၂၀၁၁ ဖေဖေါ်ဝါရီ

၂၀၁၁ ဖေဖေါ်ဝါရီ (၁) ရက်
Mandalay Archdiocesan Higher Education (MAHEC) မန္တလေး သာသနာလုံးဆိုင်ရာ အဆင့်မြင့် ပညာသင်ကြားရေး သင်တန်းကျောင်း၏ ၂၀၁၁ ခု ပညာသင်နှစ် ကျောင်းသူ ကျောင်းသားများအား ကြိုဆိုခြင်း အခမ်းအနား

မန္တလေး သာသနာလုံးဆိုင်ရာ အဆင့်မြင့် ပညာသင်ကြားရေး သင်တန်းကျောင်း၏၂၀၁၁ခု ပညာသင်နှစ်   ကျောင်းသူ   ကျောင်းသားများ အား  ကြိုဆိုခြင်း အခမ်းအနားကို ၂၀၁၁ခု၊ ဖေဖေါ်ဝါရီလ(၁)ရက်နေ့ နံနက် (၁၀း၃၀)အချိန်တွင် သင်တန်းကျောင်း တည်ရှိရာ စိန်ဂျွန်း ဘုရားရှိခိုးကျောင်းဝင်း၌ ကျင်းပ ပြုလုပ်ခဲ့ပါသည်။ ၎င်းင်း အခမ်းအနားသို့ ဂိုဏ်းချုပ် ဆရာတော်ကြီး ပေါလ်ဇိန်ထုန်းဂရောင်၊ မွန်ဆီညော် ဂျွန်ဦးမောင်နီ၊ ဖါသာရ် ဖိလစ်တင်ထွန်း၊ Fr. Neil (co-ordinator)၊ ဒေါက်တာချိုလေး(Directress) ဦးစိုးနိုင်(Supervisor)၊ ဂရုဏာရေး သီလရှင်များ (Boarding Incharge)၊ ဆရာ/ ဆရာမများ၊ ကျောင်းသူ/ကျောင်းသားများ တက်ရောက်ကြပါသည်။

ဆရာတော်ကြီးမှ အားပေးစကား ပြောကြားရာတွင် ပြီးခဲ့တဲ့ စာသင်နှစ်ကို အောင်မြင်စွာ ပြီးဆုံးခဲ့သည့် အတွက် အားလုံးကို   ကျေးဇူး  တင်ကြောင်း၊ ယခု စာသင်နှစ်အတွက် ဒုတိယနှစ် ကျောင်းသူ/ကျောင်းသားများက ပထမနှစ်ကျောင်းသူ/ကျောင်းသားများကို ကြိုဆို ကြရမှာ ဖြစ်ကြောင်း၊ ဘာပဲလုပ်လုပ် အကောင်းဆုံး ဖြစ်အောင် လုပ်ကြစေလိုကြောင်း၊ စာရေးဆရာ ဖေမြင့်ရဲ့ စာထဲမှာ သာမာန် ကိစ္စတစ်ခုကို သာမာန်ထက် သာအောင်လုပ်ခြင်း အားဖြင့် ပိုမို အောင်မြင်မှုရမှာ ဖြစ်ကြောင်း ပြောကြားပါသည်။

Fr Neil (co-ordinator)မှ ပြောကြားရာတွင် မင်းတို့ဟာ မြန်မာအသင်းတော်ရဲ့ အနာဂတ်ကြယ်ပွင့်များ ဖြစ်ကြောင်း၊ ထိုနည်းတူ ကမ္ဘာအသင်းတော်ရဲ့ အနာဂတ်လဲ ဖြစ်ကြောင်း၊ ၀မ်းသာ အားရနဲ့ ကြိုဆိုပါကြောင်း၊ အနာဂတ်မှာ ပိုမို ကောင်းမွန်အောင် လုပ်ဆောင်နိုင်ဖို့ မျှော်လင့်ပါကြောင်း၊ ဆုလဲ တောင်းပါကြောင်း ပြောကြားပါသည်။

ဒေါက်တာချိုလေးမာ (Directress) မှ အားလုံးကို ကြိုဆိုပါကြောင်း၊ လူတိုင်းမှာ သူ့တန်ဖိုးနဲ့သူ ရှိကြောင်း၊ ဒါကြောင့် အချင်းချင်း လေးစား တန်ဖိုးထား ကြရမှာဖြစ်ကြောင်း၊ ဒီကျောင်းမှာ လုပ်ဆောင်တဲ့ အခါမှာ (Teamwork) အသင်းအဖွဲ့ စိတ်ဓါတ်ဖြင့် စုပေါင်း လုပ်ဆောင်ကြောင်း၊  ဒါကြောင့် အုပ်ချုပ်သူများ၊ ၀ါရင့်ဆရာ/မများ၊ ကျောင်းသူ/သားများ ၎င်းင်းစိတ်ဓါတ်ဖြင့် လုပ်ဆောင် ကြစေ လိုကြောင်း ပြောကြားပါသည်။

ဦးစိုးနိုင်(Supervisor) မှ ကျောင်း၏ ဖွဲ့စည်းပုံ၊ သင်ရိုး ညွှန်းတမ်းများ၊ လက်ရှိ ကျောင်းသူ/သားများ စာရင်းနှင့် ယမန်နှစ်က ဆောင်ရွက် ခဲ့သော ဆောက်လုပ်ရေး၊ ပြင်ဆင်ရေး၊ ကျောင်းသူ/သား အသစ်များ ခေါ်ယူရေး၊ အင်တာဗျူး စစ်ဆေးခြင်း လုပ်ငန်းများကို တင်ပြခဲ့ပြီး သာသနာအလိုက် ကျောင်းသူ/သားများနှင့် မိတ်ဆက်ပေးခဲ့ပါသည်။

၎င်းင်းနောက် ပထမနှစ် ကျောင်းသူ/ ကျောင်းသားများ ကိုယ်စား ပိုးအိကျော် မှ ၎င်းင်း၊ ဒုတိယနှစ် ကျောင်းသူ/ကျောင်းသားများ ကိုယ်စား မောင်ဂရေဂေါ်ရိ မှ ကျေးဇူးတင် စကား ပြောကြားသည်။ (၂၀၁၁)ခု စာသင်နှစ်သည် ဇန္န၀ါရီလမှ စက်တင်ဘာလ အထိ ဖြစ်သည်။ ဤသင်တန်းကျောင်းသို့ တက်ရောက်နေကြသော ယခုနှစ် ကျောင်းသူ ကျောင်းသား ဦးရေမှာ (၆၈)ဦး ရှိကြောင်း သိရှိရသည်။


၂၀၁၁ ဖေဖေါ်ဝါရီ (၅)ရက်
(၈၁)ကြိမ်မြောက်လုဒ်မယ်တော်ပွဲ (မြင်းခြံ)

မြင်းခြံမြို့(၈၁) ကြိမ်မြောက် လုဒ်မယ်တော်ပွဲကို (၂၀၁၁)ခု ဖေဖေါ်ဝါရီလ (၄)ရက်နှင့် (၅)ရက် နေ့များတွင် ကျင်းပသည်။ (၄)ရက်နေ့ ညနေ (၅း၄၅)နာရီတွင် မန္တလေး သာသနာပိုင် ဂိုဏ်းချုပ် ဆရာတော် ပေါလ်ဇိန်ထုန်းဂရောင်အား ကြိုဆိုပြီး မွန်ဆီညော် ဂျွန်မောင်နီ ဦးဆောင်၍ မစ္ဆားပူဇော်သည်။ မစ္ဆားအပြီးတွင် မယ်တော်၏ ဆင်းတုတော်ကို မြို့တွင်းသို့ လှည့်၍ ဂါရ၀ ပြုကြပြီး ကိုယ်တော်မြတ်   ကောင်းကြီးဖြင့် အဆုံးသတ်သည်။ (၅)ရက်နေ့ နံနက် (၈)နာရီတွင် ဆရာတော် ဦးဆောင်၍ မစ္ဆားပူဇော်ရာ ရဟန်းတော် (၁၇)ပါး၊ ဦးပÍ္စင်းကြီး (၃)ပါး၊ သီလရှင် (၇)ပါး၊ မန္တလေး၊ မိတ္ထီလာ၊ သာစည်၊ နဘက်၊ ကျောက်ပန်းတောင်းမှ ဘာသာဝင်များ စုစုပေါင်း(၈၀၀)ခန့် တက်ရောက်သည်။ ပွဲတော် ဖြစ်မြောက်ရေး အတွက် ငွေကျပ် ငါးသောင်း အထက်ထည့်ဝင်သော အလှူရှင်များကို ဆရာတော်မှ ဂုဏ်ပြုလွှာများ ပေးအပ်သည်။ ကျောင်းထိုင် ဘုန်းတော်ကြီး နီးကလက် ပြုံးချိုက ကျေးဇူးတင်စကား ပြောကြား သည်ဟု သိရသည်။


၂၀၁၁ ဖေဖေါ်ဝါရီ (၁၀)ရက်
လုဒ် မယ်တော်ပွဲ (ရမည်းသင်း)

ရမည်းသင်းမြို့၊ လုဒ် မယ်တော်ပွဲကို (၂၀၁၁)ခု ဖေဖေါ်ဝါရီလ (၉)ရက်နေ့နှင့် (၁၀)ရက်နေ့များတွင် ကျင်းပခဲ့သည်။ (၉)ရက်နေ့ ညနေ (၅)နာရီတွင် ပွဲတော် အကြို မစ္ဆားပူဇော်ပြီး ရွှေနှလုံးတော် ဆင်းတုနှင့် မယ်တော်၏ ဆင်းတုတို့ကို မြို့တွင်းသို့ လှည့်လည် ဂါရ၀   ပြုကြသည်။ (၁၀)ရက်နေ့ နံနက်(၁၁)နာရီတွင် မစ္ဆားတရားတော်ကို မွန်ဆီညော် ဂျွန်မောင်နီ ဦးဆောင်၍ ပူဇော်သည်။ ရဟန်း ဘုန်းတော်ကြီး (၂၉)ပါး၊ ဦးပÍ္စင်းကြီး(၃)ပါး၊ သီလရှင်(၅)ပါးနှင့် ဘာသာဝင်(၃၀၀)ခန့် တက်ရောက်သည်။ ရမည်းသင်းမြို့လုဒ် မယ်တော် ပွဲကို (၁၉၉၇)ခုနှစ်မှ ယနေ့တိုင် (၁၄)ကြိမ် ကျင်းပပြီး ဖြစ်သည်။ ဤပွဲတော်ကို ဒေါ်လီလီမှ အကုန်အကျခံ ကျင်းပသည်ဟု သိရသည်။ ပွဲတော်လာ ရဟန်း ဘုန်းတော်ကြီးများ၊ သီလရှင်များ၊ ဘရာသာရ်များအား အလှူငွေများ ပေးအပ်သည်။ မန္တလေး၊ မုံရွာ မိတ္ထီလာ၊ သာစည်၊ မြင်းခြံ၊ နေပြည်တော်မှ ဘာသာဝင်များ တက်ရောက်ကြသည်။ ပွဲတော်သို့ လာရောက်ကြသော ဘာသာဝင်များအား ခရီး စရိတ်များ ထောက်ပံ့သည်ဟု သိရသည်။


၂၀၁၁ ဖေဖေါ်ဝါရီ (၁၁)ရက်
ညောင်လေးပင်မြို့ လုဒ် မယ်တော် ဘုရားဖူးသွားခြင်းနှင့် ချောင်းသာ ကမ်းခြေ အပန်းဖြေ

မန္တလေး ကက်သလစ် သာသနာ ရဟန်းဖြစ်သင် ကျောင်းသားဟောင်းများ အသင်းမှ ကျောင်းသားဟောင်း (၆၇)ဦး တို့သည် (၂၀၁၁) ခု ဖေဖေါ်ဝါရီလ (၁၁)ရက်နေ့တွင် မန္တလေးမှ ညောင်လေးပင်မြို့သို့ စတင် ထွက်ခွာ ခဲ့ကြသည်။ ညောင်လေးပင်မြို့တွင် တစ်ရက်တာ ဘုရားဖူး ကြပြီး ချောင်းသာ ကမ်းခြေသို့ ခရီးဆက်ခဲ့ကြသည်။ မန္တလေး သာသနာမှ ဖါသာရ် နိကလက် ပြုံးချို ၀ိညာဉ်လမ်းညွှန် ဖါသာရ် ဂျွန်အေးကျော်၊ ဖါသာရ် အက်ဒ်မွန် နေကျော်လွင်၊ ဖါသာရ် အန်ထော်နီ မောင်မောင်ခင်၊ ဖါသာရ် သြဂတ်စတင်း ၀င်းရွှေ၊ ပုသိမ် သာသနာ မှ ဖါသာရ် စတီးဗင်း ချစ်ကိုကို တို့ အတူ လိုက်ပါခဲ့ကြသည်။ ချောင်းသာ ကမ်းခြေတွင် အပန်းဖြေကြရင်း ဘာသာရေး သင်တန်း များ ပို့ချရာ ဖါသာရ်နီကလက် ပြုံးချိုမှ ကျောင်းသားဟောင်းများ သံပေါလူးကို အတုယူနိုင်ရန် သံပေါလူး၏ ဘ၀ဖြစ်စဉ် အကြောင်းကို ၎င်းင်း၊ ဖါသာရ် စတီးဗင်း ချစ်ကိုကိုမှ သာသနာ့ အကျိုးဆောင်အဖွဲ့၏ တာဝန်များကို၎င်းင်း၊ ဖါသာရ် ဂျွန်အေးကျော်မှ တစ်လုံး တစ်ဝတည်း ရှိသော အသင်းတော်အကြောင်းကို၎င်းင်း ဟောပြော ပို့ချသွားသည်။ ဘုန်းတော်ကြီးများနှင့် ကျောင်းသား ဟောင်းများသည် ချောင်းသာ ကမ်းခြေရှိ ကျောင်းသား ဟောင်းတစ်ဦးဖြစ်သူ ဦးလောရင့်စ် လွန်းအောင် ပိုင်သော သီရိဟော်တယ်တွင် တည်းခိုကြသည်။ မုံရွာ ဘာသာဝင် (၃၀)ကျော်လည်း ယင်းဟော်တယ်တွင် တည်းခို ကြသည်။ ည(၇)နာရီ အချိန်တွင် ဘုန်းကြီး (၁၂)ပါးမှ မစ္ဆား ပူဇော်ပေးသည်ဟု သိရသည်။

၂၀၁၁ ဖေဖေါ်ဝါရီ (၂၀)ရက်
စိန်အာလောရှက်စ် မိသားစုအသင်း၏ ပဉ္စမအကြိမ်မြောက် နှစ်ပတ်လည်ပွဲနှင့် အသင်းဥက္ကဋ္ဌ ဖါသာရ် လူဝစ်စိုးလွင် (ကျောင်းအုပ်) အား နှုတ်ဆက်ပွဲ

မန္တလေး ကက်သလစ်သာသနာ စိန်အာလောရှက်စ် မိသားစုအသင်း၏ ပဉ္စမအကြိမ်မြောက် နှစ်ပတ်လည်ပွဲနှင့် အသင်း၏ ဥက္ကဋ္ဌ ဖါသာရ်လူဝစ်စိုးလွင် (စိန်အာလောရှက် အခြေခံ ရဟန်းဖြစ် သင်ကျောင်းအုပ်)အား နှုတ်ဆက်ပွဲ အခမ်းအနားကို (၂၀၁၁)ခုနှစ်   ဖေဖေါ်ဝါရီလ (၂၀)ရက်နေ့က ပြင်ဦးလွင်မြို့ အခြေခံ ရဟန်းဖြစ်သင်ကျောင်းတွင် ကျင်းပရာ ဘုန်းတော်ကြီး (၄)ပါး အသင်းဝင် (၈၂)ဦး တက်ရောက်သည်။ နံနက်(၉)နာရီတွင် ဖါသာရ် လူဝစ်စိုးလွင်နှင့် ၀ိညာဉ် လမ်းညွှန် ဘုန်းတော်ကြီး ဖါသာရ်လူးကပ်စ်တို့က အသင်းဝင်များ ကျန်းမာရေးနှင့် ကွယ်လွန်သွားကြသော အသင်းဝင်များ၏ မိသားစု ၀ိညာဉ်အတွက် မစ္ဆား ပူဇော်ပေးသည်။ ပူဇော်ခြင်း အချိန်တွင် အသင်းဝင်များက စုဗူးများ ဆက်ကပ်ကြသည်။

Catholic Church News Image of Mandalay seminary celebrates 25 years
နံနက်(၁၁)နာရီတွင် စာသင်ခန်းမ၌ အခမ်းအနား ကျင်းပရာ ဖါသာရ်စိုးလွင်မှ ကြိုဆိုနှုတ်ဆက် စကားပြောပြီး တစ်နှစ်တာ အတွင်း ကျောင်းသားများအား မည်ကဲ့သို့ ပြုစု ပျိုးထောင် ခဲ့ပုံကို၎င်းင်း ဖါသာရ်လူကပ်စ်မှလည်း ကျောင်းသားများ၏ ၀ိညာဉ်ရေး ဆိုင်ရာများ လမ်းညွှန် ပဲ့ပြင်ခဲ့ပုံကို၎င်းင်း ပြောကြားကြသည်။ ဖါသာရ် ဂျွန် စိုးတင့်(ရဟန်းဖြစ် တက္ကသိုလ် ဒဿနိကဌာန)နှင့် ဖါသာရ် ပီတာ မျိုးအောင် (စိန်မေရီ ကျောင်းထိုင်) တို့ကလည်း အားပေးစကား ပြောသွားကြသည်။ အသင်း၏ ဘဏ္ဍာရေးမှူး ဦးကျော်မင်း မှ  ငွေစာရင်း ရှင်းတမ်း ဖတ်ကြား တင်ပြသည်။


ထို့နောက် မြန်မာနိုင်ငံလုံးဆိုင်ရာ ကရုဏာ ဒါရိုက်တာ အဖြစ် ပြောင်းရွေှ့ တာဝန် ထမ်းဆောင်ရမည့် ဖါသာရ်လူဝစ် စိုးလွင် အား နှုတ်ဆက်ပွဲ ကျင်းပရာ အသင်းဝင် အငြိမ်းစား ဗိုလ်ကြီး မစ္စတာအင်ဒရူးမှ နှုတ်ဆက် ကျေးဇူးတင် စကားကို၎င်းင်း၊ ပြင်ဦးလွင်ရှိ အသင်းဝင်များ ကိုယ်စား ဒေါ်စူစန်မှ နှုတ်ဆက် စကားကို၎င်းင်း၊ အသီးသီး ပြောကြားကြပြီး ဘုန်းတော်ကြီးများအား အလှူငွေများ ဆက်ကပ် ကြသည်။ နေ့လည် ပိုင်းတွင် အုပ်စု(၅)စု ခွဲပြီး ရှေ့လုပ်ငန်းစဉ်များ ဆွေးနွေး ကြသည်။ အဖွဲ့လိုက် ဘာသာရေး ဗဟုသုတပြိုင်ပွဲ ကျင်းပသည်။ အနိုင်ရ အဖွဲ့နှင့် အနိုင်ရ အသင်းဝင်ကို ဆုများ ချီးမြှင့်ပြီး အခမ်းအနားကို ညနေ (၃း၃၀)တွင် ရုပ်သိမ်းသည်။ စုဗူးများမှ အလှူငွေ စုစုပေါင်း (၆)သိန်းကျော် ရရှိသည်ဟု သိရသည်။


January 2011 (ဇန္ဒ၀ါရီလ ၂၀၁၁)                                                                           March 2011 (မတ်လ ၂၀၁၁)