စိန်အာလောရှက်စ် အခြေခံရဟန်းဖြစ်သင်ကျောင်း နှစ်100 ပြည့် ဂျူဗလီ ပွဲတော်ကြီး

posted 23 May 2014, 04:34 by MANDALAY CATHOLIC ARCHDIOCESE   [ updated 23 May 2014, 04:36 ]
စိန်အာလောရှက်စ် အခြေခံရဟန်းဖြစ်သင်ကျောင်း နှစ်100 ပြည့် ဂျူဗလီ ပွဲတော်ကြီး ပြင်ဦးလွင်မြို့

မန္တလေး ဂိုဏ်းချုပ်သာသနာ ပြင်ဦးလွင်မြို့ စိန်အာလောရှက်စ် အခြေခံ ရဟန်းဖြစ်သင်ကျောင်း နှစ်100 ပြည့် ဂျူဗလီပွဲတော်ကြီးကို 30.4.2014 ညနေ 4း00 နာရီ အချိန် ဆရာတော် ပေါလ်ဂရောင်မှ နှစ်100 ပြည့် ကျောက်စာတိုင်ကို ကောင်းကြီးပေး ရာပြည့်အလံကို လွှင့်တင်ခဲ့၏။
ဆရာတော်ပေါလ်ဂရောင်၊ ကျောင်းအုပ်ဘုန်းတော်ကြီး ဦးမြင့်စိုးတို့မှ ဖဲကြိုးဖြတ် မိုးပျံပူပေါင်းများ လွင့်တင်ခဲ့၏။ ဆရာတော်ကြီး နီကောလားစ် မန်ထန်း ဆရာတော်ကြီး ပေါလ်ဂရောင်၊ ဖာသာမြင့်စိုးတို့အား နှစ်100 ပြည့် ဂျူဗလီ အထိမ်းအမှတ် အလံများ ပေးအပ်ခဲ့၏။

ပွဲတော်လာသူအားလုံး၊ ရွှေနှလုံးတော်ဘုရားကျောင်း မျက်နှာစာ၊ စစ်ဆေးရုံလမ်း၊ မြို့ပတ်လမ်းမှ စိန်အာလောရှက်စ်ဆင်းတုတော်၊ ကိုယ်တော်မြတ် စက္ကရမင်တူးကို ဦးပဉ္ဇင်းဂျွန် ထွန်းထွန်းနိုင်မှ ပင့်ဆောင်လျက်နှစ်100 ပြည့် ဂျူဗလီ စင်မြင့်တွင် ကလေးသာသနာ ဆရာတော် ဖေးလစ် လန်ခင်းထန်မှ ကိုယ်တော်မြတ် စက္ကရမင်တူး အကြောင်း ဟောကြားပြီး ကိုယ်တော်မြတ် ကောင်းကြီးဖြင့် အဆုံးသတ်ခဲ့၏။

ည 7း00 နာရီတွင် တိုင်းရင်းသား အက ပဒေသာများဖြင့် တင်ဆက်ရာ မန္တလေးသာသနာ ရိုးရာ ယဉ်ကျေးမှု၊ ပုဂံအကအလှနှကင့် စတင်ပြီး ချင်းရိုးရာ၊ ကချင်ရိုးရာအကများ၊ ရွှေနှလုံးတော်အုပ်စု၊ စိန်မေရီအုပ်စုများမှ တေးသရုပ်ဖော်အကများ၊ ကချင်တိုင်းရင်းသား အဆိုတော်များ၏ တေးသံသာဖြင့်
ဖျော်ဖြေခဲ့၏။

 1.5.2014 ကြာသပတေးနေ့ နံနက် 8း00နာရီတွင် မန္တလေး ဂိုဏ်းချုပ် ဆရာတော်ကြီး နီကောလားစ် မန်ထန်း ဦးဆောင်ကာ ဆရတြော် 10 ပါး ခြံရံလျက်
ရဟန်းတော်များ 12 ပါးတို့နှင့်အတူ ရာပြည့် ဂျူဗလီ စင်မြင့်တွင် ရဟန်ုးသိက္ခာ ခံယူစေ၏။ မစ္ဆားအပြီး ရာပြည့် မှတ်တမ်း ဓာတ်ပုံများ ရိုက်ကူးကြ၍ ဆရာတော်ကြီး နီကောလားစ်မန်ထန်းနှင့် ရဟန်းသစ် တစ်ပါးစီ၏ ဆွေမျိုးသားချင်းနှင့်အတူ ဓာတ်ပုံရိုက်ကူးခဲ့၏။ နေ့လည် 2း00 နာရီအချိန် ဖာသာ ပီတာ စိန်လှိုင်ဦးမှ နှစ်100ပြည့်
သမိုင်းစာတမ်းဖတ်ကြားခဲ့၏။ ည 7 နာရီတွင် Stage show ဖော်ဖြေရေးကို ကက်သလစ် အနုပညာ ဖန်တီးမှု ရန်ကုန်မှ နိုင်ငံကျော် တေးသံရှင် နွဲ့ယဉ်ဝင်း၊
ချစ်သုဝေ၊ သားကြီး၊ သံသာဝင်း၊ အနဂ္ဂ၊ ဆေရယ်၊ ရပ်ဆဲလ်၊ Leo၊ ထက်အောင်နှင့် အခြားသော တေးသံရှင်များတို့မှ ခေတ်ပေါ်တေးများဖြင့် ဖျော်ဖြေခဲ့၏။


25.5.2014 သောကြာနေ့ နံန
က် 8း00 နာရီတွင် နှစ်100 ပြည့် ဂျူဗလီ ကျေးဇူးတင် မစ္ဆားတရားတော်မြတ်ကို ဆရာတော်ကြီး ပေါလ်ဇိန်ထုန်းဂရောင် ဦးဆောင် ဟောကြားကာ ဆရာတော်ကြီး ချားစ်ဘိုမှ သြ၀ါဒ မိန့်ကြားခဲ့၏။ မစ္ဆားအပြီးတွင် ဆရာတော်ကြီး ပေါလ်ဂရောင်မှ 11နှစ်တာ မန္တလေးသာသနာအတွင်း
အမှုတော်ထမ်းဆောင်ရသည့်အတွက် ကျေးဇူးတင်ကြောင်းနှင့် ဆရာတော်ကြီး နီကောလားစ်မန်ထန်းမှလည်း နှစ်100 ပြည့် ဂျူဗလီ ပွဲတော်ကြီးအတွက်
ကျေးဇူးတင်ကြောင်း ပြောကြားခဲ့၏။

နံနက် 11နာရီတွင် နှစ်100 ပြည့် အခမ်းအနား အလံချပြီးနောက် ဂျူဗလီ ပွဲတော်ကြီးကို  အောင်မြင်စွာ ကျင်းပနိုင်ခဲ့ရာ ဆရာတော်ကြီး 11 ပါး၊ ရဟန်းတော် 130 သီလှရှင် 110 ကိုရင်50 ဘာသာဝင် 7000 ခန့် တက်ရောက်ခဲ့ကြ၏။

နီလာစမိုင်းလ်(ရေဦး)

Comments