သလစ်ဂိုဏ်းချုပ်သာသနာမှ ဆရာတော်ကြီး နီကောလာစ်း မန်ထန်း ချောက်မြို့မှ ဘာသာတူများနှင့် တွေ့ဆုံခြင်း

မန္တလေးကက်သလစ်သာသနာမှ ဂိုဏ်းချုပ်ဆရာတော်ကြီး နီကောလာစ်းမန်ထန်းသည် ၂၁.၇.၂၀၁၅ ရက်နေ့က မိတ္ထီလာဇုံအတွင်းရှိ ချောက်မြို့ စိန်ထရေးဇားဘုရားကျောင်းမှ ဘာသာတူများအား တွေ့ဆုံကာဟောပြောမှုတစ်ခုကို ပြုလုပ်ခဲ့ပါသည်။ တောင်းတွင်းကြီးဇုံနှင့် မိတ္ထီလာဇုံမှ ဘုန်းတော်ကြီးများလည်းပါဝင်ခဲ့ပါသည်။

ဆရာတော်ကြီးသည် လောကကြီးသည် ခေတ်မီတိုးတက်ကာပြောင်းလည်းမှုများသည် မြန်ဆန်နေသည့် အလျောက်ဘာသာရေးတွင်လည်း သစ်ဆန်းသည့်ပုံစံဖြင့် တီထွင်ကြံဆလုပ်ဆောင်ရန် လိုအပ်ကြောင်း၊ ဘုရားတရားရှိရန်လိုအပ်ကြောင်း၊ ဘာသာရေးတွင်မိသားစုတိုင်း ပါဝင်ရန်လို အပ်ကြောင်း၊မိမိသာသနာ မိမိဘုရားကျောင်းတွင် နှုတ်ကပတ်တော်ကဏ္ဍ၊ ဝတ်ပြုကိုးကွယ်ခြင်းကဏ္ဍ၊ ကရုဏာရေးကဏ္ဍများကို အဖွဲ့အစည်းများ စနစ်တကျဖွဲ့စည်းကာ လုပ်ဆောင်သွားစေလိုကြောင်း၊ အချင်းချင်း မေတ္တာတရားထားရန် လိုအပ်ကြောင်း၊ ယုံကြည်ခြင်း၏ အလင်းများ ဖြစ်စေကြရန်လိုအပ်ကြောင်း၊ သခင်ခရစ်တော်၏ ကိုယ်စားကိုယ်ပွားများဖြစ်ကာ ပတ်ဝန်းကျင်မှ လေးစားရသော ချောက်မြို့မှ ဘာသာသူများဖြစ်စေလိုပါသည်ဟု မြွတ်ကြားခဲ့ပါသည်။


ထို့နောက် မိတ္ထီလာဇုံမှုးဘုန်းဘုန်း မောင်ဆန်းမှလည်း ဘာသာတူများယခုလုပ်ဆောင်နေတာထက် ဘာသာရေးမှာပိုမို ဆက်ကပ်လုပ်ဆောင်စေလိုကြောင်း၊ အကျင့်မပါသော ယုံကြည်ခြင်းသည် အသေဖြစ်ကြောင်း၊ ကယ်တင်ခြင်းမရရှိနိုင်ကြောင်း၊ ထို့ကြောင့် ဘာသာတူများ ဘာသာရေးတွင် ကျင့်ကြံလုပ်ဆောင်စေလိုကြောင်း တိုက်တွန်းလိုကြောင်း ပြောကြားခဲ့ပါသည်။

ဆက်လက်ပြီး တောင်တွင်းကြီးဇုံမှုး ဘုန်းဘုန်းဂြိုလ်တုမှလည်း  ဘုရားသခင်ကို ဆက်ကပ်ပါက ဘုရားသခင်သည် အရာရာကို နောက်မှ ပံ့ပ်ိုးပေးကြောင်း၊ ဖန်ဆင်းရှင်အား ဆုတောင်းရန်လိုအပ်ကြောင်းနှင့် ဝတ်ပြုကိုးကွယ်ခြင်းနှင့် ပတ်သက်ကာ အသေးစိတ်ကို ပြောကြားသွားခဲ့ပါသည်။ 

ထို့နောက် ၂၂.၇.၂၀၁၅ရက်နေ့နံနက် (၆း၃၀)အချိန်တွင် မစ္ဆားတရားပူဇော်ခြင်းနှင့်အတူ ပထမကိုယ်တော်မြတ်နှင့်ခရစ္စမားအားပေးခြင်းစက္ကရမင်တူးခံယူခြင်းပွဲကိုကျင်းပပြုလုပ်ခဲ့ပါသည်။ထိုပွဲတွင်မကွေး၊ပုဂံ ချောက်မှဘာသာတူများ ပါဝင်တက်ရောက်ခဲ့ကြပါသည်။ မစ္ဆားအပြီးတွင်ဆရာတော်ကြီးနှင့်ဘုန်းတော်ကြီးများအား ချောက်မြို့မှလူငယ်များနှင့် ဘာသာသူများသည် နှုတ်ဆက်သီးချင်း၊ ဂုဏ်ပြုလက်ဆောင်များ ဆက်ကပ်လှူဒါန်းခဲ့ကြပါသည်။ အဲဒီနောက် ချောက်မြို့မှ ကျောင်းထိုင် ဘုန်းတော်ကြီး ဘုန်းဘုန်းဝင်းညိုမှ ကျေးဇူးတင်စကားကို ပြောကြားခဲ့ပါသည်။ ထို့နောက် ဆရာတော်ကြီးနှင့်ဘာသာတူများ မှတ်တမ်းတင်ဓာတ်ပုံရိုက်ကူးခဲ့ပါသည်။ဆရာတော်ကြီးနှင့်အဖွဲ့သည် နံနက်စာသုံးဆောင်ပြီးနောက် ပခုက္ကူမြို့သို့ဆက်လက်ထွက်ခွာခဲ့ကြပါသည်။

Comments